Eksodo 27:9 - Mawu a Mulluku

⁹ “Opange nthato na musasa waapheelliha mpanda. Omwera wiwa okhalle ekuwo ddabafuta aphaama, orekama wiwa okhalle mamita 46.

Eksodo 27:9 ပူးပေါင်းရင်းမြစ်များ

Ezekiele 42:3

Moowehana ni nikhote na nthato namuwari na mamita khumi navettho moowehana ni nikhote na nthato na otte vaakhalla makhote mararu ootthinnddaanyerana.

Ezekiele 40:44

Vano muthoolle aakikusella muwariwari mwa nthato nave muwari mwa nthatonno kahoonamo ezipinda piilli, emodda vakhuviru ni mullako wa ompoto moowehana ni omwera nave emodda vakhuviru ni mullako wa omwera moowehana ni ompoto.

Ezekiele 40:32

Vano muthooyo aakikusella o nthato namuwari na wookhuma nndduwa. Aalinga mullakooyo nave waari woophwanaphwana ni ddimoddanndde.

Ezekiele 40:28

Muthoolle akivollochiha mu nthato namuwari oweella mullako wa omwera. Aalinga mullakooyo nave waari woophwanaphwana ni ddimoddanndde.

Ezekiele 40:23

Mullako woophwanaphwana ni wa wookhuma nndduwoolle waaphiya o nthato namuwari noowehana ni mullako wa ompoto. Aalinga ovenyera o mullako mmodda ophiya o mullako mmodda nave orekama wiwa waari mamita 50.

Ezekiele 40:20

Vatulli viwa aalinga mullako wa ompoto wooweella o nthato na otte. Aalinga orekama ni okhuveya wiwa.

Ezekiele 40:14

Vatulli viwa aalinga nikhote namuwari nave naari noorekama mamita khumi. Nave voowaapheella nikhotenno vaakhalla nthato.

Masalimo 116:19

m'mathatoni a enyumba ya Apwiya, mu muzinda wa Yerusalemu. Aleluya!

Masalimo 100:4

Vollowani va millako ddiwa mwaathokozaka, khaweni m'mathatoni mwiwa mwaatitimihaka, athokozeni Apwiya, titimihani nnddina niwa.

Masalimo 92:13

Tti wonanko miteekho ddawaalliwa mu enyumba ya Apwiya, ddoohakallalla m'mathatoni a Mullukwaahu.

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.

2 Epilli 33:5

Nave aamaka makuwa oollapellavo ddeko ddamuddullu m'mathatoni meelli a enyumba ya Apwiya.

1 Mamwene 8:64

Nllapo nenno mwene aapatulattho nipuro na variyari va nthato namillatu nno naari vahoollo va enyumba ya Apwiya. Vawi tti wenko avelleelleeyewo mukutho wooshellelliha ni mukutho wa othu navettho makhura a mikutho ddeeyaattano. Aheera ddiidda kaambiiwa nikuwa na mukutho namukuwa nno naari va nipuro noopatuleya na Apwiya naayeva sika mikutho dda ddeko ddittheddenenndda kheddaakwakhwanella ovelleellavo.

1 Mamwene 6:36

Aamakattho nthato namuwari nave esiri ddiwa aaddipanga ni malluku oosema mizere miraru, mwawaakakhaniha ni muzere mmodda wa matabwa amukunguza.

Eksodo 40:8

Omake mpanda wa nthato waapheella musasooyo nave otthomeye ekatani ya mullako wa nthato.

Eksodo 39:40

ekuwo ya mpanda wa nthato, apoto ni matthipellwiiwa, ekatani ya mullako wa nthato ni mikwe ddiwa ni ekhomo ddiwa navettho ezipangizo ddittheddene ddoorumeyellana mu musasa wamutthukumano.

Eksodo 36:17

Sika yaasowella makwelelo 50 mukhwipi mwa ekuwo yawaambeeyo nave makwelelo 50 mamodda va ekuwo yaneepiilleeyo.

Eksodo 27:10

Apotwiiwa 20 ni matthipellwiiwa 20 ekhalle a mukuwa koma engowi dda apotwaayo ni ekopo ddiwa ddikhalle dda siliva.

Eksodo 35:17

ekuwo ya mpanda wa nthato, apoto ni matthipellwiiwa, ekatani ya mullako wa nthato,

Eksodo 40:33

Aamaka mpanda wa nthato waapheella musasa wamutthukumano ni nikuwa nave aatthomeya ekatani ya mullako wa nthato. Vano Mose aamalliha mutteko muttheenooyo.

Numeri 3:26

ekuwo ya mpanda wa nthato noowaapheella musasa wa Mutthukumano ni nikuwa, ekatani ya mullako wa nthato navettho mikwe ddiwa. Sika yaanaphara mitteko ddittheddenenndda.

Numeri 4:26

Ekuwo ya mpanda wa nthato noowaapheella musasa wa Mutthukumano ni nikuwa, ekatani ya mullako wa nthato navettho mikwe ddiwa ni ezipangizo ddittheddene ddoopaalleya ni mitteko ddittheddene dda ddekonndda.

Numeri 4:32

Yaatukhulleke apoto ni ekhomo ddiwa, mikwe ddiwa, owaakattho ezipangizo ddiwa ddittheddene, dda mpanda wa nthato. Nave omulleelle arive muthu eyo anaatukhullekeeye.

2 Epilli 4:9

Aamaka nthato na allupa mukutho, nthato nuullupalli nootte ni machiwiiwa oohuruwella ni mukuwa.

Ezekiele 40:17

Vano muthoolle aakivollochiha mu nthato na otte nave kahoona ezipinda ni musewu wamalluku waapheella nthato nittheene. Ezipinda ddittheddene vamodda ddaari 30 nave ddaweha musewooyo.