Eksodo 25:40 - Mawu a Mulluku

⁴⁰ Achenjere wi epangiwe moollikana ni mmo kawoonihelleemi vamwaangoni valle.

Eksodo 25:40 ပူးပေါင်းရင်းမြစ်များ

Aheberi 8:5

Mutteko onaphariwa ni allupa mukuthwaayo tti echisanzo ni echizindikiro ya ddeko ddineereya mu enyumba yooddullu. Nndda ddiri wonanko ddeereyille ni Mose aariiye vakhuviru otthipella musasa, Mulluku aamulleella wi, “Weerethi ddittheddene ollikana ni echisanzo woonihiweewe vamwaangoni valle.”

Mitteko 7:44

“Makhollwaahu yaakhalla ni musasa woomboni wawooniha wi Mulluku ookhallawo o echipululu wulle. Yapangiwe ollikana ni ddallotille Mulluku wa Mose nave moollikanattho ni mamakello oonihiweeye.

Eksodo 26:30

Sika amake musasa moollikana ni mmo kawoonihelleemi vamwaangoni valle.

Numeri 8:4

Yoohiyavo enyaleeyo yapangiwe ni golide nave waambeella onthimwani ophiyera omalluwani, otthoka wiwa waari woohana. Yoohiyavo enyaleeyo yapangiwe moollikana ni mmo Apwiya yamoonihalliiwa Mose.

Eksodo 25:9

Emake musasa navettho ehiyemo ezipangizo ddittheddene moollikana ni mmo kinawoonihelleemi.”

1 Epilli 28:19

Davide aallota wi nndda ddinniiwanana ni mawu yalembiwe moothwara malangizo a Apwiya. Nave ddittheddenenndda ddaatthopoolliwa phaama wi mitteko ddittheddene ddiphariwe moollikana ni mapulaniiwa.

1 Epilli 28:11

Sika Davide aamuvaha mwanaye Solomoni mapulani oomakella enyumba ya Apwiya, monga ezipinda ddoosungellamo, ddamuddullu, ddamuwari ni echipinda yaweellesesa yookhululukellamo machimo.

Eksodo 25:39

Yoohiyavo enyaleeyo ni ezipangizo ddittheddene addipange ni golide oollemella makilogaramu 34.

Eksodo 27:8

Nave nikuwanno onihiyere nikhungu muwari mwiwa. Onimake moollikana ni mmo kawoonihelleemi vamwaangoni valle.

Eksodo 31:11

makhura oozozella navettho lubani* na nthuko naphaama na nipuro naweella. Epange ddittheddenenndda moollikana ni mmo kuulamulelleemi.”

Eksodo 36:2

Vano Mose aawiithana Bezalele, Oholiyabu ni athu eeruso attheene ayo Apwiya yaavahilliiwa ezeru nave yapaallille ni murimiiwa muttheene okavihera.

Yoswa 22:28

Yaalla sika yaari maganizwaahu wi ddenndda ddawa ddeereya hiyaano nillote wi, ‘Ngoonani, makhollwaahu yaamaka nikuwa noophwanaphwana ni nikuwa na Apwiya. Nenna khanaahiyo noovelleellella mikutho ddawoosa apaalle wiiphellavo enama dda mukutho koma naari mboni variyari va hiyaano ni nyuwaano.’

2 Epilli 4:7

Nave aapanga ddoohiyavo enyali khumi ddagolide moollikana ni mmo ddalembelliwiiwa nave yaaddihiya mu enyumba ya Apwiya, dditthanu omwera dditthanu ddimodda ompoto.