Eksodo 25:37 - Mawu a Mulluku

³⁷ Apange enyali dditthanu ni piilli nave addihiye otthoka wa erukullu ni enthambi dda yoohiyavo enyaleeyo wi ddimolleelleke muhoollo.

Eksodo 25:37 ပူးပေါင်းရင်းမြစ်များ

Numeri 8:2

“Mulleelle Aroni wi aahiyaka enyale dditthanu ni piilli va yoohiyavo enyale, addihiye wi ddimolleelleke muhoollo mwa ddoohiyavo enyalennddo.”

Yawuupullulla 1:20

Nngu sika ottaphullella wa etheneeri dditthanu ni piilli onooneewe ddiri mu nnattanatta mwaka ni ddoohiyavo enyali dda golide dditthanu ni piilli. Etheneeri dditthanu ni piillinnddo sika oohoollella a mipingo mitthanu ni miilli nave ddoohiyavo enyali dditthanu ni piillinnddo sika mipingo.

Yawuupullulla 1:12

Kaarukunuwa wi kiwoone enakillotihaayo ttaani nave kahoona ddoohiyavo enyali dda golide dditthanu ni piilli,

Zekariya 4:2

Aakikoha wi, “Onoona tini?” Nave kahaakhulla wi, “Kinoona yoohiyavo enyali, ettheene yagolide ni embale vaddullu viwa. Eri ni enyali dditthanu ni piilli, erive enyali yoophovolliwa otthanu ni opiilli moovollochihamo matthupu.

2 Epilli 13:11

Ennavelleella wa Apwiya mikutho ddooshellelliha orive ohinase ni orive misikuwa. Ennoosa lubani* na nthuko naphaama nave ennamuhiyattho buledi oovelleella va tebulo a golide aphaama navettho ennapwatha yoohiyavo enyali yagolide wi enyali ddiwa ddikhareke orive misikuwa vawi ninniiwellella nnddo enanilamula Apwiya Mullukwaahu koma nyu mohaahiya.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Yawuupullulla 22:5

Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.

Yawuupullulla 4:5

Nave o mpando woomwenooyo waanavenyera ettari, onyakulla ni ogugudeya wa murimu. Vahoollo va mpando wa omwenooyo vaakhalla mitthiko ddookhara mitthanu ni miilli nnddo ddiri minepa mitthanu ni miilli dda Mulluku.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Yohane 12:5

“Kaambiiwa tini makhura yaalla yahikullihiwiiwa voowallamella mutengo ni waavaha makobiraayo athu oohoowa?”

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yohane 1:9

Nngu sika owala wawoona nko onavollowa mu ellapo yavatthi ni omolleella va athu attheene.

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

Mateyu 5:14

“Nyu muri wonanko owala wa athu attheene a va ellapo yavatthi. Muzinda oyo omakiwe vamwaangoni khonaworeya ovittheya.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Miyambo 6:23

Vawi malamulo tti enyali, malangizo tti owala nave ohumullulla tti ettilla yookumi.

Masalimo 119:105

Mawaanyu tti enyali ya omanyalloni waka, ennamolleella ettillaaka.

Eksodo 40:24

M'musasani omwera, moowehana ni tebulo, aahiyamo yoohiyavo enyali.

Eksodo 37:23

Aapanga enyali dditthanu ni piilli dda yoohiyavo enyali. Ezipangizo dda enyaleeyo, ddoopanella ddeko ni embale, ddaari dda golide aphaama wunchichi.

Eksodo 30:8

Nave aakhariha enyaleeyo misikuwa, ooseke lubani. Sika vikhalle woosa lubani woohihiyerera vamiitthoni va Apwiya mu mibado ddanyu ddittheddene.

Eksodo 25:38

Ezipangizo dda enyaleeyo, ddoopanella ddeko ni embale ddikhalle dda golide aphaama wunchichi.

Eksodo 40:25

Vano va yoohiyavo enyali aahiyavo enyali wi ddikhalle vamiitthoni va Apwiya moollikana ni mmo Apwiya yamulamulelliiwa Mose.

Numeri 4:9

Ekuse ekuwo yabululu nave ekhuneellena yoohiyavo enyali ni enyali ddiwa, ddoopanella ddiwa, embale yoohiyamo ntuura ni ezipangizo ddiwa ddittheddene ddoohellamo makhura.

2 Epilli 4:20

ddoohiyavo enyali ni enyali ddiwa ddagolide aphaama wi ddikhareke muwariwari mwa nipuro naweellesesa moollikana ni mmo mwalembelliwiiwa,