Eksodo 25:20 - Mawu a Mulluku

²⁰ Muuphello a akerubaayo aattaphuruselle muddullu va yookhuneelleeyo. Akerubi ekhalle moowehana, arive kerubi aweheke vatthi va yookhuneelleeyo.

Eksodo 25:20 ပူးပေါင်းရင်းမြစ်များ

1 Epilli 28:18

dda waata wa golide aphaama oomakella nikuwa nawoosellavo lubani ni ollemella wiwa. Aamuvaha mapulani oopangella nigareta na akerubi* oottaphurusa muuphellwiiwa ekhuneellana nibokosi na echipangano na Apwiya.

1 Mamwene 8:7

Sika akerubaayo yaanattaphurusa muuphellwiiwa vaddullu va nibokosi na echipanganonno mwawi yaanakhuneella ni ekopo ddiwa ddootukhullella.

Aheberi 9:5

Vaddullu va nibokosinno vaari akerubi* oosema awooniha ntitimiho na Mulluku nave muuphellwiiwaayo yaakhuneella vanipuroni nookhululukella machimo, vaddullu vanibokosininno. Nave vano khawuworeya wi nitthopoolle ddittheddene.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Akolose 2:10

nave moovahiwa okumi muttheene mu eyaattano ni olliyooyo. Olliye tti muullupalli a oolamulella attheene ni masiva mattheene ooddullu.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

1 Akorinto 11:10

Ekaamba ya yeella nave ekaamba ya angelo mutthiyana anaphwanella akhalleke ni yawiikhuneella omuruni waye.

1 Akorinto 4:9

Vano kinnoona wi Mulluku oovaha nipuro noovevuwa wa hiyaano amurummwa, wonanko athu elamuliwe wi yiiphiwe wonanko ello yawoonihiwa wa ellapo yavatthi ettheene wa angelo ni wa athu.

Yohane 1:51

Nave aallota wa yaayo wi, “Ddawoona, kinimuulleellani wi muneerewoona oddullu woohulleya nave angelo a Mulluku ewellaka ni ekitthaka vakhuviru ni miyaano Mwaana a Muthu.”

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Ezekiele 28:14

Kahuuvaha mungelo awoopiha wi uuwehereke. Waanakhalla va mwaangwaaka woopatuleya nave waaneeta vamallukuni amunllo.

Ezekiele 1:20

Orive weko waya Munepa ddoophatusiwannddo ddaanaya wenko. Magudumu masesaalle yaanayattho wenko. Ekaamba yawi Munepa wa ddoophatusiwannddo sika weetiha magudumwaayo.

2 Epilli 3:10

O nipuro naweellesesa aapangellawo akerubi eelli amukoko, aahuruwella ni golide.

Eksodo 25:18

Golide a mukhwipi vaddullu va yookhuneelleeyo amuhane wi aapange akerubi* eelli,

Genesis 28:12

Muullohani ahoona makwelelo oovenyera vatthi ophiyera oddullu nave aawoonattho angelo ewellaka navettho ekitthaka vamakwelelonimvo.

Eksodo 25:19

mmodda nngu ni mmoddattho nngu. Sika akerubaayo ekhalle oovenyera va golide a va yookhuneelleeyo.

1 Mamwene 6:27

Solomoni aawiimesa akerubaayo mu echipinda yamuwari mu enyumba ya Apwiya. Nave muuphellwiiwa yahaattaphurusa wawi nuuphello na kerubi mmodda naanattannya esiri nave nuuphello na mmoddooyo naanattannya esiri emodda. Muuphello mamoddaayo yaanattannyana variyari va echipindeeyo.

1 Mamwene 6:23

Ahaapanga akerubi* eelli a muteekho wa olivi awiimesa mu echipinda yamuwari wunchichi. Arive mukerubi aari oorekama mamita masese ni hafu.