Eksodo 23:6 - Mawu a Mulluku

⁶ “Muthu mmodda oohoowa aawiipiwaka mullatu, ohimwimmane echilungamo.

Eksodo 23:6 ပူးပေါင်းရင်းမြစ်များ

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Deuteronomo 27:19

“ ‘Atembeleliwe arive muthu aweeruza moohilungama alleto, akhwaadduni ni anaamukhwelle.’ “Nave athu attheene yaakhulle wi, ‘Amen!’

Deuteronomo 16:19

Eheeruzeke moohollosa apaalle mooweha ekhove. Ehaakhelleke ddamukaphwani kaambiiwa ddamukaphwani ddinnaripiha miittho a athu eezeru nave ddinnaahollosa eyano dda oolungama vaweeruzani.

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

Yeremiya 7:6

Muhaahooseke alleto, akhwaadduni apaalle anaamukhwelle. Muhiwiiphe athu oohichimwa va nipuro nenna. Muhillapelleke milluku ddimodda wi muhoonongeye.

Yeremiya 6:28

Attheene tti eetiyamaaru oowukila, anawunawu, awumma wonanko mukuwa ni mukoko ni aweera ddoonanara.

Yobu 31:13

Kaarimi kivevullalle mullatu wa oorumeyellaaka aphiyalleeye vamiitthoni vaka ovaanyihana ni miyaano,

2 Epilli 19:7

Vano muwooveke Apwiya. Muganizeke va nnddo muneerekeenyu vawi Apwiya Mullukwaahu tti oolungama nave khenaweha ekhove apaalle waakhella ddamukaphwani.”

1 Samuele 8:3

Koma anamwanaalla kheyaarina makhallello aphaama wonanko a attiitthiiwa. Yaanahapuwella o ddoonanara, enathwara opindula. Yaanaakhella ddamukaphwani, yaaneeruza millatu mookhoromaniha.

Miyambo 18:5

Khe waphaama omuyaara muthu oonanara apaalle omuwatteella echilungamo muthu oolungama.

Miyambo 22:22

Muhiwaakhe oohoowa ekaamba yawi tti oohoowa apaalle waanyingallella oopaneya vanthatoni.

Miyambo 31:5

wi ehitiwalle malamulo ni oweeruza athu oohoosiwa mookhoromaniha.

Yesaya 5:23

Otulli wa athu ayo enamulungamiha muthu oochimwa ekaamba ya ddamukaphwani nave enananariha mullatu wa muthu oohichimwa.