Eksodo 23:32 - Mawu a Mulluku

³² Muheerena echipangano alliwaayo naarittho milluku ddiwa.

Eksodo 23:32 ပူးပေါင်းရင်းမြစ်များ

Deuteronomo 7:2

Apwiya Mullukwaanyu yaavelleellaka athu yaalla m'mattani mwanyu nave mwaagonjiha, mwaatthollose attheenaayo navettho muhaattanena apaalle oweerella echifundo.

Eksodo 34:12

Moonesese wi muhikeraatthihe echipangano ni athu a ellapo eyo munayaanyunko woova wi ttuukhalla musampha wawuuchimwihani.

Eksodo 34:15

Muhikeraatthiheke echipangano ni athu a ellapo yeeyo kaambiiwa yaachimwaka voollapellani milluku ddiwa ni ovelleella mikutho apaalle ttuuwiithanani wi muchena yoocha ya mikutho ddiwannddo.

Masalimo 106:35

Koma yaattakanyiherana ni mitundu ddimoddannddo ehuddera makhallellwiiwa oonanara.

Deuteronomo 7:16

Nave muddoononge moohimoriwa ethakaraka mitundu ddittheddene nnddo Apwiya Mullukwaanyu enaaddivelleelliiwa m'mattani mwanyu. Muhillapelleke milluku ddiwa vawi muneerophariwa m'musamphani.

2 Akorinto 6:15

Khrisitu ni Satana eniiwanane mwawiidde? Ookhulupilila ni oohikhulupilila enaphwanaphwana mwawiidde?

Eksodo 23:13

“Wiiwesese ddittheddene kuulleelleminndda. Ohiddillapelleke milluku ddimodda nave ohiromollekettho ni manddiniiwa.

Eksodo 23:24

Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Yoswa 9:7

Koma Aisraele yaawaakhulla Ahivi wi, “Apaalle owaninyu tti mukhuviru mwemmu. Vano ninaapangane mwawiidde?”

Oweeruza 2:2

Vano nyuwaano muhinapangana ni athu ookhalla mwiillaponimmu. Mukumulle makuwiiwa mattheene.’ Koma nyuwaano khamwiiwellelle lamulo naka. Ella mweerilleenyu tti tini?

Deuteronomo 7:1

“Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Deuteronomo 20:18

Muwiiphe attheene wi ehuuchimwiheni vamiitthoni va Apwiya Mullukwaanyu vawuuhuddihani ddoonanara nnddo eneeriiwa voollapellani milluku ddiwa.

Deuteronomo 31:5

Apwiya eneerewaavelleella m'mattani mwanyu nave mwaweerelle moollikana ni mmo kuulamulalleemini.

Yoswa 10:40

Sika Yoswa aagonjiha ellapo ettheene yamiyaango, ellapo yoomwera, ellapo yamutapo ni mamweniiwa mattheene khaavo naari muthu mmodda avulluwalle koma ohoononga ddittheddene ddoovuma moollikana ni mmo yalamulelle Apwiya Mulluku a Aisraele.