Eksodo 23:27 - Mawu a Mulluku

²⁷ “Kineeroweeriha wi ekooveke miyaano athu attheene enaallipaneke ni nyuwaano. Kineerowaapheelliha muru athu ayo munaawanekeenyuna. Nave kineerowiikariha adanaanyu attheene.

Eksodo 23:27 ပူးပေါင်းရင်းမြစ်များ

Deuteronomo 2:25

Waambeella ollello kineerekowoopopiha athu a va ellapo yavatthi wi ewoovekeni. Arive muthu iiwa dda nyuwaano aneerotthukumella ni woova ni otathilla murima ekaamba yoowoovani nyuwaano.’ ”

Genesis 35:5

Yakobo ni anaaye yatimulliiwa, athu attheene a mizinda ddawaapheella yahoova wunchichi vawi yaalephela waathamakella.

Deuteronomo 7:23

Apwiya eneerewaavelleella adanaanyu m'mattani mwanyu nave eneerewaapallallesa ophiyera yoonongeyille attheene.

Deuteronomo 11:25

Khaavo anaawore wuuhiihani nave muneerowoononga attheene. Virive veko vinaanyingalle nnyallo nanyu mwiillaponi yeeyo, athu eneerekowoovani moollikana ni mmo Apwiya Mullukwaanyu ulonjezelliiwani wi aneerowoopopiha athwaayo.

Masalimo 18:40

Nyu sika mwawiikanre adanaaka wi ethawe, ayo yiitana ni miyaano kaawoononga.

2 Epilli 14:14

Vano yahoononga mizinda ddittheddene ddaaphenlle Gerari vawi woova woovenyera wa Apwiya wahaamorella. Yahaakha mizinda ddittheddene ni katundu muttheene.

2 Mamwene 7:6

Apwiya yaaweeriha Asiriya wiiwa onyakulla wa magareta ni akavalo navettho mukhito wa mulloko wa akhoto variyari va akhoto a Asiriya. Sika yahaamba olleellana wi, “Ngiiwani onyakullanko, mwene a o Israele ohaalemba mamwene a Ahiti ni a Aiguputo wi enihelle ekhoto!”

1 Samuele 14:15

Vano Afilisti attheene yahaapheella miru ni woova wuullupalli. Akhoto a omisasani wulle ni awoononga yaatthukumella wunchichi. Ellapo yaatikheya nave otikheyanko wahoonjerera woova wa Afilistaalle.

Deuteronomo 11:23

Sika nyuwaano mwaayaakawo Apwiya eneerewiikara mitundu ddenndda vahoollo vanyu nave muneerewaakha ellapo ya mitundu dda athu uullupalli ni amasiva okhwaranya nyuwaano.

Eksodo 33:2

Kineeromuruma mungelo vahoollo vawo nave kineerowiikara Akanani, Aamori, Ahiti, Aperezi, Ahivi ni Ayebusi.

2 Samuele 22:41

Nyu sika mwawiikanre adanaaka wi ethawe, ayo yiitana ni miyaano kaawoononga.

Masalimo 21:12

vawi aneeroweeriha wi ethawe, vawaavokhani mipaamba.

Eksodo 34:24

Vawi kineerowiikariha mitundu ddimoddannddo nyuwaano mwaaphiyaka nave kineerewunnuwiha malire a ellapwaanyu. Khaavo naari mmodda anaapaalle waakha ellapwaanyweeyo va enthawi eyo mwaawooneyellaka vamiitthoni va mi Apwiya, oraru vamuyakhani.

Numeri 22:3

Ekaamba yawi Aisraelaayo yaari anchichi Amowabu yaawoova athwaayo wunchichi nave yaatathilla murima.

Deuteronomo 6:19

Nave muneerowiikariha adanaanyu moollikana ni mmo Apwiya yalonjezelliiwa.