Eksodo 23:24 - Mawu a Mulluku

²⁴ Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Eksodo 23:24 ပူးပေါင်းရင်းမြစ်များ

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Numeri 33:52

muwiikarihe athu attheene a mwiillaponi mwemmo mwaphiyawo. Nave moononge ddoophwanaphwaniha ddoosema ddiwa, mafanwiiwa a mikoko ni mapurwiiwa oollapellamo mafano.

Deuteronomo 12:3

Mwakumulle makuwiiwa ni woononga mallukwiiwa oopatuleya. Mwawoose mafanwiiwa a Asherimu nave mwapwaramwase mafanwiiwa oosema navettho mwathiimihe manddina a millukunnddo orive weko.

Deuteronomo 7:5

Koma munipuroni mwene mwakumulle makuwiiwa, moononge mallukwiiwa oopatuleya, mwapwaramwase mafanwiiwa a Asherimu nave mwawoose mafanwiiwa oosema.

2 Epilli 33:9

Nave Manase ahaahollosa Ayuda ni athu a mu Yerusalemu mwawi yaheera ddoonanara ddinchichi waakhwaranya athu a mitundu ddimodda ayo Apwiya yawiikarihalliiwa Aisraele ehinaphiye.

Levitiko 18:3

Muhineeraka eneera athu a o Iguputo mwakhalleenyu wulle nave muhineeraka nnddo eneera athu a o Kanani nko kineereemi kuuphiyiheniwoni. Muhinattakihaka makhallellwiiwa.

Eksodo 32:20

Vano aamukusa musaanaang'ombe yamoopilliiwoolle, aamweeka, aamusilla wonanko othu nave aahella m'maaddini nave vatulli viwa ahaawiryiha Aisraele maaddaalle.

Ezekiele 16:47

Weyaano khewaawiiwananne ni ettilla ddiwa navettho ddaweera ddiwa ddoonanara. Koma viviralle enthawi yooyeva waheera yoonanara waakhwaranya alliwa.

Masalimo 101:3

miitthwaaka khekhalla va ddeko ddoohikhalla ni mutteko. Kinniitanana ddaweera dda athu awuuhiyani, kheddinakiddivella naari vang'ono.

2 Epilli 33:2

Olliye aheera ddoonanara vamiitthoni va Apwiya voothwarani mitteko ddoonanara dda athu a mitundu ddimodda ayo Apwiya yawiikarilliiwa ehinaphiye Aisraele.

Eksodo 23:13

“Wiiwesese ddittheddene kuulleelleminndda. Ohiddillapelleke milluku ddimodda nave ohiromollekettho ni manddiniiwa.

Eksodo 23:32

Muheerena echipangano alliwaayo naarittho milluku ddiwa.

Eksodo 23:33

Ehikhalleke mwiillaponi mwanyu, woova wi enuuchimwiheni. Mwaallapellaka milluku ddiwa, ddawoona, munimaphariwa m'musamphani.”

Levitiko 26:1

“Muhiniipangella mafano, muhiimese ddoophwanaphwaniha ddoosema, malluku awuupuwelliha apaalle apoto amalluku oosema moophwanaphwanihella mu ellapwaanyu wi muddillapelleke. Mi tti Apwiya Mullukwaanyu.

2 Mamwene 3:2

Yoramu aheera ddoonanara vamiitthoni va Apwiya koma ochimwa waye khawaaphwanaphwanne ni wa attiitthinnya ni amennya Yezebele. Olliye aakumulla nifano na Baala nno attiitthinnya yamakilliiwa.

2 Mamwene 18:4

Ahoononga mapuro oollapellamo mafano, ahaakumulla apoto oopatuleya, ahinttaka mafano a Asherimu. Nave aakotholla enowa ya mukuwa elle ayipangille Mose vawi Aisraele ennayoosella lubani* ophiyera ollello. Nnddina niwa naari Nehushitani.

Eksodo 20:3

“Ohikhalleke ni milluku ddimodda koma meeneve.

Numeri 25:2

Atthiyanaayo yaanawiithana omikuthoni dda milluku ddiwa. Vano yaanachana ni ollapella milluku ddiwannddo.

2 Mamwene 17:8

nave yaaneeta moothwara ehuddiho dda athu a mitundu ddimodda ayo Apwiya yawiikanriiwa mvo Aisraele yaphiyiiwa. Yaanathwarattho ehuddiho ddeelleto nnddo mamwene mamodda a Israele yaambihalliiwa.

2 Mamwene 17:11

Nave athwaayo yoosa lubani* o mapuro mattheene oollapellawo mafano omwaangoni wonanko yeerella athu a mitundu ddimodda ayo Apwiya yawiikanriiwa mwiillaponimmo mvo Aisraelaayo yaphiyiiwa.

2 Epilli 14:2

Nave Asa aheera ddaphaama ni ddoolungama vamiitthoni va Apwiya Mullukwaaye.

2 Epilli 25:14

Amaziya awiillewo woowiipha Aedomu, aakusa milluku dda o Seiri addikeraatthiha okhalla milluku ddaye nave aanaddillapella ni oddivelleellella mikutho.

Hoseya 10:2

Murimiiwa tti wawoottha sika eneerollakiwa ekaamba ya machimwiiwa. Apwiya eneerokumulla makuwiiwa nave eneerowinttaka apoto oopatuleya.