Eksodo 23:2 - Mawu a Mulluku

² Naari athu anchichi yeeraka ddoonanara ohaattakihereke. Nave ohivelleelleke omboni wookhoromaniha echiweruzo munthatoni namillatu wi waaddivellihe athu anchichi.

Eksodo 23:2 ပူးပေါင်းရင်းမြစ်များ

Miyambo 1:15

Mwanaka, ohineetakana athu yaalla, ohinathaananakana mu ettilla ddiwa.

Yobu 31:34

Ngoova ddoollota dda milloko dda athu, ngaatthukumella ni ddeepewe dda mabanja mamodda, ngiiwallenlle mpa ekaamba ya alliwa.

Deuteronomo 1:17

Muhiweheke ekhove vaweeruzani arive muthu, khaya muthu shisha apaalle oodduwanyeya, mumweeruze moollikana. Muhimooveke arive muthu kaambiiwa erive echiweeruzo tti wa Mulluku. Mullatu mmodda wuukatamihani, muweekena wa miyaano wi kiwukamulle.’

Mariko 15:15

Pilato voopaallani waahakallalliha athwaayo, ahaattaphullella Baraba. Sika amuvelleella Yesu wi awashulliwe ni otthomeyiwa vamutandani.

Miyambo 4:14

Ohivollowe mu ettilla dda athu oochimwa nave oheeteke mu musewu wa oonanara.

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Mitteko 25:9

Nave Fesito apaalla waahakallalliha Ayuda, sika aamukoha Paulo wi, “Onnapaalla wi oye o Yerusalemu nave mullatwaawoolla wiipiwe vamiitthoni vaka?”

Mitteko 24:27

Vaviralliiwa miyakha miilli, Porkio Fesito aavollowa munipuroni na Felike akhalla oolamulella. Felike apaalla wi aahakallallihe Ayuda, sika amuhiyalle Paulo ari mundende moomulle.

Yeremiya 38:9

“Amwene apwiyaaka, athwaalla yoomweerella ddoonanara wunchichi namallotella Yeremiya. Aamuvokhella mwiihimeni nave vawi buledi oomalla mu muzinda anaakhwelle mwemmo ni ettalla.”

Yeremiya 37:21

Sika mwene Zedekiya aalamula wi Yeremiya asungiwe o nthato na alonda. Vano yaanamvaha yoocha nllapo ni nllapo, mwitthi mmodda wa buledi ookulliwa wa athu oomwaapeya buledi, ophiyera buledi muttheene mwiillaponimmo aamalla. Sika Yeremiya aavirellella okhalla munthatoni na alonda.

Yeremiya 37:15

Endunanndde ddaamushella murima Yeremiya nave ddaamuukutha, ddimuwallella mu enyumba ya namalembella Yonatani eyo yayitthattunsiiwa endende.

Masalimo 72:2

Vano mwenooyo aneeroweeruza athwaanyu moolungama, athwaanyu oohoowa moohiweha ekhove.

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

Genesis 19:4

Alletwaayo ehinakone, allopwana attheene a m'muzindanimmo, asombwe ni awuulluvalleene, yahaapheella enyumbeeyo.

Genesis 6:12

Mulluku awehille ellapo yavatthi ahoona wi tti yoonanara, ekaamba yawi athu attheene yaari oonanara wunchichi.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

Ezekiele 9:9

Mulluku ahaakhulla wi, “Ochimo wa Aisraele ni Yuda tti wuullupalli wunchichi. Ellapo yooddalla ni ddawiipha nave muzinda wooddalla ni ddoohilungama. Athu enallota wi, ‘Apwiya khenanoona! Apwiya aayihiya ellapweella!’ ”

Deuteronomo 24:17

“Mulleto apaalle mukhwaadduni muhimweeruzeke moohilungama. Nave naamukhwelle muhikuseke yawiikhuneellanaaye wi ekhalle echikole ya ekongoli.

Deuteronomo 16:19

Eheeruzeke moohollosa apaalle mooweha ekhove. Ehaakhelleke ddamukaphwani kaambiiwa ddamukaphwani ddinnaripiha miittho a athu eezeru nave ddinnaahollosa eyano dda oolungama vaweeruzani.

Genesis 7:1

Apwiya yaamulleella Nowa wi, “Vollowa muchomboni weyaano ni nibanja nawo. Kohoona tti weekhave oolungama variyari va athu attheene a mbadoolla.

Hagai 1:4

“Ethiyo ddenndda tti ddaphaama wi nyuwaano mukhalleke mu enyumba ddoomakiwa phaama, enyumbaaka eri ntepe ddiidda?

1 Samuele 15:9

Koma Saulo ni athu ayo aariiyena, kheyaamwiiphalle mwene Agagi. Kheyaawiiphallettho enkhosa ni eng'ombe ddooreeresesa, asaanaang'ombe ni asaana a enkhosa ayo yaari ooneneva ni ddeko ddittheddene nnddo ddaari ddaphaama. Yoonongille ddennddove ddaari ddoohikhalla ni mutteko ni ddoohitthopoowa.

Miyambo 18:5

Khe waphaama omuyaara muthu oonanara apaalle omuwatteella echilungamo muthu oolungama.

1 Samuele 15:24

Saulo aamulleella Samuele wi, “Koochimwa, ngaawiiwellelle Apwiya ni nyuwaano vawi kawoova athu ni owiiwellella alliwaayo.