Eksodo 20:5 - Mawu a Mulluku

⁵ Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Eksodo 20:5 ပူးပေါင်းရင်းမြစ်များ

Numeri 14:18

‘Apwiya tti oohisha murima mwawaakuva, tti ooddalla ni echikondi yoohisintheya nave tti ookhululukella ddoonanara ni machimo. Komave khenaakhullella wi oochimwa ahillakiwe. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.’

Deuteronomo 5:9

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Deuteronomo 4:24

Vawi Apwiya Mullukwaanyu tti munllo wooshellelliha nave tti Mulluku eehache.

Eksodo 34:14

“Muhillapelleke milluku ddimodda, ekaamba yawi Apwiya ayo nnddina niwa tti Nahache, tti Mulluku eehache.

Yoswa 24:19

Yoswa ahaalleella athwaayo wi, “Mwaamodda nyuwaano khamuwora waarumeyella Apwiya kaambiiwa tti Mulluku aweella nave eehache. Khuuhiyani wi mumuwukileke nave mumuchimwelleke.

Masalimo 109:14

Apwiya ehitiwalle ddoonanara dda makhollwaaye, machimo a amennya ehivuhellelleye.

Yoswa 23:7

Nave muhiniiwananaka ni athu alla ehanlle nave eri ni nyuwaano. Muhinaromollaka manddina a milluku ddiwa apaalle oyiromolla voollupellani apaalle oyirumeyella apaallettho oyikokhorella.

Deuteronomo 6:15

Vawi mweera ddennddo owalli wa Apwiya oneerewuukharellani wonanko munllo nave eneerewuutthollosani va ellapo yavatthi kaambiiwa Apwiya Mullukwaanyu ayo enakhalla variyari vanyu tti Mulluku eehache.

Nahumu 1:2

Apwiya tti Mulluku eehache ni oohokollosella ddoonanara, tti oollaka ni oowalli, ennaahokollosella ddoonanara oowaavaanyiha, ennaashella murima adaniiwa.

Yeremiya 32:18

Munnooniha echikondaanyu yoohisintheya wa athu ooheerengeya koma munnaallaka anamwani ekaamba ya machimo a makhollwiiwa. Nyu Mulluku muullupalli muri amasiva, nnddina nanyu tti Apwiya Amasiva Mattheene.

Numeri 14:33

Aniinyu eneerokhalla abusa mu echipululu miyakha 40 nave eneerohoowa ekaamba ya ohiroromelleya wanyu ophiyera mumanlle okhwa mu echipululu.

Masalimo 79:8

Muhinanillaka ekaamba ya machimo a makhollwaahu, neerelleni echifundo mwawaakuva vawi nookitthihiwa wunchichi.

Eksodo 23:24

Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Aroma 1:30

Ennaallotella akhwiiwa ddoonanara, ennamwiita Mulluku, ollotellana epewe, ennakota ni wiitukhulla. Enaganizera ettilla ddinchichi ddaweerella ddoonanara, khenawiiwellella makhollwiiwa,

Yeremiya 2:9

“Sika vano mi Apwiya kineerowiipani wiilli mullatu, kineerewiipattho mullatu edduullu ddanyu.

Yesaya 44:19

Khaavo anaganiza phaama, khaavo eezeru apaalle awiiwesesa oowora oollota wi, “Embali emodda ya muteekho kaayootha, va mankhalliiwa kaamwaapeyavo buledi nave kahoosavo enama kicha. Vano embali yoohalleella kaapangella ello yoonanara. Ethiyo mi killapelleke muteekho?”

Yesaya 44:15

Embali emodda ya muteekhooyo muthu annayootha nave annayaapeyella buledi. Embali emodda annayipangella nifano wi anillapelleke apaalle mwanamulluku wi amukokhorelleke.

Masalimo 81:15

Athu ayo eniitana ni Apwiya, yeerowarama vamiitthoni viwa, otulliiwa weerokhallawo wa enthawi yoohimalla.

Yobu 5:4

Anaaye khenna echitetezo, enakhallella okhwana millatu, khaavo owaavullusa.

2 Mamwene 23:26

Komave Apwiya kheyaahiyalle osha murima nko wakhalla va Yuda vawi Manase ahaattatthamulla Apwiya.

2 Mamwene 17:35

Apwiya yaakeraatthiha echipangano ni Aisraele yaalamula wi, “Muhillapelleke milluku ddimodda apaalle oddirumeyella apaalle ovelleella mukutho wa ddenndda.

1 Mamwene 21:29

“Ethiyo wohoona mmo Ahabu iiyevihelleeye vamiitthoni vaka? Vawi ohiiyeviha vamiitthoni vaka, ngiwa kimullaka ni ddittheddenenndde ari mukumi koma kinaallake nibanja naye mu olamulello wa mwanaye.”

2 Samuele 21:6

Muninnye edduullu ddaye dditthanu ni piilli wi hiyaano naddiiphe vamiitthoni va Apwiya o Gibea, etawoni ya Saulo, ootthoolliwa a Apwiya.” Mwenooyo ahaakhulla wi, “Kineerowinnyani.”

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Deuteronomo 7:10

Koma Mulluku aneerewaahokollosella ddoonanara voowoonongani attheene ayo eniitana ni olliye moohikayika.

Levitiko 26:29

Muneerewaattakhuna aniinyu aallopwana ni aniinyu aatthiyana.

Levitiko 26:1

“Muhiniipangella mafano, muhiimese ddoophwanaphwaniha ddoosema, malluku awuupuwelliha apaalle apoto amalluku oosema moophwanaphwanihella mu ellapwaanyu wi muddillapelleke. Mi tti Apwiya Mullukwaanyu.

Levitiko 20:5

miyaano kineeromureya etulli yooyo ni nibanja naye nittheene. Kineerewaavenyiha variyari va Aisraele akhwiiwa ni attheene enaddoonihella ohiroromelleya wa miyaano voomullapellani Moleki.

1 Akorinto 10:22

Apaalle ninapaalla wi niweerihe Apwiya ehache? Nnaganiza wi masivaahu tti ookhwaranya ayiwa?

Yohane 15:18

“Athu a ellapo yavatthi yawiitani nyuwaano, upuwellani wi yaakiita miyaano ehinawiiteni nyuwaano.

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Mateyu 4:9

nave allota wi, “Kineerewuuvaha ddittheddenenndda wakikokhorella ni okillapella.”

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Ezekiele 8:3

Aattaphurusa ello yookhalla wonanko nnatta akipharana meehi va muru. Vaavo Munepa a Mulluku aakivaviha. Mookhalla wonanko kinamoona Mulluku m'masomphenya, akikusella o Yerusalemu akihiya va mullako woovollowella muwari, ompoto nko nifano noottatthamulla osha murima wa Mulluku.

Miyambo 8:36

Koma oohikiphwanya aniivoreya yeekha, attheene ookiita ennakonda okhwa.”

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

Yobu 21:19

Munallota wi, ‘Mulluku annaallaka anamwani ekaamba ya machimo a makhollwiiwa.’ Koma muhiyeni Mulluku aahokolloselle oochimwaayo wi edduwelle.

2 Epilli 25:14

Amaziya awiillewo woowiipha Aedomu, aakusa milluku dda o Seiri addikeraatthiha okhalla milluku ddaye nave aanaddillapella ni oddivelleellella mikutho.

2 Mamwene 17:41

Sika mitundu ddenndda dda athu ddaanawoova Apwiya koma ellapellaka milluku ddiwa. Aniiwa ni edduullu ddiwa ddinneera ddimoddamoddave nnddo yeera makhollwiiwa ophiyera ollello.

Oweeruza 2:19

Koma erive enthawi oweeruzooyo akhwa, athwaayo yaanaamba weerattho ddoonanara, etthattuwa oonanara okhwaranya makhollwiiwa, enathwara milluku ddimodda, enaddirumeyella ni oddillapella. Kheyaahiya weera ddoonanara ddiwa apaalle etiyamaarwiiwa.

Yoswa 23:16

Mwayitathilla echipangano eyo Apwiya yuulamulalliiwani, mwaayaaka nave mwaarumeyellaka milluku ddimodda ni oddikokhorella, osha murima wa Apwiya oneerewuumorellani nave muneerotthollowa mu ellapo yaphaama yuuvahilliiwaneella.”

Deuteronomo 32:41

wi kineerewaandusa nsupada naka noosherima, nave kineerewoonesesa wi echilungamo yoheereya. Adanaaka kineerewaahokollosella ddoonanara, awiitana ni miyaano kineerewaallaka.

Yohane 9:2

Oohudderaaye yaamukoha wi, “Ahuddihi, achimwalle ttaani wi muthu olla ayariwe oohoona, olliyoolla apaalle attiitthinnya ni amennya?”

Deuteronomo 5:10

Koma mibado ddooheerengeya nnddo ddinakikonda miyaano ni wiiwellella malamulwaaka kinnaddikonda ni echikondi yoohisintheya.

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

Ezekiele 18:19

“Mwaamodda ttuukoha wi, ‘Kaambiiwa tini mwaana ahinaallakiweeye ekaamba ya ddoolakwa dda attiitthinnya?’ Mwaanooyo aneerokhalla ni okumi ekaamba yawi anneera ddoolungama nave ddoororomelleya nave anniiwellella phaama malamulwaaka mattheene sika aneerokhalla ni okumi.

Ezekiele 20:7

Kahaalleella attheene wi, ‘Arive muthu atathille ddoonanara ddaye ddittheddene nnddo ddamuhakallalliha nave ahiiripihe ni mafano a o Iguputo, Mi tti Apwiya Mullukwaanyu.’

Ezekiele 39:25

“Vano mi Apwiya Mulluku kinallota wi, ‘Vano a nlloko na Yakobo kineerewaahokollosella vaphaama. Aisraele attheene kineeroweerella echifundo. Kineeroniteteza nnddina naka naweella.

Numeri 25:11

“Finehasi mwaana a Eleazara, edduullu ya Aroni, ookihiiha wi kihiwoononge Aisraele ekaamba yawi khaakhullenlle wi arive muthu amullapelleke mulluku mmodda koma miyaano. Sika ekaambiiwa kahiwoonongilleemi kishille murima.

2 Mamwene 5:18

Apwiya ekikhululukelle va yeellave yawi apwiyaaka amwene yaayaaka woollapella o enyumba ya mullukwiiwa Rimoni, miyaano kinnathaanana nave kinnakokhora mu enyumba ya Rimoni. Apwiya ekikhululukelle mi oorumeyellaanyu.”

2 Mamwene 5:27

Sika vano makate a Naamani eneerewuwanddeellella ni edduullu ddawo wa enthawi yoohimalla.” Sika Gehazi aakhuma mpammo ari ni makate awi puu wonanko ntuura.

2 Epilli 7:19

“Koma we apaalle anaawo, mwahokollweella mutulli ohiya okithwara, ohisunga malamulwaaka ni malangizwaaka ayo kuuvahilleemini nave mwaamba orumeyella ni oddillapella milluku ddimodda,

Ezekiele 18:2

“Kaambiiwa tini nyu athu a o Israele munaddivelliweenyu wuulluulla mwambi wawi ‘Makhollo aacha mpesa ddoohiithwa koma anamwani sika eruruvanlle miino?’

Daniele 3:18

Koma aaheera ddiiddo, dduwellani amwene wi khanirumeyellave milluku ddanyu ni ollapella nifano nanyu nagolide mwaniimesilleenyu.”