Eksodo 20:12 - Mawu a Mulluku

¹² “Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.

Eksodo 20:12 ပူးပေါင်းရင်းမြစ်များ

Akolose 3:20

Anamwaninyu, tti odindwaanyu owiiwellella makhollwaanyu enthawi ddittheddene vawi yeeyo sika enaahakallalliha Apwiya.

Deuteronomo 5:16

“Waavaheke olemu attiittho ni amaayo moollikana ni mmo Apwiya Mullukwaawo yuulamulelliiwa wi enthawi ya okumaawo erekame ni wi ddiweetelleke phaama mu ellapo eyo kinuuvaheemi.

Mariko 7:10

Vawi Mose aalamula wi, ‘Waavaheke olemu attiittho ni amaayo nave muthu anaatembelela attiitthinnya naari amennya, ddawoona iiphiweke.’

Miyambo 30:17

Niittho nowaattheya attiitthinnya ni ovevulla owiiwellella amennya, anakhuku a mutapo eneeronitthorokolla nave miphangwi ddineeronicha.

Levitiko 19:3

Arive muthu aavaheke olemu amennya ni attiitthinnya. Musungeke nllapo na Sabata. Mi tti Apwiya Mullukwaanyu.

Luka 18:20

Onnadduwella malamulo a Mulluku awi, ‘Ohiraruwe, ohiiphe, ohiiye, ohivelleelle omboni wawoottha, waavaheke olemu attiittho ni amaayo.’ ”

Mateyu 19:19

Waavaheke olemu attiittho ni amaayo, omukondeke mukhwaawo wonanko mmo oniikondelleewe weekha.”

Miyambo 20:20

Muthu aatembelela attiitthinnya apaalle amennya enyalaaye eneerothiima mwiipiphini.

Eksodo 21:17

“Arive muthu anaatembelelle attiitthinnya apaalle amennya, iiphiwe.

Mariko 10:19

Onnadduwella malamulo a Mulluku: ‘Ohiiphe, ohiraruwe, ohiiye, ohivelleelle omboni wawoottha, ohaachelleke akhwaawo matthu vamuru, waavaheke olemu attiittho ni amaayo.’ ”

Eksodo 21:15

“Arive muthu anaawuukuthe attiitthinnya apaalle amennya, iiphiwe.

Deuteronomo 32:47

Mawaalla khe ashisha koma tti okumaanyu. Sika muwiiwellelleke wi mukhalle ni okumi woorekama mwiillaponi munaawaakheenyu okhopella wa Yordani.”

Miyambo 3:16

Okumi woorekama ori o nnattanatta waye, eyuuma ni oriiheya wuunyotthoni waye.

2 Mamwene 2:12

Elisha ahoona ddenndda akhuwa wi, “Attiitthaaka, attiitthaaka! Nigareta na Israele ni athwiiwa oowella va akavalo!” Nave khaamoonillettho Eliya. Vano Elisha aaphara ddoowara ddaye addaahulla veelli.

Deuteronomo 4:40

Mwiiwellelleke malamulwiiwa ni malangizwiiwa mattheene ayo kuuhuddihalleemini ollello. Sika ddeko ddineerekoweetellani phaama nyuwaano ni edduullu ddanyu nave enthawi ya okumaanyu eneerorekama mu ellapo eyo Apwiya Mullukwaanyu yuuvahilliiwani wi ekhalle yaanyu wa enthawi yoohimalla.”

Deuteronomo 25:15

Esikelo ddanyu ddikhalleke ddawoona wi enthawi ya okumaanyu erekame mu ellapo eyo Apwiya Mullukwaanyu enuuvahiiwani.

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Miyambo 30:11

Vookhalla amodda oowaatembelela attiitthiiwa, woohaadalisa ameewa.

Miyambo 28:24

Oyo anawiiyera attiitthinnya apaalle amennya anallota wi wenko khe olakwa anaphwanaphwana ni muthu awoononga.

Miyambo 15:5

Muthu ookarangeya annavevulla malangizo a attiitthinnya koma oopwatha ohumullulliwa annakhalla oochenjera.

1 Mamwene 2:19

Sika Batesheba aaya wa mwene Solomoni wi allotena munipuroni mwa Adoniya. Mwenooyo ahiimella wi akumanena nave aamukokhorella. Solomoni aakeraatthi va mpandwaaye woomwene nave mpando mmodda waavollochihiwa wi amennyaayo ekeraatthelle. Sika yaakeraatthi onnattanatta waye.

Levitiko 19:32

“Mukhalleke oolemu vamiitthoni va muthu awuulluvalla nave mumooveke Mullukwaanyu. Mi tti Apwiya.

Aefeso 5:21

Mwiiwellellaneke mmodda ni mukhwaaye ekaamba ya omoova wanyu Khrisitu.

Deuteronomo 4:26

Mwaahiiwellella kinalloteeminndda, eddullu ni ellapo yavatthi sika ddinaakhalle amboni awaavaanyiha wi khemukhalla ni enthawi yoorekama mwiillaponimmo. Muneerewoonongeya attheenenyu mwiillaponi eyo eri vakhopella na Yordani eyo munaakhalleenyumo, ddawoona, muneerotthollowa.

Deuteronomo 5:33

Mweeteke mu ettilla eyo Apwiya Mullukwaanyu yuulamulalliiwani wi ddeko ddiweetellekeni phaama nave wi enthawi ya okumaanyu erekame mu ellapo eyo munaawaakheenyu.”

Deuteronomo 6:2

Enthawi ettheene ya okumaanyu, nyu ni edduullu ddanyu, muwooveke Apwiya Mullukwaanyu nave mwiiwellelleke malamulo ni malangizwiiwa mattheene alla kinuulamuleemini wi enthawi ya okumaanyu erekame.

Deuteronomo 11:8

“Sika mwiiwellelleke malamulo mattheene kawinnyalleemini ollellova wi mukhalle amasiva wi muvollowe ni waakha ellapweeyo mumullapuwalle Yordani.

Deuteronomo 11:9

Muneerokhalla ni okumi wawaata mu ellapo yamukaka ni enwi eyo Apwiya yallupenlliiwa wi eneerewaavaha makhollwaanyu ni edduullu ddiwa.

Deuteronomo 21:18

“Ttuuweereya wi muthu mmodda okhalla ni mwaana oohiiwellella ni oowukila makhollwaaye naari emullakeve mwawiidde.

Deuteronomo 27:16

“ ‘Atembeleliwe arive muthu oohaavaha olemu attiitthinnya apaalle amennya.’ “Nave athu attheene yaakhulle wi, ‘Amen!’

Miyambo 17:6

Edduullu sika oriiheya wa athu awuulluvalla nave olemu wa anamwani tti makhollwiiwa.

Yeremiya 35:7

Muhiwe mumaka enyumba apaalle omidda mmiddo apaalle ollima emata ddampesa. Ddeko ddenndda muhiwe mukhallana. Munipuroni mwene, mukhalleke m'misasani mu okumaanyu muttheene wi mukhalle enthawi yoorekama mu ellapo munakhalleenyumo.’

Yeremiya 35:18

Yeremiya ahaalleella Arekabu mawu a Apwiya Amasiva Mattheene, Mulluku a Israele, awi, “Ekaamba yawi mwahiiwellella lamulo na Yonadabu nikhollo nanyu nave mwaathwara malangizwaaye ni weera ddittheddene uulleelleeyeni

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Genesis 48:12

Vano Yosefe ahaavenyihavo anamwanaayo vametoni va Yakobo nave aamukokhorella.

Genesis 50:12

Sika anamwani a Yakobo yaheera wonanko mmo attiitthiiwa yaalamulelliiwa.

Rute 3:6

Sika Rute aayaawo onipuroni naye noomuuputhella wulle nave aheera moollikana ni mmo akogwawaayaalle yamulleellelliiwa.

1 Samuele 22:3

Vatulli viwa Davide aavenyawo wenko aya o etawoni ya Mizipa o Mowabu. Amuveka mwene a o Mowabu wi, “Pepaani, muwaakhullelle attiitthaaka ni amoowaaka ekhalleke ni nyuwaano ophiyera kidduwenlle eyo Mulluku anaakeerelleeye.”