Eksodo 2:3 - Mawu a Mulluku

³ Koma mutthiyanooyo aphiyalleeye voohiworani omwiipitthihattho, aakusa mutaanga wa epango awumara onyoma. Vano mwaanooyo aamuhiya mwemmo, aya awuhiya variyari va epango, mukhwipi mwa muhinje.

Eksodo 2:3 ပူးပေါင်းရင်းမြစ်များ

Eksodo 1:22

Vano Farao ahaalamula athwaaye attheene wi, “Arive mwaana aamullopwana ooyariwa mwa Aheberi mumuvokhelleke m'muhinjeni wa Nailo koma anamwani attheene aatthiyana, mwaahiyeke ni okumi.”

Mitteko 7:19

Mwenooyo ahaalleka nave ahaahoosa makhollwaahu vawaawatiherani wi yaahiyeke aniiwa ang'onong'ono vaatte wi ekhweke.

Genesis 6:14

Omake echombo ni matabwa a muteekho wa nnjalle. Okawe ezipinda muwarimmo nave oyimare ni onyoma otte ni muwari mwene.

Mateyu 2:16

Vano Herode adduwenlleeye wi alleto a wookhuma nndduwaalle yaamoottottha, aasha murima. Ahaalamulella akhoto wi yawiiphe anamwani aallopwana oohikhwaranya miyakha miilli a mu Betelehemu ni m'mapuroni mutthemwene mwawaatamanana moollikana ni yeeyo aakohesesilleeye alletwaalle dda enthawi yoonilliiwa etheneereelle.

Yesaya 18:2

Ovenyera o ellapweeyo enaaruma amithenga va muhinje wa Nailo ewenlle ekallawa ddamabungwa. Vano muyeewo nyu amithenga awaakuva wa mutundu wa athu oorekama ni awoollowa mwiilli nave awooviwa ni athu avakhuviru ni awoorekama, mutundu wamasiva ni woogonjiha mitundu ddimodda, athu ayo ellapwiiwa tti yookawaneya ni mihinje.

Mateyu 2:13

Alleto a wookhuma nndduwaalle erowille, mungelo a Apwiya ahooneya wa Yosefe muullohani allota wi, “Ngavenya, omukuse mwaanooyo ni amennya muthawelle o Iguputo. Wakhalle wenko ophiyera kuulleelle yaweera kaambiiwa Herode anapaalla omwiipha mwaanooyo.”

Genesis 11:3

Vano yahaamba okambirana wi, “Hankoni noope enjerwa nave niddoose phaama.” Sika vano yaaphariha mutteko enjerwannddo voomakani nave yaamaka ni nimphora munipuroni mwa matokwi shisha.

Yesaya 19:6

Engalande ddiwa ddineerewunkha nave enthambi ddiwa ddineeroyeva ophiyera wumma. Epango ni mululu ddineeronyaalla

Genesis 14:10

Ntapo na Sidimu naari nooddalla ni malliti awoopiha ni oopandda. Vano mvo akhoto a o Sodomu ni Gomora yathawiiwa yaamorella m'mallitini koma amodda yaathawella omiyaangoni.

Yesaya 35:7

Mihava ddooviha ddineerotthattuwa enyanja, ellapo yawumma eneerotthattuwa aneetuutu. Mvo vaari nipuro na akhatwe vineeromella manasi ni epango.