Eksodo 2:15 - Mawu a Mulluku

¹⁵ Nave Farao iiwalle, aheeseesa wi amwiiphe Mose koma aathawawo aya akhalla o ellapo ya Midiyani. Ari wenko, nllapo nimodda aakeraatthi vakhuviru ni ehime.

Eksodo 2:15 ပူးပေါင်းရင်းမြစ်များ

Aheberi 11:27

Ekaamba ya echikhulupililo, Mose aakhumawo o Iguputo moohoova oowalli wa Farao vawi aanavillella wonanko muthu oomoona Mulluku oohooneyoolla.

Mitteko 7:29

Mose iiwalleeye ddenndda aathawa ovenyera o Iguputo nave aaya akhalla o ellapo ya Midiyani. Wenko ahaayarawo anamwani aallopwana eelli.

Genesis 24:11

Aphiyalle aaddikokhoriha vatthi ekamirannddo vakhuviru ni ehime, otte wa muzinda. Ddawoona waari misikuwa enthawi yooya atthiyana woorika maaddi.

Genesis 29:2

Aphiyallewo ahoona ehime obusani navettho milloko miraru dda enkhosa ddikonaatthille vakhwipi va ehimeeyo. Enkhosannddo ddawirihiwa veehimeni yeella eyo vaddullu viwa vakhuneelliwe ni nlluku nuullupalli.

Yohane 4:6

Wenko waakhalla ehime ya Yakobo nave vawi Yesu aatopa ni olendwaaye aakeraatthi mukhwipi mwa ehimeeyo. Yeella yaari enthawi yaatamenlle 12 koloko otthaana.

Mateyu 10:23

Yaawuuhoosakani mu etawoni emodda thawellani mu matawoni mamoddattho. Ddawoona, kinimuulleellani wi muhinamallihe ophara muttekwaanyu mu matawoni attheene a Israele, mi Mwaana a Muthu kinaakhalle kiwiille.

Miyambo 22:3

Muthu oochenjera oona ello yawoopiha anniipittha koma eenamwani annayithwara ophiyera annallivihiwa.

Eksodo 4:19

Apwiya yaamulleella Mose aariiye o Midiyani wulle wi, “Vano hokollweella o Iguputo vawi athu attheene yapaalla owiiphaalle yaakhwa.”

Genesis 25:4

Midiyani aamuyara Efa, Efere, Hanoki, Abida ni Elida. Nndda sika ddaari edduullu dda Ketura.

Genesis 25:2

Ketura aamuyarella Abrahamu Zimirani, Yokishani, Medani, Midiyani, Ishibaki ni Shuwa.

Eksodo 18:4

Mose aamuvaha mwanaye aneepiilli nnddina nawi Eliyezere, (ekaamba yawi aallota wi, “Mulluku a attiitthaaka sika nikavihero naka nave aakivullusa o nsupada na Farao.”)

1 Mamwene 11:18

Yaatimulla ovenyera o Midiyani ephiya o Parani nave yahaakusawo allopwana amodda o Paraninko ethaanana o Iguputo wa mwene Farao. Faraooyo ahaavaha enyumba, ddoocha navettho emata.

Habakuku 3:7

Kaawoona athu a o Kushani yoovaka, a o Midiyani etthukumellaka.