Eksodo 19:5 - Mawu a Mulluku

⁵ Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka.

Eksodo 19:5 ပူးပေါင်းရင်းမြစ်များ

Deuteronomo 14:2

Nyuwaano moopatulelliwa wa Apwiya Mullukwaanyu vawi yahuutthoollani variyari va mitundu dda athu ddittheddene dda ellapo yavatthi wi mukhalle yoohallaniiwa.”

Deuteronomo 7:6

Nyuwaano tti mutundu woopatuleya wa Apwiya Mullukwaanyu vawi yahuutthoollani wi mukhalle athwiiwa variyari va athu attheene a va ellapo yavatthi.

Deuteronomo 26:18

Ollello Apwiya aawaakhellani monga athwiiwa moollikana ni mmo yuulonjezelliiwani vaavove mwasunga malamulwiiwa mattheene.

Malaki 3:17

Vano Apwiya Amasiva Mattheene yaallota wi, “Athu yaayo enaakhalle aaka, enaakhalle aakaaka va nllapo nno kinaanikhozeemi.” Kineeroweerella echifundo wonanko mmo muthu anamweerelleeye echifundo mwanaye oyo anamwiiwellella.

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Masalimo 135:4

Ahiitthoollella Yakobo wi akhalle ayiwa, Israele wi akhalle yoohallaniiwa.

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

Eksodo 23:22

Koma mwamwiiwella olliyooyo ni weera ddittheddene kinaalloteemi, miyaano kineerewiitana ni adanaanyu nave kineerewaagonjiha attheene ayo enuuvaanyihekeni.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Deuteronomo 10:14

Ngoonani, oddullu ni ddittheddene ddiri wenko, ellapo yavatthi ni ddittheddene ddiri mwemmo tti dda Apwiya Mullukwaanyu.

Eksodo 9:29

Mose aamwaakhulla wi, “Kakhumave m'muzindanimmu, kineerovekella wa Apwiya. Nave ogugudeya wa murimu ni marallalla ddineerohiya wi mudduwelle wi ellapo yavatthi ettheene tti ya Apwiya.

Masalimo 24:1

Ellapo yavatthi ni ddittheddene ddiri mwemmo tti dda Apwiya, ellapo yavatthi ni athu ookhalla mwemmo tti ayiwa.

1 Akorinto 10:26

Vawi mawu a Mulluku enallota wi, “Ellapo yavatthi ni erive ello ya mwemmo tti ya Apwiya.”

Yobu 41:11

Ethiyo ttaani anaamullike ahimuhokollosella? Erive ello eri ellapo yavatthi tti yaaye.

Deuteronomo 5:2

Apwiya Mullukwaahu yaakeraatthiha ni hiyaano echipangano va mwaango wa Horebu.

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

Yesaya 43:1

Koma vano Apwiya ayo yuuphatusalle we Yakobo ayo yawoopille we Israele enallota wi, “Ohoove kaambiiwa kaawoopolla, kaawiithana ni nnddina nawo, we tti aaka.

Yesaya 41:8

Koma we Israele oorumiwaaka, we Yakobo ootthoolliwaaka tti edduullu ya Abrahamu mukhwaaka.

Masalimo 25:10

Ettilla ddittheddene dda Apwiya tti dda echikondi yoohisintheya, tti ddoororomelleya wa athu oosunga echipanganwiiwa ni malamulwiiwa.

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.

Yoswa 24:24

Athwaayo yaamulleella Yoswa wi, “Nineerekewaarumeyella Apwiya Mullukwaahu nave nineerekowiiwellella.”

Yesaya 1:19

Mwaarimi mukhonzekille okiiwellella muneerocha ddaphaama va ellapo yavatthi.

1 Mamwene 8:53

Nyu Apwiya Mulluku mwahaapatula alliwa variyari va athu attheene wi ekhalle yoohallanaanyu, moollikana ni mmo mwallotelleenyu ni oorumeyellaanyu Mose mwaakhumiheenyu makhollwaahu mu Iguputo.”

Deuteronomo 28:1

“Mwiiwellella mawu a Apwiya Mullukwaanyu ni othwara moororomelleya malamulo mattheene ayo kinawinnyeemini ollellova, Apwiya Mullukwaanyu eneerewuuwellihani okhwaranya mitundu ddimodda ddittheddene dda va ellapo yavatthi.

Yesaya 56:4

Vawi Apwiya enallota wi, “Oohulliwa ayo enavaha olemu masabata ayo eneera ddookiddivella miyaano ni osunga echipanganwaaka moororomelleya,

Eksodo 24:7

Vano aakusa nibukhu na echipangano, aweerengella athwaayo mowiiweya phaama. Nave athwaayo yaallota wi, “Nineereweera ddittheddene nnddo Apwiya ellotilliiwa nave nineerowiiwellella alliwaayo.”

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Deuteronomo 11:27

Madaliso, mwawiiwellellaka malamulo a Apwiya Mullukwaanyu ayo kinawinnyeemini ollellova.

1 Akorinto 10:28

Koma muthu mmodda allota wa nyuwaano wi, “Ddoocha ddenndda ddaaheraatthiwa mukutho wa mafano,” vano muhiche ddoocha ddennddo, ekaamba ya oyo uulleelleni navettho ekaamba ya yawuupusella murima,

Deuteronomo 14:21

“Muhicheke erive enama yookhwa weekhiiwa. Koma ttuuwaavaha alleto ookhalla variyari vanyu wi eche apaalle ttuukulliha wa alleto amodda. Valle nyuwaano moopatulelliwa wa Apwiya Mullukwaanyu. “Muhaapeyeke enama ya musaana a epuri apaalle a enkhosa voopharihellani mutteko mukaka wa amennya.”

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

Nchipo na Solomoni 8:12

Koma emataaka yampesa tti yaakayaaka! We Solomoni, halla ni makobiraawo 1,000, oollimaawo ehalle ni makobiriiwa 200.

Aheberi 8:9

Khekhallattho wonanko echipangano elle kakeraatthilleemi ni makhollwiiwa, va nllapo kaakusalleemi ni nnatta naka, kaahollelleemi vawaakhumihani mu Iguputo. Vawi kheyaaroromelleye voothwarani echipangano nakeraatthihalleehu, nave sika nameenettho ngaawapwathille.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Genesis 17:9

Mulluku aamulleellattho Abrahamu wi, “Vano weyaanottho osungeke echipanganwaaka ni edduullu ddawo muhoollommo.

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Eksodo 8:22

Va nllapo nenno, kineerohiyaniha ellapo ya Gosheni yookhallamo athwaaka, mwawi yeeyove khekhalla ni miikaanga wi weyaano odduwelle wi mi Apwiya kiri mu ellapo yeella.

Deuteronomo 28:9

“Mwaawiiwellellaka malamulo mattheene ni weeta mu ettilla ddiwa, Apwiya eneerewuutthattusani weekhiiwa mutundu woopatuleya moollikana ni mmo yallupellelliiwa.

1 Epilli 17:22

Nave mwaaweera Aisraele, okhalla aanyu aanyu wa enthawi yoohimalla nave nyu Apwiya mwaakhalla Mullukwiiwa.

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Eksodo 34:9

Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”

Levitiko 20:24

Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene.

Deuteronomo 9:29

Koma athwaalla mwahaatthoolla wi ekhalle yoohallanaanyu sika mwahaakhumiha ni masivaanyu muullupalli nave ni ekophollo ddanyu mu Iguputo.”

Deuteronomo 26:19

Mwawi ddiiddo mu othokoza, oriiheya ni ovuwa eneerewuuwellihani okhwaranya mitundu ddimodda ddittheddene dda va ellapo yavatthi nnddo yaddiphatusalliiwa nave muneerokhalla athwiiwa aweella moollikana ni mmo yalonjezelliiwa.”

Yobu 41:3

Ethiyo ttuullota ni weyaano mawu awiithaalla? Ethiyo ttuuwuuveka wi oyeerelle echifundo?

Yeremiya 13:11

Wonanko ekuwo enaangellella muyuununi mwa muthu, emoddamoddave yeeyo, kaakeraatthiha wi nibanja nittheene na Israele ni na Yuda nikiwanddeellelle wi attheene ekhalle athwaaka wi ellapelleke ni otitimiha nnddina naka koma alliwa kheyiiwellelle.”