Eksodo 19:19 - Mawu a Mulluku

¹⁹ Winlla wa nipallapata wavirellelliiwa okhuwa, Mose aallota nave Mulluku aamwaakhulla mu ogugudeya wa murimu.

Eksodo 19:19 ပူးပေါင်းရင်းမြစ်များ

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

Eksodo 19:16

Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova.

Aheberi 12:21

Ddeereyille vamwaangoni valle ddaari ddawoopiha, sika wi Mose aatthukumella ekaamba ya woova.

Nehemiya 9:13

Mwaakitthella va mwaango wa Sinai, mullota ni alliwa ovenyera oddullu nave mwahaavaha malangizo, malamulo ni ehuddiho ddaphaama ni ddawoona.

Eksodo 19:13

Arive muthu ahimuttannye muthooyo koma emuvokhe malluku apaalle emuhome, khaya tti echiweto apaalle muthu, iiphiwe. Koma nipallapata niipiwa, athu ewe omwaangoni.’ ”

Aheberi 12:19

Mvo vaari wiipiwa wa nipallapata ni wiiweya wa mawu. Koma yaaveka wi ehiiwe naari vang'ono,

Deuteronomo 4:36

Apwiya yahaakhullella wi mwiiwe mawiiwa ovenyera oddullu wi yuuhuddiheni. Va ellapo yavattheella Apwiya yaawoonihani munllo muullupalli nave mwahiiwa ellotaka ni nyuwaano eri m'munllonimmo.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Deuteronomo 5:22

“Apwiya yaallota mawu yaalla wa nyu attheene mwatthukumanille omwaangoni wulle moohoonjereravo ello. Alliwa yaallota ni mawu amasiva eri m'munlloni, m'muraponi owaaka mwiipiphini yawoopiha. Nave yaalemba malamulo khumaayo va malluku meelli ekinnya miyaano.”