Eksodo 19:16 - Mawu a Mulluku

¹⁶ Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova.

Eksodo 19:16 ပူးပေါင်းရင်းမြစ်များ

Yawuupullulla 4:1

Ddimallille ddenndda kahoona masomphenya a nchiwi noohulliwa oddullu. Nave kahiiwa mawu wonanko nipallapata ekaakhullaka wonanko yaalle kiiwalleemi vawaamba valle ellotaka wi, “Ngawa oddullu wuno nave kineerowooniha ddinaaweereye muhoollo.”

Aheberi 12:21

Ddeereyille vamwaangoni valle ddaari ddawoopiha, sika wi Mose aatthukumella ekaamba ya woova.

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

Yawuupullulla 8:5

Nave mungeloolle aakusa embale ya golideelle avallellamo munllo woovenyera va nikuwa nave ayivokhella va ellapo yavatthi. Nave vaakhalla ogugudeya wa murimu, onyakulla, ettari ni echivomerezi.

Yawuupullulla 4:5

Nave o mpando woomwenooyo waanavenyera ettari, onyakulla ni ogugudeya wa murimu. Vahoollo va mpando wa omwenooyo vaakhalla mitthiko ddookhara mitthanu ni miilli nnddo ddiri minepa mitthanu ni miilli dda Mulluku.

Masalimo 77:18

Onyakulla wa ogugudeya wanyu wahiiweya otthewene, ettari ddanyu ddaawaliha ellapo ettheene, ellapo yavatthi yaatthukumella nave yaatikheya.

Yobu 38:25

Ethiyo ttaani anallima musewu wooweella murimu apaalle ollima ettilla ya ettari?

Eksodo 20:18

Athu attheene yaaniiwa ogugudeya wa murimu ni winlla wa nipallapata, nngu yoonaka ettari ni mwiisi vamwaangonimvo nave yaanoova enatthukumella, yiimellille voorekamella

Eksodo 19:9

Apwiya yaamulleella Mose wi, “Kineeroowa wa weyaano m'muraponi woottika wi athwaayo ekiiweke kaallotaka ni weyaano wi yuukhulupilileke enthawi ddittheddene.” Vano Mose ahaalleella Apwiya nnddo yallotille athwaayo

Eksodo 9:23

Mose aatthoonyihella ekopwaaye oddullu. Nave Apwiya yaarumiha ogugudeya wa murimu ni marallalla nave ettari ddaamora muthaani. Sika Apwiya yaamoriha marallalla va ellapo ya Iguputo.

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Masalimo 97:4

Ettariiwa ennawaliha ellapo yavatthi, ellapo ettheene ennoona nave ennatikheya.

Masalimo 50:3

Mullukwaahu animawa, kheera ellapo tuu. Muhoollo mwaye mookhalla mallumi amunllo, moowaapheella mwaye mutthemwene mookhalla ephevo yamasiva.

2 Epilli 5:14

Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumba Ya Mulluku.

Eksodo 40:34

Murapo waakhuneella musasa wamutthukumano nave ntitimiho na Apwiya naaddalla musasooyo.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Eksodo 19:11

nave ekhalle ookhozeka omuroto. Vawi va nllapo nenno mi Apwiya kineerokittha vamwaangoni wa Sinai athu attheene yoonaka.

Eksodo 19:15

Nave Mose ahaalleella wi, “Mukhozeke omuroto vano. Nave muhinakona ni mutthiyana.”

Eksodo 19:17

Mose ahaahoollella athwaayo okhuma m'misasanimmo wi yakumane ni Mulluku nave attheenaayo yahiimella museresere mwa mwaango.

Eksodo 20:21

Koma athu yahiimella voorekamella, Moseve sika aatamelle murapo wooripa mmo mwaari Mulluku.

Deuteronomo 5:5

Enthawi yeelle miyaano kahiimella variyari va nyuwaano ni Apwiya kinuulleellani mawu a Apwiya kaambiiwa nyuwaano moova munllo nave khemwaawenlle vamwaangoni.” “Apwiya yaallota wi,

2 Samuele 22:10

Ahaahulla oddullu akittha vatthi, epiphi yoottika yaari vatthi va manyallwaaye.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Masalimo 81:8

Nyu athwaaka ngiiwani, kuulangizeni, nyu Aisraele, pepaani kiiwellelleni!