Eksodo 17:7 - Mawu a Mulluku

⁷ Nipuronno yaanivaha nnddina nawi Masa navettho Meriba, ekaamba yawi Aisraele yaakangana ni Mose nave yaaweesa Apwiya vawaakohani wi, “Ethiyo Apwiya eri ni hiyaano apaalle iyaayi?”

Eksodo 17:7 ပူးပေါင်းရင်းမြစ်များ

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

Masalimo 95:8

muhummihe mirima ddanyu wonanko o Meriba, wonanko nllapo na o Masa muchipululuni,

Numeri 20:13

Yaalla tti maaddi a o Meriba nko Aisraele yakanganilliiwa ni Apwiya nave Apwiyaayo yaaddooniha wa athwiiwa wi tti aweella.

Deuteronomo 9:22

“Nyu mwahaashiha murima Apwiya Mullukwaanyu mwaariinyu o Tabera, o Masa ni o Kiburoti Hatava.

Eksodo 17:2

Vano athwaayo yahaamba okangana ni Mose nave yaallota wi, “Nivaheni maaddi oowirya.” Mose ahaakoha wi, “Kaambiiwa tini munakanganeenyu ni miyaano? Kaambiiwa tini munaweeseenyu Apwiya?”

Numeri 20:24

“Aroni khavollowa mwiillaponi eyo kinaavaheemi Aisraele. Aneerokhwa ekaamba yawi eelliinenyu khamwiiwellelle lamulo naka omaaddini a o Meriba.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Yoswa 22:31

Mullupa mukutho Finehasi, mwaana a Eleazara ahaalleella athu a malloko a Rubeni, Gadi ni Manase wi, “Vano noodduwella wi Apwiya eri ni hiyaano vawi khamwaawukilalle ovaanyihana ni Apwiya. Mohaavullusa Aisraele o ollaka wa Apwiya.”

Deuteronomo 31:17

Ddeereya ddennddo, kineerewaashella murima wunchichi, kineerewaahiya nave eneerewoonongeya. Ddoohoosa ddawoopiha ddinchichi ddineerewaamorella. Nave nllapo nenno eneerodduwella wi ddenndda ddohaamorella ekaamba yawi miyaano, Mullukwiiwa, ngirittho ni alliwa.

Eksodo 34:9

Sika aallota wi, “Apwiya, mwaarimi mukeerelle echifundo, kinimuuvekani wi muthaanane ni hiyaano. Athwaalla tti awumma murima koma pepaani munikhululukelle ddoolakwa ddahu ni machimwaahu nave munaakhelle hiyaano wi nikhalle athwaanyu.”

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Numeri 27:14

Vawi khamwiiwellelle mawaaka mu echipululu ya Zini va enthawi eyo mulloko wuuwukilalleewani o maaddi a Meriba, mwahoonihalleenyu vamiitthoni viwa wi miyaano tti aweella.” Yaalla tti maaddi a neetuutu a Meriba o Kadeshi mu echipululu ya Zini.

Deuteronomo 6:16

“Muhiweeseke Apwiya Mullukwaanyu wonanko mweerelleenyu o Masa.

Deuteronomo 33:8

Aallota dda nlloko na Levi wi, “Apwiya, Urimu ni Tumimu* oonihe yoopaallaanyu oyeella mwa Alevi, oorumeyellaanyu oororomelleya. Mwaaweesa o Masa, mwaallipanana o maaddi a Meriba.

Masalimo 78:18

Alliwa yaanamweesa Mulluku mwaphudda, voomuwatiherani wi aavahe yoocha eyo yapaalliiwa.

Masalimo 81:8

Nyu athwaaka ngiiwani, kuulangizeni, nyu Aisraele, pepaani kiiwellelleni!

Masalimo 106:32

Athwaayo yaahaashihattho murima Apwiya omaaddini a Meriba, ddeko kheddaamweetenlle phaama Mose ekaamba ya athwaayo.