Eksodo 17:6 - Mawu a Mulluku

⁶ Miyaano kinaakhalle vahoollo vawo vanllukuni vamwaangoni wa Horebu. Wawashulle nllukunno nave munllukunimmo muneerokhuma maaddi wi athwaayo ewirye.” Mose aheera ddennddo vamiitthoni va oohoollella a Aisraele.

Eksodo 17:6 ပူးပေါင်းရင်းမြစ်များ

1 Akorinto 10:4

Nave attheene yaawirya yoowirya emoddamoddave yeeyo ya munepa. Yaawirya mu nlluku na munepa nno naathwara; nave nlluku nenno naari Khrisitu.

Nehemiya 9:15

Yavolliwiiwa ettalla, mwahaavaha buledi ovenyera oddullu yaariiwa ni nthona mwahaavaha maaddi ovenyera munllukuni Mwahaalleella wi yaakhe ellapo eyo mwalonjezilleenyu wi muneerewaavaha.

Deuteronomo 8:15

Alliwa yahuuhoollellani ophiyera mwaakhwaranya echipululu yuullupalli ni yawoopiheelle, mulle mwaari enowa dda nttipwi ni analikalizi. Nave yahuuvahani maaddi ookhuma munllukuni mu ellapo yawumma yoohikhalla ni maaddi.

Masalimo 105:41

Yaahulla nlluku maaddi ekhuma, yaheeta muchipululuni wonanko muhinje.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Masalimo 114:8

Olliye annatthattusa nlluku okhalla nthiya, nlluku noollipa okhalla aneetuutu.

Masalimo 46:4

Koma wookhalla muhinje oyo mitthipidda ddaye ddinahakallalliha muzinda wa Mulluku, nipuro nookhallawo Amasiva Mattheene.

Masalimo 78:20

Aavadda nlluku, maaddi ephulleya, mihinje ddiddalla. Ethiyo ttuuworattho onivaha hiyaano athwaaye buledi enama?”

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yesaya 48:21

Yaahoollelliiwa athwiiwa mu echipululu, alliwa kheyaavolliwalle nthona, yahaavaha maaddi ookhuma vanllukuni, yaatthalla nllukunno nave mwaakhuma maaddi.

Eksodo 16:10

Sika Aroni aallota wa mulloko muttheenoolle nave mullokooyo waarukunuwa oweha o echipululu nave ntitimiho na Apwiya nahooneya m'muraponi moorurumusa.

Eksodo 14:16

Tukhullella ekopwaaweeyo muddullu nave oyitthoonyihelle vanyanjani nave maaddi eneerokawaneya wi Aisraele ellapuwe vawumma.

Numeri 20:8

“Kusa ekopwaawo nave weyaano ni mwanamunno Aroni mwaatthukumanihe athu. Vano olamule nlluku wi nikhumihe maaddi, athwaayo yoonaka. Vano oneerewaakhumihella maaddi nave oneerewaawiryiha athwaayo ni eziweto ddiwa.”

Deuteronomo 1:2

(Ovenyera o Horebu oya o Kadeshi Baranea, oweella ettilla ya mwaango wa Seiri tti olendo wa mallapo khumi ni nimodda.)

Masalimo 74:15

Mwahaatuulla aneetuutu ni mihinje, mwahummiha mihinje dduullupalli.

Masalimo 78:18

Alliwa yaanamweesa Mulluku mwaphudda, voomuwatiherani wi aavahe yoocha eyo yapaalliiwa.

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba