Eksodo 17:13 - Mawu a Mulluku

¹³ Nave Yoswa ahaatthollosa Aamaleke ni nsupada.

Eksodo 17:13 ပူးပေါင်းရင်းမြစ်များ

Yoswa 10:42

Yoswa ahaagonjiha mamwene mattheenaalla ni ellapo ddiwa enthawi yeella ekaamba yawi Apwiya Mulluku a Aisraele sika aawanella ekhotweeyo.

Yoswa 11:12

Yoswa ahaaphara mamwene mattheene ni mizinda ddiwa ddene awiipha ni nsupada nawiisha, awoononga attheenaayo moollikana ni mmo Mose oorumeyella a Apwiya alamulelleeye.

Yoswa 10:37

ophiyera yaawugonjiha. Yaamwiipha ni nsupada mwene ni athwaaye attheene a m'muzindanimmo ni athu attheene a m'matawoniiwa mattheene oohimuhiyawo naari mmoddeene wonanko mmo yeerelliiwa ni muzinda wa Egiloni. Khaavo naari muthu mmodda oyo avulluwalle.

Yoswa 10:32

Apwiya yaawuvelleella m'mattani mwa Aisraele muzinda wa Lakishi va nllapo naneepiilli na ekhotweeyo. Yaawiipha athu a m'muzindanimmo ni nsupada nawiisha oohimuhiya ni okumi naari muthu mmodda wonanko mmo yeerelliiwa ni muzinda wa Libina.

Yoswa 10:28

Nllapo nenno Yoswa aawana ni athu a muzinda wa Makeda aaphara ni mweniiwa. Aawiipha attheene a m'muzindanimmo nave khaavo naari mmodda avulluwalle. Yaamweerella mwene a o Makeda nnddo yamweerelliiwa mwene a o Yeriko.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Eksodo 17:12

Koma matta a Mose etopille, Aroni ni Huri yaakusa nlluku emususera Mose wi akeraatthelle. Athu eellaayo yaakhalla mmodda nngu ni mmoddattho nko emuphareelle Mose matta. Yaamuphareella matta ophiyera ovollowa wa nndduwa.

Eksodo 17:14

Vano Apwiya yaamulleella Mose wi, “Ddenndda muddilembe munibukhuni wi dduupuwelliweke nave mullote vamiitthoni va Yoswa wi kineerothiimiha nnddina na Aamaleke.”

Yoswa 8:26

Yoswa aanatthoonyave ni nivaka naye o Ai, oohikitthiha nnatta naye ophiyera arive muthu m'muzindani wa Ai iiphiwe.