Eksodo 16:6 - Mawu a Mulluku

⁶ Sika Mose ni Aroni yahaalleella Aisraele attheene wi, “Misikuwa vaava muneerodduwella wi tti Apwiya yuukhumihalleni o Iguputo

Eksodo 16:6 ပူးပေါင်းရင်းမြစ်များ

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Numeri 16:30

Koma Apwiya yeera ello yeelleto, ethaya yaatthama yaamirya alliwa ni ddeko ddiwa ddittheddene, evitthiwa eri akumi, sika munaadduwelleenyu wi athu yaalla ahaavevulla Apwiya.”

Numeri 16:28

Mose aallota wi, “Vano muneerodduwella wi mitteko ddittheddene kineereeminndda yakirumalle tti Apwiya, khe dda m'muruni mwaka.

Masalimo 77:20

Mwahaahoollella athwaanyu wonanko enkhosa oweella mwa Mose ni Aroni.

Eksodo 32:11

Koma Mose ahaapepesa Apwiya Mullukwaaye wi, “Nyu Apwiya kaambiiwa tini mwaashenlleenyu murima athwaanyu mwawi ddiidda, athu ayo mwaakhumihalleenyu o Iguputo ni masivaanyu uullupalli ni nnatta nanyu namasiva?

Eksodo 32:7

Vano Apwiya yaamulleella Mose wi, “Akuva, kittha mwaango vawi athwaawo waakhumihalleewe o Iguputwaalle aachimwa nave aakikhoota wunchichi.

Eksodo 32:1

Athu yoonille wi Mose oollekellawo omwaangoni wulle ahikitthakawo, yaatthukumana emwaapheella Aroni nave yaamulleella wi, “Noopelle mulluku awi anihoollelleke vawi khaninadduwella emweereyelle Mose, oyo anikhumihalle o Iguputo.”

Eksodo 16:8

Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Eksodo 12:51

Sika nllapo nno Apwiya yaakhumihalliiwa Aisraele o Iguputo m'millokoni mwiwa.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Masalimo 81:11

Koma athwaaka kheyaawiiwellelle mawaaka, nave Israele aakivevulla.