Eksodo 16:20 - Mawu a Mulluku

²⁰ Koma athu amodda kheyaamwiiwellelle Mose nave yaasunga yoocha emodda ophiyera ohinase. Ohinasevo yoocheeyo yaaddalla ni miingu nave yahunta. Vano Mose ahaashella murima.

Eksodo 16:20 ပူးပေါင်းရင်းမြစ်များ

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Mateyu 6:19

“Muhiitthukumanihelleke eyuuma va ellapo yavatthimva, mvo enjenjete ni murawa ddinnoonongiiwa navettho mvo allupaawiiya ennakhuvulla enyumba ni wiiya.

Numeri 16:15

Vano Mose aasha murima wunchichi nave ahaalleella Apwiya wi, “Muhinaakhella mikutho dda athu yaalla. Ngiwaakhille naari bulu mmodda nave ngimulakwenlle naari mmodda a alliwaayo.”

Numeri 12:3

Mose aari awiiyeviha omukhwaranya arive muthu va ellapo yavatthi.

Eksodo 16:19

Mose ahaalleella wi, “Ahikhallevo anaasunge erive ello ophiyera ohinase.”

Eksodo 16:21

Sika orive ohinase arive muthu aanatthukumaniha moollikana ni muyezwaaye. Koma nndduwa naawaambaka oviha erive ello yoohalla vatthi yaanattotthowa.

Eksodo 16:24

Mose alamulalle ddenndda, athwaayo yaasunga yoohalleeyo ophiyera ohinase nave ettheeneeyo kheyaari ni miingu nave kheyaawuntalle.