Eksodo 15:9 - Mawu a Mulluku

⁹ Mudanoolle aallota wi, ‘Kineerewaathwara nave kineerewaaphara, kineerokawa eyuumiiwa nave murimaaka oneerokwakhwanihiwana, kineerokhumiha nsupada nave kineerowoononga ni nnatta naka.’

Eksodo 15:9 ပူးပေါင်းရင်းမြစ်များ

Oweeruza 5:30

‘Ethiyo yaalla khenaashaasha ni okawana ddeko ddawaakha okhotoni? Anaakawella arive akhoto, mutthiyana mmodda apaalle eelli. Sisera anaakawella ddawaakha okhotoni ni ddoowara ddamalluwamalluwa wi atthiyanaayo ewareke mukohi.’ ”

Eksodo 14:5

Farao iiwalleeye wi Aisraele aathawa, olliye ni enduna ddaye ddittheddene, yaasintha maganizwiiwa dda Aisraelaayo. Yaallota wi, “Ethiyo hiyaano vaava neerillevo tini voowaakhullellani Aisraele wi ethawe ehiya onirumeyella?”

Luka 11:22

Koma wawa muthu amasiva oomukhwaranya amugonjiha, annamwaakha ezida aroromelleeyennddo nave akawakawa ddeko aakhilleeyennddo.

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Habakuku 3:14

Mipaamba ddanyu ddaamuhoma oohoollella a akhotwaaye ayo yaawiille wonanko namangalle wi enipallallese, ehakallallaka vawaanyingallellani oohoowa moovittheya.

Genesis 49:27

“Benjamini ari wonanko enama yawoopiha ohinase annattakhuna nnddo aphanreeye, nave mahiiyu annakawa ddawaakhannddo.”

Yesaya 36:20

Ethiyo tti milluku ddiivi mwa milluku ddittheddene dda ellaponndda nnddo ddavullusalle ellapo ddiwa wa mwenaahu wi nyu mweereke Apwiya ttuuvullusa Yerusalemu wa olliye?’ ”

1 Mamwene 20:10

Benihadadi aarumihattho mawu wa Ahabu wi, “Kineeroowa ni athwaaka anchichi wi koononge muzindaawo ni owutthattusa nthupi. Milluku ddikillake kaaheera ddenndda.”

1 Mamwene 19:2

Vano Yezebele aamurumiha amithenga wa Eliya wi amulleelle wi, “Milluku ddikillake naari okiipha wene, kaahiwiipha weyaano osiisello enthawi wonanko ella moollikana ni mmo wawiiphelleewe anamallotellaayo.”

1 Samuele 30:8

Vano Davide aaveka wa Apwiya voollotani wi, “Ethiyo kiwuthware mulloko wakhoto wa Aamaleke? Ethiyo kineerewaagonjiha?” Apwiya yaamwaakhulla wi, “Athware vawi oneerewaagonjiha nave oneerowaavullusa akaporwaayo,”

2 Samuele 22:38

Kahaathwara mutulli adanaaka nave kaawoononga, ngaahokollowille ophiyera kahaatthollosa.

Miyambo 16:19

Wiiyeviha variyari va athu oohoowa onnakhwaranya okawana ddawaakha ni athu ookota.

Yeremiya 46:17

“Farao, mwene a o Iguputo, mumuvahe nnddina nanaanweene nawi, ‘Ootokollolla, ootathilla ekaraaye.’