Eksodo 15:20 - Mawu a Mulluku

²⁰ Vano Miriyamu, namallotella aamutthiyana, murokoriye a Aroni, aamukusa maasa nave atthiyana attheene yaamuthwara vatulli ewiipaka amaasiiwa, yiinaka.

Eksodo 15:20 ပူးပေါင်းရင်းမြစ်များ

Masalimo 150:4

Mutitimiheni voomwiipellani ekoma ni vawiinani, mutitimiheni ni ezipangizo dda enthambo ni ezitoliro

1 Samuele 18:6

Vano akhotwaalle yahokollweelliiwa owaniwa, Davide amwiiphalle Goliyatoolle, atthiyana yaakhuma ovenyera m'mizindani ddittheddene dda Aisraele yiipaka machipo ni wiina emuchingamellaka mwene Saulo. Yaaniipa ni wiina ekoma ni ezitoliro moohakallalla.

Masalimo 68:25

Oowiipa machipo eri vahoollo, oowiipa ni ezipangizo eri mutulli, anamwalli awiipa asikoma eri variyari.

Oweeruza 11:34

Vatulli viwa Yefita aahokollweella owaniwa o Mizipa. Vano ngoonani, mwanaye aamutthiyana aakhuma amuchingamella, iipaka ekoma nave iinaka. Olliye aari mwanaye mmodda yooyo. Khaarinattho arive mwaana, aamullopwana apaalle aamutthiyana.

Numeri 26:59

Mwaara a Amuramu aari Yokebedi mwaana a Levi oyo ayarelliwe o Iguputo. Yokebedooyo aamuyarella Amuramu anamwani eelli, Aroni ni Mose owaaka Miriyamu, murokoriwa.

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Masalimo 149:3

Etitimihe nnddina niwa vawiinani, ewiipelle nchipo nooriya ni ekoma owaaka azeze.

Oweeruza 4:4

Enthawi yeeyo Debora, namallotella aamutthiyana, mwaara a Lapidoti, ahaahoollella Aisraele.

Luka 2:36

Namallotella aamutthiyana Anna aakhallattho mu enyumba ya Mulluku, aari, mwaana a Fanuwele, a mulloko wa Asheri. Nave aari awuulluvalla, aatthelliwa ari namwalli, wa miyakha mitthanu ni miillive koma mamune aakhwa.

Masalimo 81:2

Ambani nchipo, ipani ekoma vamodda ni gitala awinlla phaama ni zeze.

2 Mamwene 22:14

Sika mullupa mukutho Hilikiya, Ahikamu, Akibori, Shafani ni Asaiya yaaya wa namallotella aamutthiyana nnddina naye Hulida, mwaara Shalumu. Shalumu aari oosunga ddoowara ddoomwene nave aari mwaana a Tikiwa, mwaana a Harihashi. Hulida akhalla o Yerusalemu mu echigawo yanaanweene ya muzindooyo. Sika athwaalle ellotillena,

Eksodo 2:4

Nave murokoriye a mwaanooyo ahiimella vakhuviru anawehesesa wi oone nnddo ddinaamweereyelle.

Mitteko 21:9

Olliyoolla aakhalla ni anaaye aatthiyana asese oohitthelliwa ayo yaari anamallotella.

Masalimo 68:11

Apwiya yaavaha mawu, atthiyana anchichi enawa ni othenga wawi,

Masalimo 30:11

Mootthattusa winlla waka wi okhalle wiina, mookivenyihella ethakarakaaka mukivaha ehakallallo.

2 Samuele 6:14

Davide awanre efodi yabafuta, aaniina mowaatitimiha Apwiya ni masivaaye mattheene.

1 Samuele 10:5

Mweeddiiddo muneerophiya o mwaango wa Mulluku o Gibea nko ori akhoto a Afilisti. Nave mwaawaatamellaka muzindooyo muneerokumana ni mulloko wa anamallotella ekitthaka ovenyera o nipuro noollapellamo yiipaka azeze, ekoma ni ezitoliro, ellotellaka.

Oweeruza 21:21

nave mwaaweheseseke. Anamwani aatthiyana a o Shilo yaawaaka wi yiine maddoma, mutthupulluwe mu emata dda ezipaso ddampesannddo mwaaphare, arive muthu aaye aaye nave muyeekena mu ellapo ya Abenjamini.

Numeri 20:1

Aisraele attheene yaaphiya o echipululu ya Zini va mweeri wawaamba. Nave athwaayo yaakeraattheya o Kadeshi. Miriyamu aakhwella ni ovitthiwa wenko.

1 Akorinto 11:5

Nave mutthiyana anavekella apaalle anallotella ahiwanre ello omuruni waye, anamuvevulla mamune; khanahiyana ni mutthiyana achemiwe murwaaye.

2 Samuele 6:16

Vano nibokosi na echipanganonne niphiyalle mu muzinda wa Davide, Mikala, mwaana aamutthiyana a Saulo aatthurumella vaniwindoni nave aamoona mwene Davide iinaka navettho ahakallallaka. Vaavo mutthiyanooyo ahaamba omuvevusa m'murimani mwaye.

2 Samuele 6:5

Vano Davide ni Aisraele attheene yaari ehakallallaka ni murimiiwa muttheene vamiitthoni va Apwiya, enawiipella machipo ni azeze, magitala, ekoma, misangwa ni eziwaya dda malipenga.

1 Akorinto 14:34

atthiyana enaphwanella ehilloteke va mutthukumano. Khenaakhullelliwa ollota vawi moollikana ni malamulo a Ayuda, ehilamulelleke.

Numeri 12:1

Miriyamu ni Aroni yahaamba omullota Mose ekaamba ya mutthiyana a o Kushi amutthellilleeye vawi aamutthella mutthiyana a o Kushi.

Genesis 31:27

Kaambiiwa tini wakillekilleewe nave okithawa ohikilleella? Wakilleelleke keerowaakhullella moohakallalla nave viri wiipa machipo ni asikoma ni magitala.

2 Samuele 1:20

Muhinallalleya ddenndda o Gati, muhinanivuwiha m'misewuni dda Ashikeloni wi atthiyana a Afilisti, oohiphaddiwa, ehinittheye.”

1 Epilli 6:3

Amuramu aamuyara Aroni, Mose ni Miriyamu. Aroni aamuyara Nadabu, Abihu, Eleazara ni Itamara.

1 Epilli 15:16

Vatulli viwa Davide ahaalamulattho oohoollella a Alevi wi yaatthoolle amodda mwa abaliiwa wi yiipeke ni murimiiwa muttheene voopharihani mutteko azeze, magitala ni mapallapata wi mawu eehakallallo yiiweyeke phaama.

Oollalleya 3:4

Vookhalla enthawi yoomoriha miitthori ni enthawi yoottheya, enthawi yawinlla ni enthawi yawiina.

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Numeri 12:2

Alliwa yaakoha wi, “Ethiyo tti ddawoona wi Apwiya enallota oweella mwa Moseve? Ethiyo khenallotattho oweella mwa hiyaano?” Nave Apwiya yaaddiiwa ddenndda.

Nehemiya 6:14

Mullukwaaka, wuupuwelleni Tobiya ni Sanibalati moollikana ni yeerilliiwanndda navettho namallotella aamutthiyana, Nowadiya, owaaka anamallotella amodda yapaalla okoopopiha.

Masalimo 68:26

“Mutitimiheni Mulluku m'mutthukumano muullupalli, atitimiheni Apwiya nyu edduullu dda Israele.”