Eksodo 15:2 - Mawu a Mulluku

² Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Eksodo 15:2 ပူးပေါင်းရင်းမြစ်များ

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Masalimo 118:14

Apwiya tti masivaaka ni ekophollo ddaka, alliwa tti oovullusaaka.

Masalimo 18:46

Apwiya tti ookumi! Nititimiheye nlluku naka, ariiheye Mullukwaaka, ookivullusaka!

Masalimo 59:17

Nyu masivaaka, kineerekowiipellani machipo awuutetheellani, vawi nyu Mulluku sika mpandaaka, Mulluku ookoonihella echikondi yoohisintheya.

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.

Masalimo 140:7

Nyu Apwiya, Apwiyaaka, oovullusaaka amasiva, mooteteza okumaaka va nllapo neekhoto.

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Afilipi 2:11

Nave ddittheddene ddineerewaakhullella wi, “Yesu Khrisitu tti Apwiya,” o ntitimiho na Mulluku Attiitthiihu.

Masalimo 118:28

Nyuwaano tti Mullukwaaka, kineerewuuthokozani, nyuwaano tti Mullukwaaka, kineerewuutitimihani.

Masalimo 99:5

Atitimiheni Apwiya Mullukwaahu, kokhorellani voonyingalla manyallwiiwa, alliwa tti aweella!

Masalimo 34:3

Hankoni niwunnuwihe Apwiya, nitetheelle nnddina niwa.

Deuteronomo 10:21

Vawi alliwa sika ntitimiho nanyu, Mullukwaanyu oyo aweerelleni dduullupalli ni ddawoopiha ddittheddenenndda moonilleenyu ni miitthwaanyu.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Masalimo 145:1

Nyu Mullukwaaka, mwene, kineerewuutitimihani, kineeroriiha nnddina nanyu wa enthawi yoohimalla.

2 Samuele 22:47

Apwiya tti ookumi! Nititimiheye nlluku naka, ariiheye Mullukwaaka, ookivullusaka!

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Eksodo 4:22

Nave wamulleelle Farao wi mi Apwiya kinallota wi, ‘Israele tti mwanaka aamullopwana awaamba.’

Aefeso 2:22

Mu eyaattano ni Khrisitu nanyeenettho munimamakiwa vamodda ni amodda attheenaayo wi mukhalle nipuro nookhallamo Mulluku oweella mwa munepaaye.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Masalimo 109:1

Nyu Mulluku, ootitimiheyaaka, muheere ellapo tuu!

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Eksodo 40:34

Murapo waakhuneella musasa wamutthukumano nave ntitimiho na Apwiya naaddalla musasooyo.

Yawuupullulla 19:1

Ddimallille ddenndda kahiiwa mawu awiiweya wonanko onyakulla wa mulloko wa athu anchichi muddullu ellotaka wi, “Aleluya! Ovullusa, ntitimiho ni masiva tti dda Mullukwaahu!

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Yohane 4:22

Nyuwaano Asamariya khamunamudduwella oyo munamullapelleenyu koma hiyaano Ayuda ninnamudduwella oyo nnamullapelleehu kaambiiwa ovullusa onavenyera wa Ayuda.

Luka 2:30

Vawi miitthwaaka ahoona ovullusa wanyu,

Luka 1:77

Oneerewaalleella athwiiwa wi eneerovullusiwa, vookhululukelliwani machimwiiwa.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Yeremiya 32:38

Enaakhalle athwaaka nave miyaano kinaakhalle Mullukwiiwa.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Yeremiya 3:23

Khenaaphunrevo ello voollapellani va asimiyaango, vaweerani mutetho omiyaangoni khonna mutteko. Ddawoona, Apwiya Mullukwaahu sika ovullusa wa Aisraele.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

Masalimo 132:5

ophiyera kaaphwanyenlle Apwiya nipuro, mookhalla Amasiva Mattheene a Yakobo.”

Masalimo 68:20

Mullukwaahu tti Mulluku oovullusa, tti Mulluku, Apwiya ayo enanoopolla wuukhwaani.

Masalimo 30:1

Kineerewuutitimihani, nyu Apwiya, vawi mookikhumiha ovenyera moowallamella. Khamwaakhullenlle wi adanaaka ehakallallelle ohoosiwa waka.

Masalimo 28:8

Apwiya sika masiva a athwiiwa woothawella nko oozoziwiiwa* anavulluwelliiwawo.

Masalimo 22:10

Kookhalla kuuroromellakani nyuwaano ephatuwellwaaka, nyuwaano mookhalla Mullukwaaka ovenyera mvo amoowe yakiyarelliiwa.

Masalimo 22:3

Koma nyuwaanothi tti aweella, oyo anakeraatthi va mpando woomwene, oyo anatitimihiwa ni Israele.

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

1 Mamwene 8:13

Koma kohuumakellani enyumba yooriiheya, nipuro nno munaakhallekeenyumo enthawi yoohimalla.”

2 Samuele 22:51

Mulluku annamupambaniha wunchichi mwenaaye, annooniha echikondaaye yoohisintheya wa oozoziwaaye,* wa Davide ni edduullu ddaye wa enthawi yoohimalla.

2 Samuele 7:5

“Khawe wamulleelle oorumeyellaaka, Davide wi mi Apwiya kinallota wi, ‘Ethiyo oneesa wi onaamake enyumba wi kikhallekemo tti weyaano?

Genesis 17:7

Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo.

Akolose 2:9

Vawi makhallello mattheene a Mulluku enakhalla mwa mwiilli wa Khrisitu,

Genesis 49:18

“Kinatiyerella ovullusa wa Apwiya.”

Oweeruza 5:21

Maaddi oosefukella a muhinje wa Kishoni, yahaakwakwadda attheene, maaddi oothamaka, maaddi amasiva a muhinje wa Kishoni. Murimaaka llipihella, eta mwamasiva!”

Masalimo 48:14

“Mullukwaahu tti awi ddiidda, tti Mullukwaahu waambeella enthawi yoohimalla, tti oohoollellaahu wa enthawi yoohimalla.”

Habakuku 3:13

Mwaaya wi mwaavulluse athwaanyu, wi mwamoopolle mwenaanyu oozoziwa.* Mwaamoononga oohoollella a athu oonanara ni waatthollosa athwaaye attheene.

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

2 Samuele 7:24

Nave mwaaweera Aisraele, okhalla aanyu aanyu wa enthawi yoohimalla nave nyu Apwiya mwaakhalla Mullukwiiwa.”

2 Samuele 22:3

Alliwa tti Mullukwaaka nlluku naka kinathawelleemiwo. Sika echishangwaaka, masiva ookivullusa, mpandaaka ni yookiipitthihaaka, nyu sika munakoopolla vakhotoni.

1 Epilli 16:14

Alliwa tti Apwiya Mullukwaahu, ennalamulella ellapo yavatthi ettheene.

Masalimo 118:21

Kinnuuthokozani vawi mookaakhulla, mootthattuwa oovullusaaka.