Eksodo 15:18 - Mawu a Mulluku

¹⁸ Nyu Apwiya, muneerokhalla mwene wa enthawi yoohimalla.”

Eksodo 15:18 ပူးပေါင်းရင်းမြစ်များ

Masalimo 29:10

Apwiya ennalamulella enyanja yoowallamella ddittheddene, ennakhalla va mpando woomwene wa enthawi yoohimalla.

Masalimo 10:16

Apwiya sika mwene wa enthawi yoohimalla. Mu ellapo ya Mulluku, oohimullapella eneerotthollowa.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Masalimo 146:10

Apwiya eneerokhalla mwene wa enthawi yoohimalla, we Ziyoni, Mullukwaawo aneerolamulella wa mibado ddittheddene. Aleluya!

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Daniele 4:3

Ezizindikiro ddaye tti dduullupalli, ddoottikhiniha ddaye tti ddamasiva. Omwenaaye tti wa enthawi yoohimalla, olamulellwaaye tti wa o mibado ddittheddene.

Mateyu 6:13

Muhinikuselle woweesiwa, koma munivulluse wa Oonanarooyo.

Genesis 21:33

Sika Abrahamu ahaalla muteekho wa bwemba o Beeresheba nave ahaallapella Apwiya Mulluku a Enthawi yoohimalla.

Deuteronomo 33:5

Apwiya yaakhalla mwene mu Yeshuruni, mvo malloko ni oohoollelliiwa yatthukumanihiwiiwa vamodda.

Masalimo 9:8

Eneeruza ellapo yavatthi ettheene moolungama, ennakamulla millatu dda athu moohiweha ekhove.