Eksodo 15:16 - Mawu a Mulluku

¹⁶ Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Eksodo 15:16 ပူးပေါင်းရင်းမြစ်များ

Masalimo 74:2

Wuupuwelleni athwaanyu ayo mwaapatulalleenyu ovenyera khalle, mutundu oyo mwawooponlleenyu wi okhalle yoohallanaanyu. Upuwellani mwaango wa Ziyoni nko mwakhanllekeenyuwo.

Deuteronomo 2:25

Waambeella ollello kineerekowoopopiha athu a va ellapo yavatthi wi ewoovekeni. Arive muthu iiwa dda nyuwaano aneerotthukumella ni woova ni otathilla murima ekaamba yoowoovani nyuwaano.’ ”

1 Samuele 25:37

Ohinase olezela wulle omuukunuwalle mwaariyoolle aamulleella ddittheddene. Enthawi yeeyo Nabala aakomowa, mwiillaaye wumma tondoro wonanko nlluku.

Yoswa 2:9

aalleella wi, “Koodduwella wi Apwiya ahuuvahani ellapo ettheeneella nave attheenehi ninnoova, mirima ddahu ddinnatthukumella!

2 Petro 2:1

Anamallotella awoottha yahooneya khalle variyari va athu nave emoddamoddave yeeyo ahuddihi awoottha eneerewooneya variyari vanyu. Mwawiitta eneerowaana ehuddiho ddawoononga. Nave eneerewaakhoota Apwiya ayo yaakullalle nave vaweerani ddiiddo eneerowaana woonongeya wawaakuva vaweekhiiwa.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Yeremiya 31:11

Ddawoona, Apwiya aawoopolla Aisraele ahaavullusa mu ddoohoosa ddoohiworeya okhumamo.

Deuteronomo 11:25

Khaavo anaawore wuuhiihani nave muneerowoononga attheene. Virive veko vinaanyingalle nnyallo nanyu mwiillaponi yeeyo, athu eneerekowoovani moollikana ni mmo Apwiya Mullukwaanyu ulonjezelliiwani wi aneerowoopopiha athwaayo.

Eksodo 11:7

Koma variyari va Aisraele naari mwanapwa khawa amuuwaka muthu apaalle erive echiweto wi mudduwelle wi Apwiya ennaahiyaniha Aiguputo ni Aisraele.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Yesaya 51:10

Ethiyo khe nyuwaano mummihalle Enyanja Yuullupalli, maaddi oowallamellesesa. Ethiyo khe nyuwaano mwapangille ettilla vamaaddini, wi alle mwaavullusalleenyu ellapuwe vawumma?

2 Samuele 7:23

Ethiyo tti athu aavi va ellapo yavatthi enaphwanaphwana ni athwaanyu Aisraele ayo mwaavullusalleenyu wi ekhalle aanyu? Mwahaavullusa ovenyera o Iguputo ni milluku ddaye nave mwaheera ddeko dduullupalli ddawoopiha voowiikarihani mitundu ddimodda vamiitthoni viwa. Mmu sika mwavuwihelleenyu nnddina nanyu.

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

Deuteronomo 32:9

Koma yoohallaniiwa ya Apwiya tti athwiiwa, edduullu dda Yakobo sika yoohallaniiwa yoopatuleya.”

Deuteronomo 32:6

Ethiyo ttuuwaahokollosella ddawi ddiidda Apwiya, nyu athu ookarangeya ni ohikhalla ni ezeru? Ethiyo alliwa khe attiitthaanyu ayo yuuphatusalleni, ayo yuupangilleni ni wuukeraatthihani?”

Eksodo 23:27

“Kineeroweeriha wi ekooveke miyaano athu attheene enaallipaneke ni nyuwaano. Kineerowaapheelliha muru athu ayo munaawanekeenyuna. Nave kineerowiikariha adanaanyu attheene.

Genesis 35:5

Yakobo ni anaaye yatimulliiwa, athu attheene a mizinda ddawaapheella yahoova wunchichi vawi yaalephela waathamakella.

Eksodo 15:5

Maaddi a enyanja yoowallamelleeyo yahaahuruwella attheene, yaapwina ophiyera vatthi va enyanja wonanko nlluku.

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Eksodo 15:13

“Koma athu ayo mwawoopollilleenyu, mwahaahoollella ni echikondaanyu yoohimalla, mwahaahoollella ni masivaanyu, oya onipuroni nanyu naweella.

Eksodo 18:8

Nave Mose aamutthopoollella ddittheddene nndde Apwiya yamweerelliiwa Farao ni Aiguputo ekaamba ya Aisraelaayo. Aamutthopoollellattho dda ddookatamiha nnddo yakumananiiwana muttilla ni ddittheddene nnddo Apwiya yeerilliiwa wi yaavulluse.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Eksodo 23:20

“Kineeromurumiha mungelwaaka vahoollo vanyu wi uutetezeni mu ettilla ni wuuphiyihani onipuroni nko kuukhozelleemini.

Deuteronomo 2:4

Yaakilleella wi kuulangizeni wi, ‘Muhanlle vang'ono oweella mu ellapo ya abalaanyu, edduullu dda Esau oyo anakhalla o Seiri. Alliwaayo eneerowoovani nyuwaano koma muchenjere.

Yoswa 4:24

Ekaamba ya yeella arive muthu va ellapo yavatthimva eneerodduwella masiva a Apwiya nave eneerowoova Apwiya Mullukwaanyu, wa enthawi yoohimalla.”

Masalimo 105:38

Aiguputo yaahakallalla alliwa yarowilliiwa kaambiiwa woopiha wiwa wahaamorella.

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Eksodo 23:22

Koma mwamwiiwella olliyooyo ni weera ddittheddene kinaalloteemi, miyaano kineerewiitana ni adanaanyu nave kineerewaagonjiha attheene ayo enuuvaanyihekeni.

Masalimo 89:14

Eechilungamo ni echiweruzo sika ddikeraatthihalle omweniiwa. Echikondaanyu yoohisintheya ni ororomelleya wanyu, ddinnahoolla vamiitthoni vanyu.

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”