Eksodo 15:10 - Mawu a Mulluku

¹⁰ Koma mwahaaviddeellella ni ephevwaanyu nave enyanja yahaamirya, yaapwina wonanko mukoko ophiyera vatthi va maaddi awoopiha.”

Eksodo 15:10 ပူးပေါင်းရင်းမြစ်များ

Yesaya 11:15

Nave Apwiya eneerowelleelliha tondoro nikuttha na enyanja ya o Iguputo. Eneerottaphurusa nnatta niwa nave eneerewoopiha ephevo yooviha va muhinje wa Yufurate. Sika muhinjooyo oneerokawaneya mu asimihinje mitthanu ni miilli wi athu ellapuwe vawumma.

Deuteronomo 11:4

Mwahoona nnddo yeerilliiwa voollipanani ni akhoto a o Iguputo navettho ni akavalwiiwa ni magaretiiwa mvo alliwa yawiikariiwani nyuwaano. Mwahoonattho mmo Apwiya yalamulelliiwa maaddi a Enyanja Yoofiira wi yaamirye ni owiipha attheene.

Eksodo 15:5

Maaddi a enyanja yoowallamelleeyo yahaahuruwella attheene, yaapwina ophiyera vatthi va enyanja wonanko nlluku.

Eksodo 14:21

Sika Mose aatthoonyiha nnatta naye vanyanjani nave Apwiya yahoopiha ephevo yuullupalli yoovenyera wookhuma nndduwa, eyo yoopille mahiiyu mattheene nave yahummiha enyanjeeyo. Maaddaayo yaakawaneya

Mateyu 8:27

Athu attheene yaari mukallawanimmo yaattikhina, ellota wi, “Muthu yoolla tti awiidde? Naari ephevo ni maaddi ddinnamwiiwellella.”

Amosi 4:13

Ngamooneni oyo aphatusalle miyaango ni opanga ephevo, anamuwululella muthu dda m'muruni mwaye, anatthattusa otthaana okhalla mahiiyu, aneeta va mapuro aweellesesa a va ellapo yavatthi, nnddina naye tti Apwiya Mulluku Amasiva Mattheene.

Yeremiya 10:13

Alliwa yallota onniiweya onyakulla wa maaddi ooddullu, ennawiiha mirapo ovenyera okomenlle ellapo yavatthi. Ennasherimiha ettari dda murimu, ennoopiha ephevo ovenyera nko enayisungiiwa.

Masalimo 147:18

Yalamula wi ddivenyevo, ddinnattotthowa, yoopiha ephevo, maaddi enneeta.

Masalimo 135:7

Tti alliwa enakhumiha mirapo wookomella ellapo yavatthi, enasherimiha ettari wi eweena murimu, enoopiha ephevo ovenyera mu moosungellamo mwiwa.

Genesis 8:1

Vano Mulluku aamuupuwella Nowa ni enama ddittheddene ddamuhakani ni eziweto nnddo ddaari ni olliye muchombonimmo. Aalamula ephevo wi yoope va ellapo yavatthi, enthawi yeeyo maaddi yahaamba owelleella.

Miyambo 30:4

Ttaani awenlle oddullu akitthawo? Ttaani akhunalleke ephevo? Ttaani amakilleke maaddi vakuwoni? Ttaani akeraatthihalle makomihello a ellapo yavatthi? Nnddina naye ttaani? Munnadduwella, mwanaye nnddina naye ttaani?

Yeremiya 46:17

“Farao, mwene a o Iguputo, mumuvahe nnddina nanaanweene nawi, ‘Ootokollolla, ootathilla ekaraaye.’

2 Samuele 18:8

Ekhotweeyo yaamwareyella ellapo ettheeneeyo nave athu ayo yakhwelle muutthakoni yaari anchichi waakhwaranya ayo yiiphiwe ni nsupada.

Nehemiya 9:11

Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.