Eksodo 15:1 - Mawu a Mulluku

¹ Vano Mose ni Aisraelaalle yahiipa nchipo wa Apwiya wi, “Kinapaalla kiwiipelle Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.

Eksodo 15:1 ပူးပေါင်းရင်းမြစ်များ

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Eksodo 15:21

Nave Miriyamu aawiipella alliwaayo nchipo nawi, “Wiipelleni Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.”

Masalimo 106:12

Vano athwaaye yaakhulupilila mawaaye, eniipa machipo oomutitimiha.

Masalimo 107:8

Yaathokoze Apwiya ekaamba ya echikondiiwa yoohisintheya ekaamba ya ddoottikhiniha ddiwa wa athu attheene.

Akolose 2:15

Oweella mwa Khrisitu, vamutandani valle, Mulluku ahaagonjiha oolamulella attheene ni masiva mattheene ooddullu nave aanyaambusa vamiitthoni va athu attheene.

Masalimo 107:15

Yaathokoze Apwiya ekaamba ya echikondiiwa yoohisintheya, ekaamba ya ddoottikhiniha ddiwa wa athu attheene.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Eksodo 14:27

Nave aatthoonyihella nnatta naye onyanjani nave oyaaka ni osa, maaddaayo yaari ehokollweellaka m'mapuroni mwiwa. Aiguputo yaheeseesa wi ethawe koma Apwiya yahaahokollosa ni waakakhella munyanjanimmo.

Numeri 21:17

Vano Aisraele yahiipa nchipo nawi, “Khumiha maaddaawo, ehime, hiyaano nineerowiipella nchipo.

Nehemiya 9:11

Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.

Yobu 36:24

Upuwellaka oriiha mitteko ddaye, nnddo athu enaddiipelliiwa machipo.

Masalimo 32:7

Nyuwaano tti woothawellawo waka, munnakiteteza mu ddookatamiha, munnakaapheelliha ni okhuwa wa ovullusa.

Masalimo 76:6

Nyu Mulluku a Yakobo, mwaahumullullalleenyu attheene oowella va akavalo ni akavalwiiweene yaakhwa.

Masalimo 105:43

Vano yahaakhumiha athwiiwa moohakallalla, ootthoolliwiiwa yaakhuma yiipaka moothapella.

Miyambo 29:6

Muthu oochimwa annakoliwa ni machimwaaye koma oolungama anniipa ni ohakallalla.

Yesaya 42:10

Muwiipelle Apwiya nchipo nanaanweene! Nyu ookhalla mu ellapo yavatthi ettheene, atitimiheni! Nyu ddoophatusiwa ddittheddene dda mu enyanja, ariiheni. Nyu ellapo ddawaatamella attheene ookhalla wenko wiipelleni.

Yeremiya 51:21

Ni weyaano kinnaaphwinyaphwinya akavalo ni oowellavwiiwa. Ni weyaano kinnaaphwinyaphwinya magareta ni aweetihiiwa.

Habakuku 3:18

kineerohakallalla ni okotella mwa Apwiya kaambiiwa Apwiya Mulluku tti oovullusaaka.

Eksodo 14:26

Vano Apwiya yaamulleella Mose wi, “Tthoonyihella nnatta nawo onyanjaninko wi maaddaayo ekumanelle ni waamirya Aiguputwaayo ni magaretiiwa ni oowella va akavalo.”

Masalimo 76:7

Ddawoona, nyuwaano tti awoopiha, ttaani anaawore wiimella vamiitthoni vanyu mwasha murima?

Hoseya 2:17

Kineeromuhiiha oromollattho manddina a Abaala nave manddiniiwa kheromolliwaka voollapellani.