Eksodo 14:8 - Mawu a Mulluku

⁸ Apwiya yaamummiha murima Farao, mwene a o Iguputo nave olliye ahaathwara Aisraele ayo yavenyillewo mookotella.

Eksodo 14:8 ပူးပေါင်းရင်းမြစ်များ

Mitteko 13:17

Mulluku a Aisraele ahaatthoolla makhollwaahu nave aweera ekhalle mulloko muullupalli wa athu va enthawi yaariiwa alleto mu ellapo ya Iguputo. Ahaakhumiha mu Iguputommo ni masivaaye.

Numeri 33:3

Yaatimulla o Ramsesi va nllapo na 15 na mweeri wawaamba. Osaka wene, niviralle nllapo na Paska, Aisraele yaakhuma mu Iguputo mookotella, Aiguputo attheene yoonaka.

Deuteronomo 26:8

Mwa masiviiwa muullupalli navettho mwa ekophollo ddiwa, Apwiya yaanikhumiha. Yaheera ddoottikhiniha, millilli ni ezizindikiro ddawoopiha.

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 13:16

Yeella enaakhalle yawuupusella, wonanko echizindikiro yoomakiwa va nnatta nanyu apaalle vayuuchini vanyu kaambiiwa Apwiya yaanikhumiha o Iguputo ni nnatta niwa namasiva.”

Eksodo 6:1

Koma Apwiya yaamulleella Mosooyo wi, “Vano oneerewoona nnddo kinaamweerelleemi Farao. Kineeromuwatihera ni nnatta naka namasiva wi aakhumihe athwaaka. Navettho aneerowiikariha mwiillaponi mwaye.”

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

Deuteronomo 32:27

Koma nginapaalla wi adaniiwa yiitukhulleke, eganizeke moolakwa ni okittheya. Ehooneke wonanko yaagonjihalle ni masiviiwa, wi Apwiya kheyeerille ddenndda.’ ”

Eksodo 13:18

Munipuroni mwiwa Apwiya yaaweeriha wi eyeelle ettilla yoorekama ya mu echipululu yooya o Enyanja Yoofiira. Mutthemwenemmo Aisraele yaari ekhozekenlle dda ekhoto.

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Eksodo 4:21

Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo.

Eksodo 9:12

Koma Apwiya yaamummihave murima Farao sika khaawiiwellelle Mose ni Aroni moollikana ni mmo Apwiya yallotelliiwa.

Eksodo 10:27

Koma Apwiya yaamummihave murima Farao nave khaawaakhullelle athwaayo wi evenyewo.

Eksodo 14:7

Aakusa magareta aphaama wunchichi 600 ni magareta mamodda mattheene nave aakeraatthiha oohoollella va magareta mattheenaayo.

Eksodo 14:17

Kineerewummiha murima Aiguputwaayo, sika wi eneerewaathwara Aisraele. Nave vaweerani ddiiddo kineeromugonjiha Farao ni akhotwaaye, magaretaaye ni oowella va akavalo wi kititimihiwe.

Eksodo 15:9

Mudanoolle aallota wi, ‘Kineerewaathwara nave kineerewaaphara, kineerokawa eyuumiiwa nave murimaaka oneerokwakhwanihiwana, kineerokhumiha nsupada nave kineerowoononga ni nnatta naka.’

Maliro 3:65

Mwaaripihe murima, ddawoona, mwaatembelele.

Levitiko 26:13

Mi tti Apwiya Mullukwaanyu oyo uukhumihalleni mu ellapo ya Iguputo wi muhikhalle akaporwiiwa. Koopwesa nigoli* nanyu wi mweeteke mwawookowa.”

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

Oweeruza 4:7

Kineeromweeriha Sisera, oohoollella a akhoto a Yabini wi akumane ni nyuwaano omuhinjeni wa Kishoni, aakusalle magaretaaye ni akhotwaaye. Nave kineeromuvelleella m'mattani mwanyu.’ ”

Masalimo 105:43

Vano yahaakhumiha athwiiwa moohakallalla, ootthoolliwiiwa yaakhuma yiipaka moothapella.