Eksodo 14:30 - Mawu a Mulluku

³⁰ Sika va nllapo nenno Apwiya yahaavullusa Aisraele m'mattani mwa Aiguputo. Aisraele yahoona mitembo dda Aiguputwaayo ddikakhelliwaka mukhwipi mwa enyanja.

Eksodo 14:30 ပူးပေါင်းရင်းမြစ်များ

Masalimo 106:10

Sika ahaavullusa wa awiitananiiwa, aawoopolla o masiva a adaniiwa.

Masalimo 106:8

Koma ahaavullusa ekaamba ya nnddina naye wi oonihe masivaaye muullupalli.

Yuda 1:5

Naari mwadduwenlle khalle ddittheddene vano kinapaalla kiwuupuseni wi Apwiya yaavullusa Aisraele ovenyera o Iguputo koma vatulli viwa yaawoononga attheene a alliwaayo ayo yahikhulupilila.

Masalimo 58:10

Oolungama aneerohakallalla vawoonani ohokolloselliwa ddoonanara, aneerohuwa manyallwaaye mu nikhame na athu oonanara.

Masalimo 59:10

Mullukwaaka aneerokichingamella kaambiiwa tti Mulluku a echikondi yoohisintheya. Mullukwaaka aneerokaakhullella wi kihakallalle, vawoonani adanaaka egonjille.

1 Samuele 14:23

Nave ekhotweeyo yaawaniwa ophiyera yaakhwaranya muzinda wa Betaveni. Mmu sika Apwiya yaavulluselliiwa Aisraele nllapo nenno.

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Masalimo 91:8

Oneerekoweha ni miitthwaawo, oneerewoona mmo enaallakelliiwa athu oonanara.

2 Epilli 32:22

Apwiya yaamuvullusa Hezekiya ni athu yakhalla mu Yerusalemu m'mattani mwa adaniiwa attheene nave ahaavaha murendelle orive weko.

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

1 Samuele 11:13

Koma Saulo aallota wi, “Khaavo ollellova muthu anaawiiphiwe vawi ollello Apwiya aaphara mutteko wowaavullusa Aisraele.”

Yesaya 63:8

Apwiya enallota wi, “Alliwa tti athwaaka, anaaka ayo ehinaakoottotthe,” sika yahaavullusa.

Yesaya 63:11

Vano athu yahuupuwella dda enthawi yakhalle, mallapo a Mose oorumeyellaaye nave yaakoha wi, “Ethiyo eri wuuwi Apwiya ayo yaavullusalle athwiiwa ni oohoollella a mullokwiiwa va enyanja? Ethiyo eri wuuwi Apwiya ayo yahiyalle mwa athwiiwa munepiiwa waweella?

Oweeruza 10:11

Apwiya yahaakoha Aisraele wi, “Ethiyo ngaawuuvullusalleni wa Aiguputo, Aamori, Aamoni ni Afilisti?

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.