Eksodo 14:29 - Mawu a Mulluku

²⁹ Koma Aisraele attheenaalle yaallapuwa enyanjeeyo vawumma, maaddi yiimenlle wonanko esiri onnattanatta ni wuunyotthoni.

Eksodo 14:29 ပူးပေါင်းရင်းမြစ်များ

Eksodo 14:22

nave yaari wonanko esiri onnattanatta ni wuunyotthoni, mwawi Aisraele yaallapuwa vawumma.

Yesaya 51:13

Ethiyo nyu ttaani wi mwaatiwalleke Apwiya, Oophatusaanyu ayo yaanddellellille ddooddullu, yakeraatthihalle matthipello a ellapo yavatthi? Ethiyo nyuwaano ttaani wi enthawi ddittheddene mooveke owalli wa athu awuuhoosani, ayo yoopaalliiwa tti owoonongani? Ethiyo vano owalli wa athu awuuhoosanaayo ori wuuwi?

Yesaya 51:10

Ethiyo khe nyuwaano mummihalle Enyanja Yuullupalli, maaddi oowallamellesesa. Ethiyo khe nyuwaano mwapangille ettilla vamaaddini, wi alle mwaavullusalleenyu ellapuwe vawumma?

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.

1 Akorinto 10:1

Asinnaka ni arokoraka, kinapaalla wi muupuwelle ddaweereyelle makhollwaahu. Attheene yaari m'muuthuuchini wa murapo nave attheene yaallapuwa Enyanja Yoofiira.

Eksodo 15:8

Mwaaviddeellelleenyu maaddaalle, yahuukellana vanipuroni nimodda, maaddi oothamaka yahiimella wonanko esiri, embali yoowallamella ya enyanja yaari yoollipa.

Eksodo 15:19

Mvo akavalo a Farao ni magareta ni oowella va akavalo yavollowilliiwa mu enyanja, Apwiya yahaahokollosella maaddaayo nave yaaweeriha attheenaayo wi epwine. Koma Aisraele yaheeta vawumma muwari mwa enyanjeeyo.

Yesaya 11:15

Nave Apwiya eneerowelleelliha tondoro nikuttha na enyanja ya o Iguputo. Eneerottaphurusa nnatta niwa nave eneerewoopiha ephevo yooviha va muhinje wa Yufurate. Sika muhinjooyo oneerokawaneya mu asimihinje mitthanu ni miilli wi athu ellapuwe vawumma.

2 Mamwene 2:8

Vano Eliya aakusa mukanjwaaye awupinda aawashullana maaddi. Vaavo maaddaayo yaakawaneya, nngu ni nngu, ophiyera anamallotella eellaayo yaallapuwa vawumma.

Nehemiya 9:11

Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.

Masalimo 78:13

Aayiikawa enyanja wi alliwa evirevo, ahiimesa maaddi wonanko esiri.

Masalimo 106:9

Aayihumullulla Enyanja Yoofiira yumma, ahaahoollella mu enyanja yoowallamella, yeeta vawumma wonanko mu echipululu.

Masalimo 136:13

Yaakawa variyari Enyanja Yoofiira, echikondiiwa yoohisintheya tti ya enthawi yoohimalla.