Eksodo 14:22 - Mawu a Mulluku

²² nave yaari wonanko esiri onnattanatta ni wuunyotthoni, mwawi Aisraele yaallapuwa vawumma.

Eksodo 14:22 ပူးပေါင်းရင်းမြစ်များ

Aheberi 11:29

Ekaamba ya echikhulupililo, Aisraele yaallapuwa vatthi vawumma mu enyanja yoofiira. Koma a Aiguputo voopaallani waattakiha Aisraelaalle, yaavuhellelliwa ni maaddi.

Masalimo 66:6

Aatthattusa enyanja wi ekhalle yawumma navettho Athu yaallapuwa muhinje yeetaka vatthi, sika ekaambiiwa nahakallanlleehuna olliye.

Masalimo 78:13

Aayiikawa enyanja wi alliwa evirevo, ahiimesa maaddi wonanko esiri.

Eksodo 15:19

Mvo akavalo a Farao ni magareta ni oowella va akavalo yavollowilliiwa mu enyanja, Apwiya yahaahokollosella maaddaayo nave yaaweeriha attheenaayo wi epwine. Koma Aisraele yaheeta vawumma muwari mwa enyanjeeyo.

Eksodo 14:29

Koma Aisraele attheenaalle yaallapuwa enyanjeeyo vawumma, maaddi yiimenlle wonanko esiri onnattanatta ni wuunyotthoni.

1 Akorinto 10:1

Asinnaka ni arokoraka, kinapaalla wi muupuwelle ddaweereyelle makhollwaahu. Attheene yaari m'muuthuuchini wa murapo nave attheene yaallapuwa Enyanja Yoofiira.

Yesaya 63:13

Ethiyo ttaani aweetihalle va enyanja yoowelleella nave wonanko kavalo aweeta muchipululuni oohikwakwatuwa?

Nehemiya 9:11

Mwaayikawa enyanjeeyo variyari alliwaayo yoonaka wi ellapuwe vawumma nave mwahaavokhella m'maaddini oowallamella ayo yaathwara nave yaapwina wonanko nlluku.

Eksodo 15:8

Mwaaviddeellelleenyu maaddaalle, yahuukellana vanipuroni nimodda, maaddi oothamaka yahiimella wonanko esiri, embali yoowallamella ya enyanja yaari yoollipa.

Numeri 33:8

Etimullalle o Pihahiroti yaallapuwa variyaririyari va enyanja, evollowa mu echipululu. Vano yaheeta olendo wa mallapo mararu mu echipululu ya Etamu, yatthipella misasa ddiwa o Mara.

Zekariya 2:5

Mi Apwiya kinallota wi, “Kineerokhalla mpanda wamunllo waapheella muzindooyo nave kinaakhalle mwemmo ni ntitimiho naka nittheene.”

Yoswa 3:17

Enthawi ettheeneeyo allupa mukutho ootukhulla nibokosi na echipangano na Apwiyanne yaari yiimenlle vawumma variyaririyari va muhinje wa Yordanoolle ophiyera athu attheene ellapuwalle.

Yoswa 4:22

Nyuwaano mwaalleelleke wi, ‘Aisraele yaallapuwa muhinje wa Yordanoolla ori wawumma.’

1 Samuele 25:16

Yaananiteteza otthaana ni mahiiyu wonanko mpanda enthawi ettheene naariihu ni alliwaayo woochiha eziweto o Rama.

2 Mamwene 2:8

Vano Eliya aakusa mukanjwaaye awupinda aawashullana maaddi. Vaavo maaddaayo yaakawaneya, nngu ni nngu, ophiyera anamallotella eellaayo yaallapuwa vawumma.

Masalimo 74:15

Mwahaatuulla aneetuutu ni mihinje, mwahummiha mihinje dduullupalli.

Masalimo 136:14

Yahaallapusa Aisraele oweella vaavo, echikondiiwa yoohisintheya tti ya enthawi yoohimalla.

Yesaya 43:16

Khalle Apwiya yaapanga musewu va enyanja, ettilla variyari va maaddi amasiva.

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.

2 Mamwene 2:14

Aakusa mukanjo wa Eliya awashullana maaddi, allota wi, “Eri wuuwi Apwiya, Mulluku a Eliya?” Awashullalle maaddaayo, yaakawaneya nngu ni nngu nave Elisha aallapuwa.

Masalimo 106:9

Aayihumullulla Enyanja Yoofiira yumma, ahaahoollella mu enyanja yoowallamella, yeeta vawumma wonanko mu echipululu.

Masalimo 136:13

Yaakawa variyari Enyanja Yoofiira, echikondiiwa yoohisintheya tti ya enthawi yoohimalla.

Yesaya 11:15

Nave Apwiya eneerowelleelliha tondoro nikuttha na enyanja ya o Iguputo. Eneerottaphurusa nnatta niwa nave eneerewoopiha ephevo yooviha va muhinje wa Yufurate. Sika muhinjooyo oneerokawaneya mu asimihinje mitthanu ni miilli wi athu ellapuwe vawumma.

Yesaya 11:16

Nave vineerokhalla musewu muullupalli wawi oohalla o Asiriya yeetemo wonanko Aisraele yavenyeriiwa o Iguputo.

Yesaya 51:10

Ethiyo khe nyuwaano mummihalle Enyanja Yuullupalli, maaddi oowallamellesesa. Ethiyo khe nyuwaano mwapangille ettilla vamaaddini, wi alle mwaavullusalleenyu ellapuwe vawumma?