Eksodo 14:17 - Mawu a Mulluku

¹⁷ Kineerewummiha murima Aiguputwaayo, sika wi eneerewaathwara Aisraele. Nave vaweerani ddiiddo kineeromugonjiha Farao ni akhotwaaye, magaretaaye ni oowella va akavalo wi kititimihiwe.

Eksodo 14:17 ပူးပေါင်းရင်းမြစ်များ

Eksodo 14:8

Apwiya yaamummiha murima Farao, mwene a o Iguputo nave olliye ahaathwara Aisraele ayo yavenyillewo mookotella.

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Ezekiele 34:20

“Vano mi Apwiya Mulluku kinuulleellani wi miyaano mwaneenaaka kineereweeruza variyari va enkhosa ddooneneva ni ddimodda ddawoonda.

Ezekiele 34:11

Mi Apwiya Mulluku kinallota wi, “Vano enkhosa ddakannddo kineeroddaashaasha mwaneenaaka nave kineeroddipwatha.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Ezekiele 6:3

‘Nyu miyaango dda o Israele, iwani mawu a mi Apwiya Mulluku. Kinuulleellani nyuwaano miyaango ni asimiyaango, mihinje ni matapo wi kineerorumiha ekhoto nave kineerewoononga mapurwaanyu oollapellamo mafano.

Ezekiele 5:8

Ella sika ekaambiiwa mi Apwiya Mulluku kinuuvaanyiheemini. Kineerewuullakani athu a mitundu ddimodda yoonaka.

Yesaya 51:12

Apwiya enallota wi, miyaano meekhaaka sika kinuukhurumusani murima. Ethiyo nyu ttaani wi mumooveke muthu oyo anaakhwe, mwaana a muthu ookhalla enthawi yooyeva wonanko manasi?

Yesaya 48:15

Miyaano sika kallotille ni omwiithana, kimuwiillena tti miyaano, ddittheddene ddineeromweetella phaama.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Yeremiya 23:39

Sika mi mwaneenaaka kineerewuutukhullani wonanko katundu oollemella ni wuutathillellani woorekama. Kineerewuuvenyihanivo vamiitthoni vaka nyuwaano ni muzinda oyo kuuvahilleemini nyuwaano ni makhollwaanyu.

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Eksodo 7:3

Komathi kineeromummiha murima nave naari keereve ddoottikhiniha ni ezizindikiro ddinchichi o Iguputo,

Eksodo 4:23

Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”

Genesis 9:9

“Vano kinakeraatthiha echipangano ni nyuwaano ni edduullu ddanyu,

Genesis 6:17

Kineeromurupiha murimu a echigumula va ellapo yavatthi wi oononge erive ello yookumi. Ddeko ddittheddene dda va ellapo yavatthi ddineerokhwa,

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

Eksodo 14:23

Aiguputwaalle yahaathwara Aisraelaayo ophiyera ovollowana mu enyanja mulle. Akavalo attheene a Farao yaavollowa mu enyanja ni magaretaaye ni oowella va akavalo.

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

1 Samuele 6:6

Muhinakhalla awumma murima wonanko Aiguputo ni mweniiwa Farao. Ethiyo Aiguputwaayo Apwiya yaallakille kheyaawaakhullelle Aisraele wi eroweke nave kheyaarowille?

Genesis 50:9

Akhoto oowella va magareta ni va akavalo alliwattho yaamuvelleella, sika waari mulloko munchichi wa athu.

Eksodo 4:21

Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo.

Oweeruza 4:7

Kineeromweeriha Sisera, oohoollella a akhoto a Yabini wi akumane ni nyuwaano omuhinjeni wa Kishoni, aakusalle magaretaaye ni akhotwaaye. Nave kineeromuvelleella m'mattani mwanyu.’ ”

Ezekiele 28:22

Mi Apwiya Mulluku kinallota wi, ‘We Sidon kiri mudanaawo nave athu yoona nnddo kinaaweerelleemi, eneerokititimiha. Eneerodduwella wi mi tti Apwiya kuullaka ni wooniha variyari vanyu wi mi tti aweella.