Eksodo 14:13 - Mawu a Mulluku

¹³ Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Eksodo 14:13 ပူးပေါင်းရင်းမြစ်များ

2 Epilli 20:17

Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

2 Epilli 20:15

Olliye aallota wi, “Ngiiwani, nyu Ayuda attheene ni athu a mu Yerusalemu ni nyuttho mwene Yehoshafati, Apwiya enallota ni nyu wi, ‘Muhoove nave muhitathille murima ni waata wa athu vawi ekhotweella khe yaanyu koma ya Mulluku.

Eksodo 14:30

Sika va nllapo nenno Apwiya yahaavullusa Aisraele m'mattani mwa Aiguputo. Aisraele yahoona mitembo dda Aiguputwaayo ddikakhelliwaka mukhwipi mwa enyanja.

2 Mamwene 6:16

Elisha aallota wi, “Ohoove vawi ookhalla vamodda ni hiyaano tti anchichi okhwaranya mmo ekhallelle alliwa.”

Yesaya 35:4

Mwaalleelle a murima wawoova wi, “Llipani murima, muhoove! Ngoonani, Mullukwaanyu animawa wi aahokolloselle ni waallaka adanaanyu, animawa wi uuvulluseni.”

Maliro 3:26

Tti waphaama waatiyerella Apwiya moovillella wi yoonihe ovullusa wiwa.

Hoseya 13:4

Apwiya enallota wi, ‘Miyaano kookhalla Apwiya Mullukwaanyu ovenyera enthawi elle kuukhumihalleemini mu ellapo ya Iguputo nave khemwaaphwanenlle omudduwella mulluku mmodda koma meeneve nave oovullusaanyu tti meeneve.

Habakuku 3:13

Mwaaya wi mwaavulluse athwaanyu, wi mwamoopolle mwenaanyu oozoziwa.* Mwaamoononga oohoollella a athu oonanara ni waatthollosa athwaaye attheene.

Yesaya 43:11

Miyaano sika Apwiyave, Oovullusaanyu tti meekhave.

Deuteronomo 20:3

‘Ngiiwani nyu Aisraele! Ollello munaya mwawane ni adanaanyu. Muhitathille murima nave muhiwoove apaalle waatthukumellella.

Numeri 14:9

Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Genesis 49:18

“Kinatiyerella ovullusa wa Apwiya.”

Yeremiya 3:23

Khenaaphunrevo ello voollapellani va asimiyaango, vaweerani mutetho omiyaangoni khonna mutteko. Ddawoona, Apwiya Mullukwaahu sika ovullusa wa Aisraele.

Nehemiya 9:9

Mwahoona ohoosiwa wa makhollwaahu o Iguputo, mwahiiwa winlla wiwa va Enyanja Yoofiira.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Masalimo 3:8

Opambana wahu onavenyera wa nyuwaano, Apwiya. Madaliswaanyu ekhalle va athwaanyu.

Yesaya 26:3

Nyu Apwiya, munnavaha murendelle wawoona wa ookeraattheya murima ni awuuroromellani.

Mateyu 28:5

Mungeloolle aallota ni atthiyanaalle wi, “Muhoove vawi kinnadduwella wi munamwaasha Yesu oyo aatthomeyiwe vamutandani.

Yesaya 30:15

Sika Apwiya Mulluku, Aweella a Israele yaallota wi, “Orukunuwa murima ni ohokollowa ddinaakhalle ovullusa wanyu. Okhurumuwa murima ni ororomelleya sika ddinaakhalle masivaanyu.” Koma mwaakhoota weera ddennddo.

1 Epilli 11:14

koma Eleazara ahiimella muwariwari mwa emata aayiteteza nave aawiipha Afilistaayo. Sika Apwiya yahaavullusa ni waapambaniha wuullupalli.

Habakuku 3:8

Nyu Apwiya, ethiyo ddaari mihinje dduushihalleni murima apaalle enyanja yaweerihalleni onanariwa? Mwaawella va akavalwaanyu, va magaretaanyu oovullusa.

Hoseya 13:9

Kineerowoonongani Aisraele. Ethiyo ttaani anaawukavihereni?’

Genesis 46:3

Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

Eksodo 20:20

Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.”

1 Samuele 11:13

Koma Saulo aallota wi, “Khaavo ollellova muthu anaawiiphiwe vawi ollello Apwiya aaphara mutteko wowaavullusa Aisraele.”

1 Samuele 12:16

Vano mwiimelle vaavo moone ello yuullupalli eyo Apwiya enapaalliiwa weera.

Yesaya 7:4

Wamulleelle wi achenjere, akhurumuwe, ahoove nave murimaaye ohifooke ekaamba ya owalli wa osha murima wa Rezini ni ellapwaaye ya Siriya ni wa Peka mwaana a Remaliya. Alliwa tti wonanko mwiisi woothuwa shisha.

Genesis 26:24

Mahiiyu Apwiya yaamooneyella nave yaamulleella wi, “Mi tti Mulluku a attiittho Abrahamu. Ohoove vawi miyaano kiri ni weyaano. Kineerewuudalisa nave kineerewuuvaha edduullu ddinchichi ekaamba ya oorumeyellaaka Abrahamu.”

Masalimo 68:21

Koma Mulluku aneeropwesa miru dda adanaaye, miru dda athu attheene aweeta mu machimwiiwa.

Masalimo 78:53

Ahaahoollella phaama wawi kheyoova, enyanja yahaamirya adaniiwa.

Masalimo 91:8

Oneerekoweha ni miitthwaawo, oneerewoona mmo enaallakelliiwa athu oonanara.

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.