Eksodo 13:7 - Mawu a Mulluku

⁷ Mumucheke buledi oohikhalla ni yisiti wa mallapo matthanu ni meelli. Vihikhalle buledi ookhalla ni yisiti apaalle yisiti mu echigawaanyu ettheeneeyo.

Eksodo 13:7 ပူးပေါင်းရင်းမြစ်များ

Eksodo 12:19

Va mallapo matthanu ni meelli mattheenaayo, mpa mwanyu muhiphwanyeyekettho yisiti kaambiiwa arive muthu oyo anaache yoocha yookhalla ni yisiti, aneerovenyihiwa variyari va Aisraele, mulleto apaalle Muisraele.

Mateyu 16:6

Yesu aallota wa alliwaayo wi, “Muchenjere ni owehera dda yisiti a Afarisi ni Asaduki.”

1 Akorinto 5:8

Hankoni vano nihakallalle ni Paskaahu oohikhalla ni yisiti akhalle, yisiti a ddoonanara nave a machimo koma ni buledi oohikhalla ni yisiti, buledi a yaweella ni a yawoona.

Eksodo 12:15

Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Deuteronomo 16:4

Va mallapo matthanu ni meelli arive muthu ahiphwanyeyeke ni yisiti mpa mwaye mu ellapwaanyu. Enama eyo muyivelleelleenyu mukutho misikuwa a nllapo nawaamba muyicheke mahiiyu yaayo muhiyisungeke ophiyera ohinase.

Yoswa 5:11

Osaka wene emanlle Ehakallallo ya Paska yaacha yoocha ya mwiillaponimmo, buledi oohikhalla ni yisiti ni tirigu awaarika nllapo nenno.