Eksodo 13:3 - Mawu a Mulluku

³ Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 13:3 ပူးပေါင်းရင်းမြစ်များ

Deuteronomo 24:18

Muupuwelleke wi mwaari akaporo mu Iguputo nave wi Apwiya Mullukwaanyu yaawoopollani wenko sika kinnuulamulani wi mweereke ddenndda.

Deuteronomo 5:15

Nave wuupuwelleke wi waari kaporo o Iguputo ni wi Apwiya Mullukwaawo yahuukhumihawo ni muwono wa masiva muullupalli. Ella sika ekaambiiwa Apwiya Mullukwaawo yuulamulelliiwa wi osungeke nllapo na Sabata.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Deuteronomo 16:12

Muupuwelleke wi mwaari akaporo o Iguputo, sika mooneseseke wi muwiiwellelleke malamulwaalla.”

Deuteronomo 5:6

Mi tti Apwiya Mullukwaawo oyo kuukhumihalle mu okaporo o Iguputo.

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Deuteronomo 6:12

muhiwe mwaatiwalla Apwiya ayo yuukhumihalleni o Iguputo, o okaporo.

Deuteronomo 16:3

Enama yamukuthweeyo muhicheke nimodda ni buledi ookhalla ni yisiti. Mallapo matthanu ni meelli mumucheke buledi oohikhalla ni yisiti wonanko mwakhumalle o Iguputo mwawaakuva. Mumuche buledoolla, buledi a ddoohoosa wi mallapo mattheene a okumaanyu muupuwelleke nllapo nno mwakhumalleenyu o Iguputo.

Deuteronomo 8:14

muhiitukhulleke ni waatiwalla Apwiya Mullukwaanyu ayo yuukhumihalleni wuukaporoni o Iguputo.

Eksodo 13:14

Muhoollo, aniinyu yuukohani wi, ‘Ethiyo ddenndda ddinattaphullella tini?’ Vano nyuwaano muwaakhulle wi, ‘Apwiya yaanikhumiha o Iguputo, mu ellapo ya okaporo ni nnatta niwa namasiva.

Yoswa 24:17

Apwiya Mullukwaahu sika ayo yaakhumihalle makhollwaahu ni hiyaanweene mu okaporo, ellapo ya Iguputo. Navettho nahoona ni miitthwaahu ddoottikhiniha nnddo yaneerelliiwa. Yaanisunga mu ettilla ddittheddene neeteehumo nave variyari va athu attheene navireehu variyari viwa.

Deuteronomo 13:10

Mumwiiphe ni malluku ekaamba yawi olliye apaalla wuuhollosani wi muhiyane ni Apwiya Mullukwaanyu ayo yuukhumihalleni o Iguputo ni owoopollani o ellapo ya okaporo.

Deuteronomo 24:22

Muupuwelleke wi mwaari akaporo mu Iguputo nave wi Apwiya Mullukwaanyu yaawoopollani wenko sika kinnuulamulani wi mweereke ddenndda.”

Eksodo 12:42

Mahiiyu mattheene Apwiya kheyaakonille, waakhumiha Aisraelaayo mu ellapo ya Iguputo. Sika mahiiyu yaalla mibado ddittheddene dda Aisraele ddihikoneke, ddeereke mutetho yoolla mowaatitimiha Apwiya.

Deuteronomo 13:5

Koma mumwiipheke arive namallotella apaalle arive oottaphullella olloha oyo anuulleellani wi mwaawukile ni oweerihani wi muhiye ettilla dda Apwiya Mullukwaanyu ayo yuukhumihalleni o Iguputo ni owoopollani o ellapo ya okaporo. Sika muvenyihekevo yoonanara variyari vanyu.

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Eksodo 23:15

Okhalleke ni nllapo na Ehakallallo ya Buledi Oohikhalla ni Yisiti. Wonanko mmo kuulamulelleemi, omucheke buledi oohikhalla ni yisiti mallapo matthanu ni meelli mu mweeri wa Abibu, ekaamba yawi mweeri yooyo waavenyawo o Iguputo. Arive muthu ahiphiyeke vakhuviru ni miyaano ari mattave.

Eksodo 20:8

“Osungeke nllapo na Sabata wi nikhalle noopatuleya.

Eksodo 12:19

Va mallapo matthanu ni meelli mattheenaayo, mpa mwanyu muhiphwanyeyekettho yisiti kaambiiwa arive muthu oyo anaache yoocha yookhalla ni yisiti, aneerovenyihiwa variyari va Aisraele, mulleto apaalle Muisraele.

Eksodo 12:8

Eyoose enameeyo mahiiyu vaavo nave eyiche ni buledi oohikhalla ni yisiti ni matthaapa amakukhu oowaawa.

Eksodo 6:1

Koma Apwiya yaamulleella Mosooyo wi, “Vano oneerewoona nnddo kinaamweerelleemi Farao. Kineeromuwatihera ni nnatta naka namasiva wi aakhumihe athwaaka. Navettho aneerowiikariha mwiillaponi mwaye.”

Eksodo 3:20

Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.

Eksodo 12:15

Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Masalimo 105:5

Muupuwelleke mitteko ddoottikhiniha ni ezizindikiro ddiwa, mmo yaweeruzelliiwa athu,

Aefeso 1:19

nave opambana wa wunnuwa wa masivaaye onaphara mutteko mwa hiyaano oomukhulupilila. Masiva yaalla enaphwanaphwana ni masiva muullupallaalle

1 Akorinto 11:24

yaavekella emuthokoza Mulluku, emumeyameya nave ellota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

1 Akorinto 5:8

Hankoni vano nihakallalle ni Paskaahu oohikhalla ni yisiti akhalle, yisiti a ddoonanara nave a machimo koma ni buledi oohikhalla ni yisiti, buledi a yaweella ni a yawoona.

Luka 22:19

Vano Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye allota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

Nehemiya 9:10

Mwaheera ezizindikiro ni ddoottikhiniha ddoomuvaanyihana Farao, allupa muttekwaaye ni athu attheene a mwiillaponi mwaye vawi mwaadduwella mmo aahooselleeye makhollwaahu. Sika ekaambiiwa epillaanyu evuwalliiwa ophiyera ollello.

1 Epilli 16:12

Muupuwelleke mitteko ddoottikhiniha ni ezizindikiro ddiwa, mmo yaweeruzelliiwa athu,

Mateyu 10:12

Mwaavollowaka mpa mulloteke wi, ‘Murendelle okhalle ni nyuwaano.’

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Eksodo 7:4

Faraooyo khawiiwellellani. Vano kineeromullaka Iguputo vaweerani mitteko dda masiva nave kineerewaahoollella malloko a athwaaka, Aisraele, waakhumiha o Iguputo.

Eksodo 12:17

Ehakallallo ya Buledi Oohikhalla ni Yisiti yeella muyisungeke kaambiiwa nllapo nenna tti nawuupuwella okhumihiwa wa malloko mattheene ovenyera mu ellapo ya Iguputo. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Deuteronomo 7:8

Koma tti ekaamba yawi Apwiya yahuukondani nave ennasunga lonjezo yallupenlliiwa ni makhollwaanyu. Sika yaawoopollani ni masiviiwa muullupalli vawuukhumihani mu okaporo wa Farao, mwene a o Iguputo.

1 Mamwene 8:42

Ddawoona athu eneerewiiwa dda nnddina nanyu noovuwa navettho nnatta nanyu namasiva ni naweera dduullupalli yawa ovekella mu enyumbeella,

Masalimo 114:1

Israele akhumalleeye o Iguputo, nibanja na Yakobo o mutundu wa athu a ellotello yeelleto,

Masalimo 136:11

Yahaakhumiha Aisraele variyari viwa, echikondiiwa yoohisintheya tti ya enthawi yoohimalla.

Genesis 15:16

Viviralle mibado sese edduullu ddawonnddo ddineerohokollowattho ekaamba yawi ngiwiikariha a Aamori ophiyera onanara wiwa ophiyalle variyari wi ellakiwe.”

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Eksodo 12:2

“Mweeri yoolla onaakhalle mweeraanyu wawaambella muyakha.

Eksodo 12:41

Va nllapo nenno mvo miyakha 430 ddamalliiwa, malloko mattheene a athu a Apwiya yaavenyawo o Iguputo.

Eksodo 34:18

“Mukhalleke ni Ehakallallo ya Buledi oohikhalla ni yisiti moollikana ni mmo kuulamulelleemini. Mumucheke buledi oohikhalla ni yisiti wa mallapo matthanu ni meelli mu mweeri wa Abibu kaambiiwa tti mweeri oyo mwakhumalleenyu o Iguputo.

Deuteronomo 6:21

Vano nyuwaano mwaalleelleke wi, ‘Hiyaano naari akaporo a Farao o Iguputo koma Apwiya yaanivullusa ni muwonwiiwa wamasiviiwa muullupalli.

Deuteronomo 9:12

“Sika Apwiya yaakilleella wi, ‘Akuva, kittha mwaango vawi athwaawo waakhumihalleewe o Iguputwaalle aachimwa. Aahiya mwawaakuva ddittheddene kaalamulelleemi wi eddeereke. Aaddoopella weekhiiwa nifano.’

Deuteronomo 13:6

Muthu ttuuwora wuullekani mwawiipittha wi mullapelle milluku ddimodda nnddo nyuwaano ni makhollwaanyu muhinaddillapellekeenyu. Naari muthooyo ari mbalaanyu awaamwana nipelle nimodda apaalle mwaninyu aamullopwana apaalle aamutthiyana apaalle mwaarinyu a vamurimani apaalle mukhwiinyu a vamurimani, muhillapelle millukunnddo naari vang'ono.

Deuteronomo 13:11

Sika Aisraele attheene yiiwa ddeereyillennddo eneerewoova nave khaavo oyo anaakullelle weera yoonanara wonanko yeella variyari vanyu.

Deuteronomo 16:1

“Mwaatitimiheke Apwiya Mullukwaanyu vaweerani Ehakallallo ya Paska mu mweeri wa Abibu. Kaambiiwa mahiiyu mamodda a mweeri yoolla Apwiya yahuukhumihani o Iguputo.

Deuteronomo 26:8

Mwa masiviiwa muullupalli navettho mwa ekophollo ddiwa, Apwiya yaanikhumiha. Yaheera ddoottikhiniha, millilli ni ezizindikiro ddawoopiha.

Oweeruza 2:12

Alliwaayo yahaahiya Apwiya Mulluku a makhollwiiwa ayo yaakhumihalle mu ellapo ya Aiguputo. Yaathwara milluku ddimodda dda athu oowaapheella nave yaanaddillapella. Nave yahaashiha murima Apwiya.

Oweeruza 6:8

Apwiyaayo yahaarumihella namallotella aalleella wi, “Apwiya Mulluku Aisraele, aallota wi, ‘Tti meene kuuhoollelleni ovenyera o Iguputo wuukhumihani mu ellapo yookaporo.

Nehemiya 1:10

Alliwa tti oorumeyellaanyu nave tti athwaanyu ayo mwawooponlleenyu ni masivaanyu muullupalli ni nnatta nanyu neekophollo.

Masalimo 89:14

Eechilungamo ni echiweruzo sika ddikeraatthihalle omweniiwa. Echikondaanyu yoohisintheya ni ororomelleya wanyu, ddinnahoolla vamiitthoni vanyu.

Masalimo 136:12

Yahaakhumiha ni nnattanatta ni muwono woottaphurusa, echikondiiwa yoohisintheya tti ya enthawi yoohimalla.

Yeremiya 34:13

allalleye wa athu mawu a Apwiya awi, “Kaakeraatthiha echipangano ni makhollwaanyu va nllapo nne kaakhumihalleemi o ellapo ya Iguputo o enyumba yookaporo.

Daniele 9:15

“Nyu Apwiya Mullukwaahu, mwahaakhumiha athwaanyu o Iguputo ni nnatta nanyu namasiva nave nnddina nanyu tti noovuwa ophiyera ollello. Koma hiyaano noochimwa, noheera ddoonanara.