Eksodo 12:43 - Mawu a Mulluku

⁴³ Vano Apwiya yaamulleella Mose ni Aroni wi, “Malamulo a Paska tti awi, arive muthu oyo ahiri Muisraele ahiche.

Eksodo 12:43 ပူးပေါင်းရင်းမြစ်များ

Eksodo 12:48

Mulleto akhalla variyari vanyu, aapaallaka wi eerena Ehakallallo ya Paska a Apwiya, mwaambeke waaphadda allopwana attheene a munibanjanimmo. Vatulli viwa ttuuwora ovollowa ni weerana ehakallallweeyo. Olliyooyo mumweeseke Muisraele mukhwaanyu. Koma oohiphaddiwa ahiche.

Numeri 9:14

“Mulleto akhalla variyari vanyu nave anapaalla ochana Ehakallallo ya Paska a Apwiya, olliye eere ehakallallweeyo moollikana ni malamulwiiwa ni malangizwiiwa. Khaya tti mulleto apaalle neetthi, arive muthu akhalle ni lamulo nimodda.”

Eksodo 12:11

Ocha wene mucheke muwarille mookhozekella olendo, esapato ddanyu ddiri omanyalloni, ekopo ddiri m'mattani. Mucheke mwawaakuviha. Nenna sika nllapo na Paska ookititimihana miyaano, Apwiya.

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Levitiko 22:10

“Muthu shisha ahiche ddeko ddoopatuleya. Mulleto a mullupa mukutho apaalle mullupa muttekwaaye ahichenattho ddeko ddoopatuleya.

1 Samuele 2:27

Nllapo nimodda namallotella aawa wa Eli amulleella wi, “Apwiya enallota wi, ‘Ngaawiidduwellihalle meekhaami wa nibanja na nikhollo nanyu Aroni valle yaariiwa akaporo a mwene Farao a o Iguputo?

2 Epilli 30:18

Sika athu awaata ayo anchichi yavenyenre o Efuremu, Manase, Isakara ni Zebuloni yaari ooheellihiwa komave yaachana Paska moohipwatha malamulo. Koma Hezekiya aavekella wi, “Nyu Apwiya aphaama, mumukhululukelle arive muthu

Ezekiele 44:7

Mwahaavollochiha mu nipuro naka naweella alleto oohiphaddiwa m'murimani ni m'mwiillini mwene. Athwaayo yaaripiha enyumbaaka nyuwaano mwakivaheenyu yoocha, makhura ni nikhame. Vaweerani ddoonanara ddenndda mwaatathilla.

Levitiko 22:13

Koma mwaana aamutthiyanooyo mamune akhwa apaalle ahiyiwa ni mamune nave aahikhalla ni mwaana ahokollweella owaniwa wonanko mmo aariiye namwalli ttuuchana yoocha yaattiitthinnya. Koma muthu shisha ahichena.