Eksodo 12:41 - Mawu a Mulluku

⁴¹ Va nllapo nenno mvo miyakha 430 ddamalliiwa, malloko mattheene a athu a Apwiya yaavenyawo o Iguputo.

Eksodo 12:41 ပူးပေါင်းရင်းမြစ်များ

Mitteko 1:7

Yesu aallota wi, “Khonaphwanella wi nyuwaano mudduwelle dda enthawi ni mallapo ayo Attiitthaaka ekeraatthihalliiwa mwa olamulellwiiwa wi nndda ddeereye.

Yohane 7:8

Nyuwaano yaaniwoni o ehakallallo. Koma miyaano ngiyaawo kaambiiwa enthawaaka khenaphiye.”

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Masalimo 102:13

Muneerovenya ni omumorella ethakaraka Ziyoni vawi enthawi yoomweerella echifundo yoophiya.

Yoswa 5:14

Muthoolle ahaakhulla wi, “Mi tti oohoollella a mulloko wa akhoto wa Apwiya wuno.” Sika Yoswa ahiimoriha moopopheya vatthi ekhove allota wi, “Apwiya miyaano kiri oorumeyellaanyu. Vano munapaalla keere tini?”

Eksodo 12:51

Sika nllapo nno Apwiya yaakhumihalliiwa Aisraele o Iguputo m'millokoni mwiwa.

Eksodo 12:17

Ehakallallo ya Buledi Oohikhalla ni Yisiti yeella muyisungeke kaambiiwa nllapo nenna tti nawuupuwella okhumihiwa wa malloko mattheene ovenyera mu ellapo ya Iguputo. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.

Eksodo 7:4

Faraooyo khawiiwellellani. Vano kineeromullaka Iguputo vaweerani mitteko dda masiva nave kineerewaahoollella malloko a athwaaka, Aisraele, waakhumiha o Iguputo.

Eksodo 3:10

Sika kinuuruma weyaano wa Farao wi waakhumihe athwaaka, Aisraele, o Iguputo.”

Mitteko 7:36

Ahaahoollella athu okhuma mu Iguputo vaweerani ezizindikiro ni ddoottikhiniha mu Iguputo navettho va Enyanja Yoofiira nave muchipululuni wa miyakha 40.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 6:6

Sika weyaano waalleelle Aisraele mawaaka awi, ‘Mi tti Apwiya. Nave kineerewuukhumihani mu okaporo m'mattani mwa Aiguputo nave kineerewuuvullusani o mutteko wa kalavulagaga. Nave kineerowoopollani ni nnatta naka namasiva ni ollaka wawoopiha.

Genesis 50:24

Nave ahaalleella asinne wi, “Onnoonathi wi kiri vakhuviru okhwa koma Mulluku aneerokhalla ni weyaano nave aneerewuuhokollosella o ellapo allupenlleeye wa makhollwaanyu Abrahamu, Isaki ni Yakobo.”

Eksodo 6:26

Mose ni Aroni tti alle Apwiya yaalleelliiwa wi, “Akhumiheni Aisraele mu ellapo ya Iguputo, mallokomalloko.”

Eksodo 13:3

Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 13:9

Ehakallallo yeella enaakhalle wonanko echizindikiro yoomakiwa va nnatta nanyu apaalle yawuupusella yoomakiwa vayuuchini vanyu wi malamulo a Apwiya khewa evenyaka vayanoni vanyu kaambiiwa olliye ahuukhumihani o Iguputo ni nnatta naye namasiva.

Eksodo 13:14

Muhoollo, aniinyu yuukohani wi, ‘Ethiyo ddenndda ddinattaphullella tini?’ Vano nyuwaano muwaakhulle wi, ‘Apwiya yaanikhumiha o Iguputo, mu ellapo ya okaporo ni nnatta niwa namasiva.

Eksodo 13:16

Yeella enaakhalle yawuupusella, wonanko echizindikiro yoomakiwa va nnatta nanyu apaalle vayuuchini vanyu kaambiiwa Apwiya yaanikhumiha o Iguputo ni nnatta niwa namasiva.”

Levitiko 23:43

wi edduullu ddanyu ddidduwelle wi tti miyaano kaweerihalle Aisraele wi ekhalle m'misasani, kaakhumihalleemi mu ellapo ya Iguputo. Mi tti Apwiya Mullukwaanyu.”

Numeri 23:22

Mulluku ahaakhumiha mu Iguputo, tti amasiva wonanko enari.

Numeri 33:1

Aisraele yakhumalliiwa mu Iguputo m'millokoni dda mallokwiiwa, Mose ni Aroni yaahoollellaka,

Deuteronomo 4:37

Ekaamba yawi Apwiya yahaakonda makhollwaanyu yahuutthoollani nyuwaano, edduullu ddiwa, yuukhumihani weekhiiwa o Iguputo ni masiviiwa muullupalli.

Deuteronomo 16:1

“Mwaatitimiheke Apwiya Mullukwaanyu vaweerani Ehakallallo ya Paska mu mweeri wa Abibu. Kaambiiwa mahiiyu mamodda a mweeri yoolla Apwiya yahuukhumihani o Iguputo.

Yoswa 24:5

Vano kaamuruma Mose ni Aroni o Iguputonko nave kahaahoosa wunchichi athu a o Iguputwaayo nave kahuukhumihani.

1 Mamwene 6:1

Vimanlle miyakha 480 Aisraele ekhumalle o Iguputo, muyakha waneesese wa omwene wa Solomoni mu Israele va mweeri wa Zivi oyo ori mweeri waneepiilli Solomoni ahaamba omaka enyumba ya Apwiya.

2 Epilli 14:12

Vano Apwiya yahaagonjiha Akushi vamiitthoni va Asa ni va athu a o Yuda nave Akushaayo yaathawa.

Masalimo 114:1

Israele akhumalleeye o Iguputo, nibanja na Yakobo o mutundu wa athu a ellotello yeelleto,

Masalimo 136:11

Yahaakhumiha Aisraele variyari viwa, echikondiiwa yoohisintheya tti ya enthawi yoohimalla.