Eksodo 12:16 - Mawu a Mulluku

¹⁶ Va nllapo nawaamba ni va nllapo naneetthanu ni piillinno mweeriheke mutthukumano woopatuleya. Muhiphareke mutteko va mallapo yaayo koma muneerekokhoza yoochave yawi arive muthu acheke.

Eksodo 12:16 ပူးပေါင်းရင်းမြစ်များ

Numeri 28:18

Va nllapo nawaamba na ehakallallo mweere mutthukumano woopatuleya nave muhiphareke mutteko.

Numeri 28:25

Nllapo naneetthanu ni piilli tti nllapo na mutthukumano woopatuleya, muhiphare mutteko.

Eksodo 16:23

Vano Mose ahaalleella wi, “Apwiya aalamula wi, ‘Osiisello tti nllapo nawiithuuwa, na Sabata, noovelleelliwa wa Apwiya, apeyani nnddo munapaallaanyu waapeya nave arikani nnddo munapaallaanyu waarika. Ddoohallannddo muddisunge mvitthe ophiyera osiisello.’ ”

Numeri 29:12

“Va nllapo na 15 na mweeri waneetthanu ni piilli, mweere mutthukumano woopatuleya, muhiphareke mutteko nave mweereke ehakallallo yowaariiha Apwiya mallapo matthanu ni meelli.

Numeri 29:1

“Va nllapo nawaamba na mweeri waneetthanu ni piilli, mweereke mutthukumano woopatuleya nave muhiphareke mitteko. Nllapo nenna mwiipeke mapallapata.

Levitiko 23:35

Va nllapo nawaamba vikhalle mutthukumano woopatuleya nave muhiphare mutteko.

Levitiko 23:27

“Nllapo naneekhumi na mweeri waneetthanu ni piilli tti naweera mutetho woopepesella machimo. Nenna nikhalle nllapo naweera mutthukumano woopatuleya. Muhalle ocha nave muvelleelle mukutho wawoosiwa viikho wa Apwiya.

Levitiko 23:21

Vano va nllapo nenno muwiithane athu o mutthukumano woopatuleya nave muhinaphara mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Eksodo 20:10

Koma nllapo naneetthanu ni piilli tti na Apwiya Mullukwaawo, sika wi va nllapo nenna ohiphareke orive mutteko, weyaano, mwanawo aamullopwana, mwanawo aamutthiyana, mullupa muttekwaawo aamullopwana, mullupa muttekwaawo aamutthiyana, erive echiwetwaawo apaalle mulleto ookhalla ni weyaano.

Eksodo 16:29

Upuwellani wi miyaano, Apwiya, kohuuvahani nllapo na Sabata. Sika ekaamba ya yeella va nllapo naneetthanu ni nimodda kinnuuvahani yoocha yookwakhwanella mallapo meelli. Arive muthu akhalleke nko ariiye va nllapo naneetthanu ni piilli.”

Eksodo 16:5

Va nllapo naneetthanu ni nimodda, ewolleke nave ekhozeke yoocha yookwakhwanella mallapo meelli.”

Yohane 19:31

Vano attekweene a Ayuda* yaamuveka Pilato wi alamule wi yinttaka meto dda athwaalle yatthomeyiwe nave wi evenyihevo mitembo vamutandani. Yaaveka yeella kaambiiwa naari Nllapo nookhozekella Sabata nave khayaapanlle wi mitembonndde ddikhalle vamutandani va nllapo na Sabata kaambiiwa nllapo na Sabatanno naari naweella.

Eksodo 34:18

“Mukhalleke ni Ehakallallo ya Buledi oohikhalla ni yisiti moollikana ni mmo kuulamulelleemini. Mumucheke buledi oohikhalla ni yisiti wa mallapo matthanu ni meelli mu mweeri wa Abibu kaambiiwa tti mweeri oyo mwakhumalleenyu o Iguputo.

Deuteronomo 16:8

Mallapo matthanu ni nimodda mumucheke buledi oohikhalla ni yisiti va nllapo naneetthanu ni piilli, mweeriheke mutthukumano woopatuleya wa Apwiya Mullukwaanyu nave muhiphareke orive mutteko va nllapo nenna.”

Yesaya 1:13

Muhiweenattho mikutho ddoohikhalla ni mutteko vawi naari mwiisi wa lubani* onnakinanara. Ngivillellana mitthukumano ddanyu ddamavekello apaalle Ehakallallo dda Wooneya wa Mweeri ni dda mallapwaanyu a Sabata. Ngivillella ni mitthukumano ddoonanarihiwa ni machimo.

Numeri 28:26

“Va nllapo nawaamba na Ehakallallo ya Ddoohata Ddawaamba, Ehakallallo ya Milungu, muvelleelleke wa Apwiya mukutho wa tirigu musha, mweereke mutthukumano woopatuleya nave muhiphareke mutteko.