Eksodo 11:8 - Mawu a Mulluku

⁸ Vano enduna ddanyu ddittheddene ddineeroowa wa miyaano wi ddikikokhorelle nave ddineerollota wi, “Venyaniwoni wuno nyu ni athwaanyu attheene!” Sika vatulli viwa, kineerovenyawo.’ ” Nave Mose aavenyawo wa Farao wulle ashille murima wunchichi.

Eksodo 11:8 ပူးပေါင်းရင်းမြစ်များ

Daniele 3:19

Vano Nebukadinezara ahaashella murima wunchichi nave ekhovaaye yahaatthattuwella Shadrake, Meshaki ni Abedenego. Olliye aalamula wi eng'anjo yamunllo ettettheeriwe otthanu ni opiilli okhwaranya mmo enattettheerelliiwa.

Ezekiele 3:14

Munepa a Mulluku aakitukhullella muddullu akiwelliha, sika ddaakivooriiha ni okishiha murima. Nnatta namasiva na Apwiya naari va miyaano.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Yesaya 49:26

Kineerewaawatihera awuuhoosani wi eche muhehiiwa eneerolezela ni nikhame niwa wonanko ni vinyo anaanweene. Sika athu attheene eneerodduwella wi Mi tti Apwiya, Oovullusaanyu, Oowoopollaanyu, Amasiva a Yakobo.”

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Masalimo 6:1

Apwiya, mu osha murima wanyu muhinakisimwella, mu onanariwa wanyu muhinakillaka.

2 Mamwene 3:9

Sika mwene a o Israele ni mwene a o Yuda owaakattho mwene a o Edomu attheenaayo yaayaawo nimodda. Nave yeetille mwawaapheella mu echipululu mallapo matthanu ni meelli, maaddi awi akhoto ni enama ddiwa ddiwirye kheyaariwo.

1 Mamwene 20:10

Benihadadi aarumihattho mawu wa Ahabu wi, “Kineeroowa ni athwaaka anchichi wi koononge muzindaawo ni owutthattusa nthupi. Milluku ddikillake kaaheera ddenndda.”

Oweeruza 8:5

Vano ephiyalle va Sukoti, Gideoni ahaaveka athu amodda wenko wi, “Pepaani avaheni buledi athu ayo eri ni miyaanwaalla vawi aatopa wunchichi. Ninamwiikariha Zeba ni Zalimuna, mamwene a Midiyani.”

Oweeruza 4:10

Baraki aawiithana athu a malloko a Zebuloni ni Nafutali wi ewe o Kedeshi. Athu ayo yamuthwanre yaari 10,000 nave Debora aathaananana.

Deuteronomo 32:24

Eneerewoonongeya ni ettalla ni oviha mwiilli, eneerewoonongeya ni ereta ddawoopiha ddoohiyanahiyana. Kineerewaarumihella enama ddawoopiha ddamuhakani, eneerollumiwa ni ddawaapadda ddanttipwi.

Deuteronomo 29:24

Vano ellapo yavatthi ettheene eneerokoha wi, ‘Ethiyo kaambiiwa tini Apwiya eyeerelliiwa ddenndda ellapweella? Ethiyo kaambiiwa tini eshilliiwa murima wunchichi ddiidda?’

Numeri 12:3

Mose aari awiiyeviha omukhwaranya arive muthu va ellapo yavatthi.

Aheberi 11:27

Ekaamba ya echikhulupililo, Mose aakhumawo o Iguputo moohoova oowalli wa Farao vawi aanavillella wonanko muthu oomoona Mulluku oohooneyoolla.

Eksodo 10:29

Mose ahaakhulla wi, “Ddawoona moollikana ni mmo mullotelleenyu, ngiwa kiwoonakanittho.”

Nehemiya 5:6

Vano kiiwalleemi okhupanya wiwanko, kaasha murima wunchichi.