Eksodo 11:3 - Mawu a Mulluku

³ Nave Apwiya yaaweeriha Aiguputwaalle wi ekhalle ooreera murima wa Aisraele. Ello emoddattho yaari yawi Mose aari muthu oovuwa wunchichi mu ellapo ya Iguputo, vamiitthoni va enduna dda Farao navettho vamiitthoni va athu attheene.

Eksodo 11:3 ပူးပေါင်းရင်းမြစ်များ

Eksodo 12:36

Apwiya yaaweeriha Aiguputwaalle wi ekhalle ooreera murima wa Aisraele wi yaavahe Aisraelaayo ddittheddene nnddo yavekilliiwa. Sika Aisraelaayo yahaakhawo eyuuma ya Aiguputwaalle.

Eksodo 3:21

“Nave kineeroweeriha Aiguputwaayo wi ekhalle ooreera murima vamiitthoni va athwaaka, sika wi mwaavenyakawo, khamuvenyawo mattave.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

Yesaya 60:14

Edduullu dda ayo yuuhoosille eneerewuuwaramella moovelleella olemu. Attheene yuunyaambusallevo eneerewuukokhorella vamanyalloni vawo. Eneerewuuromolla wi ‘Muzinda wa Apwiya,’ ‘Ziyoni a Aweella a Israele.’

Masalimo 106:46

Apwiya yahoollowiha mirima dda adaniiwa attheene ayo yaaphanre athwiiwa okaporo.

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Mitteko 7:22

Nave Mose aahuddihiwa ezeru ddittheddene dda o Iguputo nave akhalla muthu amasiva mu mawu ni mu ddaweera ddaye.

Estere 9:4

Vawi Mordekai aari muthu muullupalli o enyumba yoomwene nave olliye aavuwa orive weko mu ezigawo ddittheddene, ekaamba yawi masiva a olamulellwaaye yaanoonjerereya nllapo ni nllapo.

2 Samuele 7:9

Nave kaari ni weyaano orive weko wayeewewo nave kahaagonjiha adanaawo attheene weyaano woonaka. Vano kineerewuuvuwiha wonanko athu oovuwesesa va ellapo yavatthi.

Deuteronomo 34:11

Khaavo namallotella mmodda eerille ddoottikhiniha ni ezizindikiro wonanko nnddo Apwiya yamulleelliiwa Mose wi eere vamiitthoni va mwene a o Iguputo ni va enduna ddaye ni mu ellapwaaye ettheene.

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Eksodo 12:35

Navettho Aisraele yaari yeerille moollikana ni mmo Mose aalleellelleeye. Yaaveka wa Aiguputwaayo ddawiireerihana mwiilli ddasiliva ni ddagolide navettho ddoowara.

Deuteronomo 34:10

Ovenyera vaavo khanaphwanyeyekettho mu Israele namallotella wonanko Mose oyo Apwiya yallotiiwana vamiitthoni ni vamiitthoni.

Yoswa 4:14

Nnddo yeerille Apwiya nllapo nenno ddaaweeriha Aisraele omuvaha olemu Yoswa. Vano yaamuvaha olemu wunchichi moollikana ni mmo avahelliwa olemu Mose enthawi ettheene ya okumaaye.