Eksodo 10:9 - Mawu a Mulluku

⁹ Nave Mose ahaakhulla wi, “Attheenehi, anamwani ni attekweene nineeroyaawo. Ninaayeewo ni aniihu aallopwana, aniihu aatthiyana, enkhosa, epuri, abulu ni eng'ombe ddahu ddene, ekaamba yawi nineereweera ehakallallo yowaallapella Apwiya.”

Eksodo 10:9 ပူးပေါင်းရင်းမြစ်များ

Eksodo 5:1

Vatulli viwa Mose ni Aroni yaaya wa Farao emulleella wi, “Apwiya Mulluku a Israele, enallota wi, ‘Owaakhullelle athwaaka eye o echipululu wi yeere ehakallallo yookillapella miyaano.’ ”

Eksodo 3:18

Mulluku aavirellella ollota wi, “Eneerewiiwa nnddo oneereewe waalleelle. Sika weyaano ni oohoollella a Aisraelaayo muye wa mwene a o Iguputo nave mwamulleelle wi, ‘Apwiya Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu.’

Aefeso 6:4

Nyu attiitthi, muhaashiheke murima aniinyu. Koma mwaallelleke phaama vawaahuddihani makhallello ni ehuddiho ya Apwiya.

Oollalleya 12:1

Sika omuupuwelleke Oophatusaawo mu mallapo eesombwaawo mallapo oonanara ehinaphiye, ddihinaphiyettho miyakha nnddo onaallotekeewe wi, “Okumi khonakihakallalliha.”

Miyambo 3:9

Waatitimiheke Apwiya ni eyuumaawo ettheene ni ddoohata ddawo ddawaamba.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Numeri 29:12

“Va nllapo na 15 na mweeri waneetthanu ni piilli, mweere mutthukumano woopatuleya, muhiphareke mutteko nave mweereke ehakallallo yowaariiha Apwiya mallapo matthanu ni meelli.

Eksodo 13:6

Wa mallapo matthanu ni meelli, mumucheke buledi oohikhalla ni yisiti nave va nllapo naneetthanu ni piillinno vikhalleke ehakallallo yowaallapella Apwiya.

Eksodo 5:3

Vano alliwa yaamulleella wi, “Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu. Naahiyaawo aneeroniipha ni ereta apaalle ekhoto.”

Genesis 50:8

Nave yaathaananattho ni attheene a o nibanja naye, asinne ni attheene a nibanja na attiitthinnya. O Gosheni wulle wahallille anamwani ni eziweto ddiwa.

Eksodo 10:10

Koma Farao ahaalleella wi, “Kinimallupella vamiitthoni va Apwiya Mullukwaanyu wi ngiwaakhullellani wi mwaakuse aniinyu ni awarinyu. Kinnadduwella wi nyuwaano mookhalla ni yoolinga yoonanara m'murimani mwanyummo.

Eksodo 10:26

Koma nineerokusa eziweto ddahu nave wuno khohalla naari echiweto emodda. Vawi ninaphwanella wi natthoolle eziweto ddawaarumeyellana Apwiya Mullukwaahu. Nave khaninadduwella ddoophwanella ophariha mutteko vawaallapellani Apwiya ophiyera niphiyalle wenko.”

Eksodo 12:32

Mukuse enkhosa ddanyu, epuri ddanyu, abulwaanyu ni eng'ombe ddanyu ddene moollikana ni mmo mwallotilleenyu nave muvenyemo. Mwavekelle wi nameenettho akidalise.”

Eksodo 12:37

Sika Aisraele yaatimulla olendo ovenya o Ramsesi oya o Sukoti. Allopwana yaarivo 600,000 ohiweerengella atthiyana ni anamwani.

Eksodo 12:38

Vaakhallattho mulloko muullupalli wa athu amodda ayo yahiri Aisraele navettho enkhosa, epuri, abulu ni eng'ombe ddinchichi.