Eksodo 10:26 - Mawu a Mulluku

²⁶ Koma nineerokusa eziweto ddahu nave wuno khohalla naari echiweto emodda. Vawi ninaphwanella wi natthoolle eziweto ddawaarumeyellana Apwiya Mullukwaahu. Nave khaninadduwella ddoophwanella ophariha mutteko vawaallapellani Apwiya ophiyera niphiyalle wenko.”

Eksodo 10:26 ပူးပေါင်းရင်းမြစ်များ

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

2 Akorinto 8:5

Ddaari ddookhwaranya nnddo natiyerelleehu! Vawaamba yahiivelleella weekhiiwa wa Apwiya nave vatulli viwa, mu opaalla wa Mulluku, yahiivelleella wa hiyaanottho.

Zekariya 14:20

Nllapo nenno va mabelo oowara akavalo akhoto vineerolembiwa mawu awi, “Oopatulelliwa wa Apwiya.” Nave epalli dda o enyumba ya Apwiya ddinaakhalle ddoopatuleya wonanko embale dda vanikuwani.

Hoseya 5:6

Athu ennavelleella mukutho wa enkhosa ni wa eng'ombe vawaashaashani Apwiya koma khenaaphwanya vawi ahaavenyeravo.

Yesaya 23:18

Koma mphurweene ni mallivellweene ddinaavelleelliwe wa Apwiya. Kheddisungiwa apaalle ohiyiwa koma ddinaavelleelliwe wa oorumeyella a Apwiya wi ekulle ddoocha ddinchichi ni ddoowara ddooreera.

Miyambo 3:9

Waatitimiheke Apwiya ni eyuumaawo ettheene ni ddoohata ddawo ddawaamba.

Eksodo 12:32

Mukuse enkhosa ddanyu, epuri ddanyu, abulwaanyu ni eng'ombe ddanyu ddene moollikana ni mmo mwallotilleenyu nave muvenyemo. Mwavekelle wi nameenettho akidalise.”

Eksodo 10:9

Nave Mose ahaakhulla wi, “Attheenehi, anamwani ni attekweene nineeroyaawo. Ninaayeewo ni aniihu aallopwana, aniihu aatthiyana, enkhosa, epuri, abulu ni eng'ombe ddahu ddene, ekaamba yawi nineereweera ehakallallo yowaallapella Apwiya.”

Eksodo 10:25

Mose aallota wi, “Vanothi nyuwaano sika munaanivahe eziweto ddoovelleellella mukutho wooshellelliha wa Apwiya Mullukwaahu.

Eksodo 8:27

Ninaphwanella weeta olendo wookwakhwana mallapo mararu muchipululuni wi navelleelle wa Apwiya Mullukwaahu, moollikana ni mmo yanilamulelliiwa.”