Eksodo 10:21 - Mawu a Mulluku

²¹ Vano Apwiya yaamulleella Mose wi, “Tukhullella nnatta nawo muddullu wi vikhalle epiphi yawoopiha wunchichi va ellapo ettheene ya Iguputo.”

Eksodo 10:21 ပူးပေါင်းရင်းမြစ်များ

Yuda 1:6

Muupuwelle angelo ayo yahikwakhwanihiwe ni olamulellwiiwa nave yaahiya mookhalla mwiwa. Mulluku ahaamaka ni onyolo woohiphaddeya nave ohaahiya onipuroni neepiphi ophiyera nllapo naweeruza nuullupallinne.

2 Petro 2:17

Athu yaalla tti wonanko neetuutu oohikhalla ni maaddi navettho wonanko mirapo ddooweetihiwa ni ephevo yuullupalli. Mulluku oohaasungella nipuro niwa mu epiphi yooripesesa.

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

Luka 23:44

Waambeella 12 koloko otthaana ophiyera 3 koloko waakhalla epiphi mu ellapo ettheene vawi nndduwa naathiima.

Mariko 15:33

Waambeella 12 koloko otthaana ophiyera 3 koloko waakhalla epiphi mu ellapo ettheene.

Mateyu 27:45

Waambeella 12 koloko otthaana ophiyera 3 koloko waakhalla epiphi mu ellapo ettheene.

Miyambo 4:19

Ettilla ya athu oonanara tti wonanko epiphi yawoopiha. Khenadduwella yaakwakwatullalle.

Masalimo 105:28

Apwiya yaarumiha epiphi yawoopiha wunchichi koma Aiguputo yaawukila mawiiwa.

Deuteronomo 28:29

Nave muneerekewaashaasha ettilla nndduwa noopaka wonanko muthu oohoona. Erive ello munaapharekeenyu khamuphurakana ello. Munaakhallelleke ohoosiwa ni wiiyeriwa nave khaavo naari mmodda anuukavihereni.

Eksodo 9:22

Vano Apwiya yaamulleella Mose wi, “Tukhulla nnatta nawo oddullu nave marallalla eneeromora va athu, va enama ni va ddoomella ddittheddene mu ellapo ettheene ya Iguputo.”

Yuda 1:13

Ddaweera ddiwa ddoowulliha muru ddinooneya wonanko niphoru na mafunde awoopiha a va enyanja. Tti wonanko etheneeri ddaweeteeta nave Mulluku ohaasungella nipuro na epiphi yooripa yoohimalla.

Oollalleya 6:4

Mwaana ookhote annooneya enthawi yooyeva, arimeella mwiipiphini nave atiwalleya mwemmo.

Oollalleya 2:14

Muthu eezeru aneeta miitthwaaye eri muhoollo koma muthu ookarangeya aneeta mwiipiphini. Koma koodduwella wi nnddo ddimmorelle mmodda tti ddimoddamoddave ddennddo ddinammorelle mmoddooyo.

Masalimo 78:49

Ahaamorihella munllo woowalli, ahaananariwella aashella murima, aamorihella mu ddookatamiha. Ddenndda ddaari wonanko mulloko wa angelo awoononga.

Masalimo 35:6

Ettilliiwa ekhalle yeepiphi ni yoottherenya, mungelo a Apwiya aawaathwaraka.

Yawuupullulla 8:12

Mungelo aneesese ahoopa nipallapata naye. Emodda mwa ezigawo ddiraru dda nndduwa, mweeri ni etheneeri ddahoonongeya sika owala wiwa waatthattuwa epiphi. Owala khewaariwo waambeella emodda mwa ezigawo ddiraru dda otthaana ni dda mahiiyu.

Eksodo 7:19

Apwiya yaamulamulattho Mose wi, “Mulleelle Aroni wi, ‘Kusa ekopwaawo, oyitthoonyihelle omaaddini mattheene a mu Iguputommu wonanko mihinje, mitthipidda, matokwi ni mathiyeene. Nave maaddi a mwiillaponi mutthemwene eneerotthattuwa nikhame nave mwiillaponi mutthemwenemmo munaakhalle nikhameve naari ni muddoorikellamo maaddi ddene, dda miteekho ni dda malluku.’ ”

Ezekiele 32:7

Kineerowoononga, kineerohuruwella oddullu nave kineeroripiha etheneeri. Kineerohuruwella nndduwa ni murapo nave mweeri khowa owala.

Deuteronomo 1:30

Apwiya Mullukwaanyu ayo enuuhoollellani nyuwaano eneerowana ekhoto munipuroni mwanyu wonanko moonelleenyu o Iguputo wulle

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

Yobu 5:14

Nndduwa noopaka ennakumana ni epiphi, ennaapapella otthaana wonanko mahiiyu.