Eksodo 10:13 - Mawu a Mulluku

¹³ Vano Mose aatukhullella ekopwaaye va ellapweeyo nave Apwiya yahaambiha ephevo yoovenyera wookhuma nndduwa wi yoope va ellapo ettheene ya Iguputo otthaana ni mahiiyweene. Osaka wene, nazombe aari virive veko.

Eksodo 10:13 ပူးပေါင်းရင်းမြစ်များ

Mateyu 8:27

Athu attheene yaari mukallawanimmo yaattikhina, ellota wi, “Muthu yoolla tti awiidde? Naari ephevo ni maaddi ddinnamwiiwellella.”

Yona 4:8

Vookhumani nndduwa, Apwiya yaamurumihella Yona ephevo yooviha wunchichi. Nndduwa naamoosa vamuru vaye mookusa murima. Sika ahaambattho oveka okhwa wi, “Tti waphaama wi kikhwe okhwaranya okhalla ni okumi.”

Yona 1:4

Koma Apwiya yaarumiha namondwe va enyanjamvo. Namondwooyo aanoopa mwawoopiha wunchichi vawi echombo yahanlle vang'ono ophweeya.

Masalimo 148:8

nyu munllo ni marallalla, nyu nakhuttu ni mirapo, nyu ephevo ddawoopiha ddawiiwellella malamulwiiwa,

Masalimo 105:34

Yaallota nave waaphiya nazombe, middope ddooheerengeya,

Masalimo 78:26

Aayoopiha ephevo ya wookhuma nndduwa, awiiha ephevo ya omwera ni masivaaye.

Eksodo 14:21

Sika Mose aatthoonyiha nnatta naye vanyanjani nave Apwiya yahoopiha ephevo yuullupalli yoovenyera wookhuma nndduwa, eyo yoopille mahiiyu mattheene nave yahummiha enyanjeeyo. Maaddaayo yaakawaneya

Genesis 41:6

Vatulli viwa vaaphuwattho makalla matthanu ni meelli awoonda ni ooshellella ni ephevo yoovenyera wookhuma nndduwa.

Masalimo 78:46

Ahaarumihella nazombe wi ache m'middwiiwa oononge ddawimma ddiwa.

Miyambo 30:27

nazombe, khanna mwene koma aneeta m'millokoni,