Eksodo 1:20 - Mawu a Mulluku

^20-21 Sika Mulluku aaweerella ddaphaama azambaayo nave ekaamba yawi azambaayo yaanamoova Mulluku, ahaavaha anamwani. Nave Aisraele yaavirellellave oruuwa, waata ni okhalla amasiva manchichi.

Eksodo 1:20 ပူးပေါင်းရင်းမြစ်များ

Oollalleya 8:12

Naari muthu oochimwa eerille ddoonanara wunchichi, annakhallave ni okumi wa enthawi yoorekama koma kinnadduwella wi oomwiiwellella Mulluku ddinnamweetella phaama vawi annamoova Mulluku.

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Masalimo 111:5

Ennavaha yoocha athu oowoova, ennuupuwella echipanganwiiwa enthawi ettheene.

Luka 1:50

Anaweerella echifundo ayo enamoova olliye ovenyera va mbado mmodda ophiyera mmodda.

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 10:42

Nave oyo anamuvaha mmodda mwa oohuddera oohambuwaalla naari kapu amaaddi oowirya ooriirya kaambiiwa tti oohudderaaka, kinimuulleellani ddawoona wi, aneerothuviwa.”

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Masalimo 145:19

Ayo enawoova Apwiya ennavahiwa ddoopaalla ddiwa, ennawiiwa winlla wiwa, ennaavullusa.

Masalimo 103:11

Mmo oddullu orekamellaniiwa ni ellapo yavatthi, tti mmo yunnuwelle echikondiiwa yoohisintheya wa oowoova.

Masalimo 85:9

Ddawoona, Mulluku tti ookhozeka wi aavulluse ayo enamoova wi ntitimiho naye nikhalle mu ellapwaahu.

Masalimo 61:5

Nyu Mulluku, mohiiwa nnddo killupenlleemi, mookivaha yaakayaaka eyo enaakhella athu oowoovani.

Eksodo 1:12

Koma alliwaayo yahoosiwiiwa wunchichi, yaanavirellella waata wi emwareyelle mu ellapo ettheeneeyo. Sika wi Aiguputo yaanawoova alliwaayo,

Eksodo 1:7

Koma Aisraele, edduullu ddiwa, yahaayara anamwani anchichi. Yaaruuwa, yahaata ekhalla amasiva manchichi nave eddalla ellapweeyo.

Eksodo 1:19

Azambaalle yaamwaakhulla wi, “Atthiyana a Eheberi khenaphwanaphwana ni atthiyana a Aiguputo. Atthiyana a Eheberi tti amasiva vawi muzamba ahinaphiye, alliwa enakhalla emuyarille mwaana khalle.”