Deuteronomo 9:3 - Mawu a Mulluku

³ Koma ollello mudduwelle wi Apwiya Mullukwaanyu sika anuuhoollelleni wonanko munllo wooshellelliha. Eneerewaagonjiha attheene vamiitthoni vanyu ophiyera muneerowiikariha ni waatthollosa mwawaakuva moollikana ni mmo Apwiya yalonjezelliiwa.

Deuteronomo 9:3 ပူးပေါင်းရင်းမြစ်များ

Deuteronomo 4:24

Vawi Apwiya Mullukwaanyu tti munllo wooshellelliha nave tti Mulluku eehache.

Aheberi 12:29

Vawi Mullukwaahu ari wonanko munllo wawoononga.

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Deuteronomo 20:4

Apwiya Mullukwaanyu eneerothaanana ni nyuwaano wi yuukavihereni va ekhotweeyo nave wi yuupambaniheni.’

Yoswa 3:11

Vaavo nibokosi na echipangano na Apwiya a ellapo yavatthi ettheene nillapuwe muhinje wa Yordani vahoollo vanyu.

Mika 2:13

Oyo anaphovolla esiri annahoollella nave attheene ennakhumella vaavo. Mweniiwa, Apwiya mwaneeniiwa, sika anaakhalle awaamba nave eneerewaahoollella.

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

Deuteronomo 1:30

Apwiya Mullukwaanyu ayo enuuhoollellani nyuwaano eneerowana ekhoto munipuroni mwanyu wonanko moonelleenyu o Iguputo wulle

Yoswa 3:14

Enthawi yeeyo yaari yoohata nave muhinje waari wooddalla wunchichi. Athu attheene yaavenya m'misasani wi yallapuwe muhinje wa Yordanoolle. Allupa mukutho sika yaari vahoollo etukhullalle nibokosi na echipangano na Apwiyanne. Allupa mukutho yaphiyiiwa mukhwipi mwa muhinje wa Yordani enakitthella m'maaddinimmo nave enaanyingalla,

Aefeso 5:17

Sika muhikhalle ookarangeya koma mweeseese wiiwesesa nnddo Apwiya enapaalliiwa wi mweere.

Mariko 7:14

Vano Yesu awiithana athwaalle nave allota wa yaayo wi, “Attheenenyu kiiwelleni nave mwiiwesese!

Mateyu 15:10

Vano Yesu aawiithana athwaalle nave aallota wa yaayo wi, “Iwani nave mwiiwesese!

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

Yesaya 30:33

Nipuro nawoosella ddeko tti nookhoziwa khalle nno yamukhozelliiwa mwene a o Asiriya. Nipuronno tti noowallamella ni nuullupalli nooddalla ni ekhuni. Sika mpweya wa Apwiya wookhalla wonanko muhinje wa sulufure, oneerokhariha munllooyo.

Yesaya 30:30

Apwiya eneerovuwiha mawiiwa awoopiha nave athu eneerewoona nnatta niwa nikitthaka va alliwa ni owalli wawoopiha ni mallumi amunllo wawoononga variyari va ettari, namondwe ni marallalla.

Yesaya 30:27

Ngoonani, nnddina na Apwiya ninnooneya ovenyera woorekama. Enooniha osha murima muwari mwa munllo ni mwiisi woottikana. Enallota moowalli nave mawiiwa enaviha wonanko munllo wawoononga.

Yesaya 27:4

Ngiyinanariwella emataaka yampeseeyo. Miiwa ddoohiyanahiyana ddooneyilleke kaaweerollipanana ni oddoosa munllo moohihiyerera.

Deuteronomo 9:6

Vano dduwellani wi Apwiya khenuuvahani ellapo yaphaameella ekaamba yawi muri oolungama vawi nyuwaano muri athu awumma murima.

Deuteronomo 7:16

Nave muddoononge moohimoriwa ethakaraka mitundu ddittheddene nnddo Apwiya Mullukwaanyu enaaddivelleelliiwa m'mattani mwanyu. Muhillapelleke milluku ddiwa vawi muneerophariwa m'musamphani.

Eksodo 24:17

Wa Aisraelaalle, ntitimiho na Apwiyanne nooneya wonanko okhara wa munllo vamwaangoni.

Oweeruza 4:14

Debora aamulleella Baraki wi, “Venyani, ollello Apwiya aamuvelleella Sisera m'mattani mwanyu. Apwiya ahuuhoollellani khalle” Sika Baraki aakittha o mwaango wa Tabori, athu 10,000 emuthwaraka.

Eksodo 23:23

Mungelwaaka aneerewuuhoollellani nave aneerewuuvollochihani mu ellapo ya Aamori, Ahiti, Aperezi, Akanani, Ahivi ni Ayebusi nave kineerowoononga attheenaayo.

Deuteronomo 7:22

Apwiya Mullukwaanyu eneerowiikariha adanaanyu vang'ono vang'ono mwaawaatamellaka. Koma khamuwora waamalliha attheene enthawi emodda vawoovani wi enama ddamuhakani ddineerewaata ni waamba owoopopihani.

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

Yoswa 11:8

Apwiya yahaavelleella m'mattani mwa Aisraele wawi yahaahella ekhoto ewiikariha yaphiya ompoto wa Sidoni muullupalli ni o Misirefoti Maimu navettho wookhuma nndduwa yaphiya o ntapo na Mizipa. Yaawiipha attheenaayo, khaavo naari muthu mmodda avulluwalle.

Yoswa 11:12

Yoswa ahaaphara mamwene mattheene ni mizinda ddiwa ddene awiipha ni nsupada nawiisha, awoononga attheenaayo moollikana ni mmo Mose oorumeyella a Apwiya alamulelleeye.

Yoswa 14:12

Vano mukikawelle ellapo yamiyaango moollikana ni mmo Apwiya yakilonjezelliiwa. Valle mwahiiwa wi Aanaki, athu amasiva, aakhallawove wenko m'mizindani dduullupalli ni ddamipanda. Koma apaalle Apwiya ttuukhalla ni miyaano nave kineerowiikariha moollikana ni mmo Apwiya yallotelliiwa.”