Deuteronomo 9:2 - Mawu a Mulluku

² Athwiine tti amasiva navettho oorekama, edduullu dda Anaki munaadduwelleenywaalle. Vawi mwahiiwa ddillotiwaka wi, ‘Ethiyo ttaani anaawore ollipana ni edduullu dda Anaki?’

Deuteronomo 9:2 ပူးပေါင်းရင်းမြစ်များ

Numeri 13:22

Vawaamba yaweelle ettilla yoomwera yaphiya o Hebroni nko wakhalla Ahimani, Sheshai ni Talimai, edduullu dda Anaki. (Muzinda wa Hebroni wamakiwe miyakha mitthanu ni miilli muzinda wa Zowani o Iguputo ohinamakiwe).

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Daniele 11:16

Sika mudani oompotooyo aneereweera ddoopaalla ddaye vawi khaavo anaallipanena. Aneerokeraattheya mu ellapo yooreeresesa nave ddittheddene ddinaakhalle m'mattani mwaye.

Daniele 8:4

Kaamoona nankhoro a enkhosooyo akhuddullaka embali ya wookhuma nndduwa, yoompoto ni yoomwera. Khavaari enama emodda yoowora ollipanana nave khaarivo oowora waakiha ello wa olliye. Sika aaneera ddoopaalla ddaye ni wooniha masivaaye mwawiitukhulla.

Yobu 11:10

Ethiyo Mulluku avira nave uuwallella mundendeni, uukokella omillatuni, ttaani anaamuvaanye?

Deuteronomo 7:24

Eneerewaavelleella mamwene mattheene m'mattani mwanyu nave muneerowiipha nave khewa yuupuwelleya. Khaavo anaawore wuuhiihani nave muneerowoononga attheene.

Deuteronomo 2:21

Athwaayo yaari amasiva ni anchichi nave yaarittho oorekama wonanko Aanaki. Komave Apwiya yaawoononga nave ellapwiiwa yahaakhiwa ni Aamoni ayo yakeraattheye wenko.

Numeri 13:33

Naawoonattho Anefili, edduullu dda Anaki. Hiyaano nooneya wonanko middope nave alliwattho yanoonattho wonanko middope.”

Numeri 13:28

Komathi athu amwiillaponimmo tti amasiva, mizinda ddiwa tti ddawaapheelliwa ni mpanda navettho tti dduullupalli. Woonjerera vaavo naawoonattho edduullu dda Anaki.

Eksodo 9:11

Amasengaalle kheyaaworillettho ophiyera vamiitthoni va Mose ekaamba yawi alliwattho yaari etthukuve, moollikana ni mmo yakhallelliiwa Aiguputo attheene.

Deuteronomo 1:28

Ethiyo ninaaphwanye ellapo yawiidde wenko? Abalaahu naarumalleehwaalle yaaniriiryiha mwiilli wi athwaayo tti amasiva ni oorekama onikhwaranya hiyaano. Eniwattho mizinda ddiwa tti dduullupalli, dda mipanda ddoorekama. Navettho eniwa wenko yaawoonawo athu uullupalli ni oorekama, edduullu dda Anaki.’

Yoswa 11:21

Vano enthawi yeeyo Yoswa aawoononga Aanaki. Alliwaayo yakhalla mu ellapo dda miyaango dda Hebroni, Debiri, Anabu ni ellapo ddittheddene dda miyaango dda Ayuda ni dda Aisraele.

Yoswa 11:22

Khaavo naari mmodda Aanaki oyo ahanlle mu ellapo ya Aisraele. Koma ooyeva yahallille o Gaza, o Gati ni o Ashidodi.

Yoswa 15:14

Kalebe aawiikariha malloko mararu a anamwani a Anaki mwiillaponimmo. Manddiniiwa yaari Sheshai, Ahimani ni Talimai.

Amosi 2:9

Komathi tti mi kawoonongille Aamori, Aisraele yoonaka yaphiyiiwa valle naari alliwaayo yaari oorekama wonanko mukunguza, naari yaari amasiva wonanko miteekho dda muthundu. Kahoononga ezipaso ddiwa m'miteekhoni ni misisi ddiwa vatthi.