Deuteronomo 8:2 - Mawu a Mulluku

² Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Deuteronomo 8:2 ပူးပေါင်းရင်းမြစ်များ

Yakobo 1:3

vawi munnadduwella wi weesiwa wa echikhulupilwaanyu onnawiiha ovillella.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

Deuteronomo 8:16

Yahuuvahani mana muchipululuni wi muche, yoocha eyo makhollwaanyu yahiyidduwenlliiwa wi yuuyeviheni ni oweesani wi vatulli viwa yuudaliseni.

Eksodo 16:4

Vano Apwiya yaamulleella Mose wi, “Kineerewuuvahani yoocha eyo enaamore wonanko murimu ovenyera oddullu. Athu enaakhumeke nllapo ni nllapo enaya yatthukumanihaka yoocha yookwakhwanella nllapo nenno wi kiweese nave koone yaarimi ethwareke malamulwaaka apaalle iyaayi.

Deuteronomo 2:7

“Valle Apwiya Mullukwaanyu yahuudalisani va mitteko ddittheddene mweerillaanyu. Yahuupwathani va olendwaanyu muchipululuni yuullupalleella. Apwiya Mullukwaanyu yaakhalla ni nyuwaano va miyakha 40 ddittheddenenndda nave khemwaaramille erive ello.

2 Epilli 32:31

Vano amithenga a enduna dda o Babiloni yaarumiwa wa olliye wi yakohe dda echizindikiro elle yeereye mwiillaponi mulle. Mulluku aamuhiya wi amweese nave wi adduwelle ddittheddene dda m'murimani mwaye.

Eksodo 15:25

Sika Mose aavekella moollipiha wa Apwiya nave Apwiya yaamooniha mwanakopo. Mose aavokha mwanakopooyo m'maaddini nave maaddaayo yaahiya owaawanko. Wenko Apwiya yahaavaha athwaayo malamulo ni ehuddiho nave aaweesattho.

Yakobo 4:10

Mwiiyevihe nyookha vamiitthoni va Apwiya nave eneerowunnuwihani.

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Deuteronomo 29:5

Va miyakha 40 mvo Apwiya yuuhoollelliiwani muchipululuni mulle ddoowara ddanyu apaalle esapato ddanyu khaddaawaahuwalle.

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Amosi 2:10

Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.

Yesaya 2:17

Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.

Miyambo 17:3

Siliva aneekiwa mwiipalleni nave golide ni munllo koma murima wa muthu oneesiwa ni Apwiya.

Masalimo 136:16

Yahaahoollella athwiiwa mu echipululu, echikondiiwa yoohisintheya tti ya enthawi yoohimalla.

Masalimo 106:7

Makhollwaahu yaariiwa o Iguputo, kheyaapwathille ddoottikhiniha ddanyu. Kheyaawuupuwelle wunnuwa wa echikondaanyu yoohisintheya, koma yaamuwukila Mulluku Amasiva Mattheene o Enyanja Yoofiira.

Masalimo 81:7

Mwaariinyu mu ddookatamiha mwaakiithana, nave miyaano kahuuvullusani. Kaawaakhullani kiri moovittheya mu ogugudeya wa murimu, kaaweesani omaaddini a Meriba

Masalimo 77:11

Nyu Apwiya, kineerewuupuwella mitteko ddanyu, ddawoona, kineerewuupuwella ddoottikhiniha ddanyu ddakhallekhalle.

Yobu 33:17

Aneera nndda wi amurukunuse muthu o mitteko ddaye anapaalla wi okota wa muthu omalle.

2 Epilli 33:12

Vano aariiye mu ddookatamiha, ahaaveka Apwiya Mullukwaaye wi emweerelle echifundo nave ahiiyeviha wunchichi vamiitthoni va Mulluku a makhollwaaye.

Deuteronomo 13:3

nyuwaano muhiiwellelle ddennddo vawi Apwiya Mullukwaanyu enapaalla eweeseni wi yoone mwaarimi mwaakondaka ni okumaanyu muttheene.

Deuteronomo 7:18

Muhiwoove alliwa koma muupuwelle nnddo Apwiya Mullukwaanyu yamweerenlliiwa Farao ni athwaaye.

Deuteronomo 1:33

ayo enthawi ddittheddene yahoolla va olendwaanyu wi yuuphwanyelleni khalleve nipuro nootthipellavo misasa ddanyu. Alliwa yaanuuhoollellani mwawooneya wonanko munllo mahiiyu nave wonanko murapo otthaana.”

Deuteronomo 1:3

Va nllapo nawaamba na mweeri wa khumi ni mmodda muyakha wa 40 waambeella mvo Aisraele yakhumalliiwa mu ellapo ya Iguputo, Mose ahaalleella ddittheddene nnddo Apwiya yamulamulalliiwa.

Genesis 22:1

Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

Eksodo 16:35

Aisraelaayo yaakhalla echaka manaayo miyakha 40 ophiyera yaaphiya o ellapo wookhalla athu, omalireni wa ellapo ya Kanani.

Eksodo 20:20

Vano Mose awaakhulla wi, “Muhoove vawi Mulluku oophiya wi aweeseni wi mumooveke m'murimani mwanyu navettho wi muhichimwe.”

Numeri 14:33

Aniinyu eneerokhalla abusa mu echipululu miyakha 40 nave eneerohoowa ekaamba ya ohiroromelleya wanyu ophiyera mumanlle okhwa mu echipululu.

Oweeruza 2:22

Vano kineeroweesa Aisraele wi kiwoone yiiki epwatheke ni weeta ettilla dda mi Apwiya wonanko yeerella makhollwiiwa apaalle iyaayi.”

Oweeruza 3:4

Yaahiyalle wi eweesekena Aisraele wi ewoone yaawiiwellellaka malamulo a Apwiya ayo yaalamulelliiwa makhollwiiwa oweella mwa Mose.

Nehemiya 9:19

ekaamba ya echifundwaanyu yuullupalli khemwaahiyalle muchipululuni. Murapo oyo waahoollella otthaana ni munllo waahoollella mahiiyu, khewaavenyillevo.

Ezekiele 20:19

Kaallota wi, ‘Mi tti Apwiya Mullukwaanyu, muthwareke malamulwaaka ni wiiwellella malangizwaaka.

Deuteronomo 32:7

“Upuwellani mallapo akhalle, ganizerani dda miyakha ddivirallennddo, akoheni attiitthaanyu, eneerewuulleellani, attekweenaanyu eneerewuutthopoollellani.

Masalimo 103:2

We murimaaka, atitimihe Apwiya, ohitiwalle ddaphaama ddiwa ddittheddene.

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.