Deuteronomo 7:1 - Mawu a Mulluku

¹ “Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Deuteronomo 7:1 ပူးပေါင်းရင်းမြစ်များ

Deuteronomo 31:3

Apwiya Mullukwaanyu aneeniiwa sika enaahoolle ollapuwa muhinje ni woononga mitundu ddimodda ddittheddene wi nyuwaano mwaakhe ellapwiiwa. Yoswa sika anaakhalle oohoollellaanyu moollikana ni mmo Apwiya ellotilliiwa.

Mitteko 13:19

Aheeriha wi mitundu mitthanu ni miilli ddoonongiwe mu Kanani nave aweera athwaaye ekhalla aneena a ellapweeyo.

Deuteronomo 4:38

Mweeteenyu, alliwa yahiikariha mitundu dduullupalli ni ddamasiva okhwaranya nyuwaano wi yuuvollochiheni ni waakha ellapo wi ekhalle wonanko yoohallanaanyu monga ddikhallelliiwa.

Deuteronomo 20:1

“Mwaya woowana ekhoto ni adanaanyu nave moona wi magaretiiwa, akavalwiiwa ni akhotwiiwa tti anchichi wuukhwaranyani nyuwaano, muhiwoove. Apwiya Mullukwaanyu ayo yuuvullusalleni o Iguputo eneerokhalla ni nyuwaano.

Deuteronomo 9:1

“Ngiiwani nyu Aisraele! Muhanlle vang'ono ollapuwa muhinje wa Yordani ni waakha ellapo ya mitundu dda athu anchichi ni amasiva wuukhwaranyani nyuwaano. Mizinda ddiwa tti dda mipanda ddoorekama.

Deuteronomo 9:4

“Vano Apwiya Mullukwaanyu yawiikariha alliwaayo nyu muhilloteke ni murima wi yuuvollochihalleni ni wuuvahani ellapweeyo ekaamba ya echilungamwaanyu. Khe ddiiddo! Apwiya eneerowiikarellani athwaayo vamiitthoni vanyu kaambiiwa alliwaayo tti oonanara.

Eksodo 33:2

Kineeromuruma mungelo vahoollo vawo nave kineerowiikara Akanani, Aamori, Ahiti, Aperezi, Ahivi ni Ayebusi.

Masalimo 78:55

Ahiikariha mitundu ddimodda dda athu waavenyihamo muttilla, aayikawakawa ellapwiiwa wi ekhalle yoohallana ya athwaaye, aakeraatthiha malloko a Israele m'misasani mwa athwaayo.

Deuteronomo 31:20

Vawi kaavollochiha mu ellapo ya mukaka ni enwi eyo kallupenlleemi wa makhollwiiwa nave yavona mmo enaapaallelliiwa ni oneneva, eneerorukunuwella o milluku ddimodda ni waamba oddillapella. Eneerokikhoota ni otathilla echipanganwaaka.

Deuteronomo 11:29

Apwiya yuuvollochihani mu ellapo eyo munaawaakheenyu, mwallalleye madaliswaalla muri va mwaango wa Gerizimu nave mwallalleye matembelelwaalla muri va mwaango wa Ebala.

Deuteronomo 6:23

Mulluku aanikhumiha hiyaano o Iguputo nave aaniphiyiha wuno ni onivaha ellapweella moollikana ni mmo allupenlleeye wa makhollwaahu.

Deuteronomo 6:19

Nave muneerowiikariha adanaanyu moollikana ni mmo Apwiya yalonjezelliiwa.

Deuteronomo 6:10

“Apwiya Mullukwaanyu yallupenlliiwa wa makhollwaanyu, Abrahamu, Isaki ni Yakobo wi eneerewuuvahani nyuwaano ellapo ya mizinda dduullupalli ni ddeeyuuma nnddo nyuwaano mwahimakilleenyu.

Deuteronomo 6:1

“Vano alla tti malamulo ni malangizo mattheene ayo Apwiya Mullukwaanyu yakilamulalliiwa wi kuuhuddiheni. Nyuwaano ni edduullu ddanyu muthwareke ddenndda mu ellapo eyo munaavolloweenyumo ni waakha.

Numeri 14:31

Aniinyu ayo mweereenyu eneerophariwa okaporo, kineerowaavollochiha mwiillaponimmo nave sika enaayidduwelle ellapo eyo munayivevulleenyu.

Eksodo 15:7

Munnaagonjiha adanaanyu ni ntitimiho nanyu nuullupalli, osha murima wanyu onnawoosa wonanko mittatthi.

Eksodo 6:8

Nave kineerewuuphiyihani o ellapo eyo kallupenlleemi wi kineeromuvaha Abrahamu, Isaki ni Yakobo. Kineerewuuvahani ellapo yeeyo wi ekhalle yaanyuyaanyu. Mi tti Apwiya.’ ”

Eksodo 23:28

Kineerowiikara Ahivi, Akanani ni Ahiti muhinaphiye nave eneerothawa wonanko kaarumihelle enwi.

Eksodo 23:33

Ehikhalleke mwiillaponi mwanyu, woova wi enuuchimwiheni. Mwaallapellaka milluku ddiwa, ddawoona, munimaphariwa m'musamphani.”

Levitiko 14:34

“Mwavollowa mu ellapo ya Kanani eyo kinuuvaheemini wi ekhalle yaanyu nave keeriha enyumba wi ekhalle ni enguwi mu ellapwaanyweeyo,

Deuteronomo 20:16

“Koma mwaakha mizinda nnddo ddiri mu ellapo eyo Apwiya Mullukwaanyu enuuvaheewani wi ekhalle wonanko yoohallanaanyu, mumwiiphe arive muthu.

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

Yoswa 11:3

Aarumihattho mawu wa Akanani a wookhuma nndduwa ni woovollowa nndduwa, wa Aamori, wa Ahiti, wa Aperezi ni wa Ayebusi o ellapo yamwaango, ni wa Ahivi ayo yakhalla museresere mwa mwaango wa Heremoni mu ellapo ya Mizipa.

Yoswa 24:11

Mwaallapuwa muhinje wa Yordani mwaphiya o Yeriko. Athu a o Yeriko yaawana ni nyuwaano, owaaka Aamori, Aperezi, Akanani, Ahiti, Agirigashi, Ahivi ni Ayebusi nave kahaavelleella m'matani mwanyu.

1 Mamwene 16:31

Akhalla wonanko ochimwa wa Yerobowamu khewaakwakhwanne. Aamutthella Yezebele, mwaana a Etibaala, mwene a Asidoni, aamba orumeyella ni onillapella nifano na Baala.

Nehemiya 13:23

Enthawi yeeyo kaawoona Ayuda ayo yaatthenlle atthiyana a o Ashidodi, a o Amoni navettho a o Mowabu.

Eksodo 23:32

Muheerena echipangano alliwaayo naarittho milluku ddiwa.

Numeri 13:29

Aamaleke enakhalla mu echigawo ya omwera. Ahiti, Ayebusi ni Aamori enakhalla mu echigawo yamiyaango. Akanani enakhalla museresere mwa enyanja ni museresere mwa muhinje wa Yordani.”

Deuteronomo 9:3

Koma ollello mudduwelle wi Apwiya Mullukwaanyu sika anuuhoollelleni wonanko munllo wooshellelliha. Eneerewaagonjiha attheene vamiitthoni vanyu ophiyera muneerowiikariha ni waatthollosa mwawaakuva moollikana ni mmo Apwiya yalonjezelliiwa.

1 Epilli 1:14

Kanani aarittho nikhollo na Ayebusi, Aamori, Agirigashi,

2 Epilli 8:7

Athu a mitundu ddimodda ayo yahiri Aisraeli yahanlle yaari Aamori, Ahiti, Aperezi, Ahivi ni Ayebusi.

Ezara 9:1

Vano ddittheddenenndda ddeereyille, oohoollella amodda yaawa wa miyaano ellota wi, “Aisraele, allupa mukutho ni Alevi kheyiipatulalle wa athu a mwiillaponimmo ni ddoolakwa ddiwa ovenyera wa Akanani, Ahiti, Aperezi, Ayebusi, Aamoni, Amowabu, Aiguputo ni Aamori.